Юхан 5:14 - Мукъаддес Китап

¹⁴ Сонъ Иса о адамны Алланынъ Сарайында тапты. – Мына, сен сагъ олдынъ. Энди гуна япма, ёкъса санъа даа да бетер шей оладжакъ, – деди онъа.

Юхан 5:14 Iomraidhean Croise

2 Тарих вакъиалары 28:22

Белялар куньлеринде биле Ахаз падиша РАББИге къаршы япкъан озь гуналарына даа гуна къоша эди.

Нехемья 9:28

Эр шей ятышкъан сонъ исе, олар кене Сенинъ огюнъде яман ишлер япып башладылар, Сен кене оларны душманларынынъ къолуна бердинъ, ве душманлары оларгъа башлыкъ эттилер. Олар кене Сени чагъырып башлагъанда, Сен коклерден эшитип, Озь буюк мераметинъ ичюн, оларны чокъ кере къуртардынъ.

Зебур 118:18

Козьлеримни ачып ташла, ве мен Къанунынънынъ аджайип шейлерини корерим.

Зебур 27:6

РАББИни алгъышлайым, чюнки О, меним ялваргъанымны эшитти.

Зебур 9:13

Тёкюльген къан ичюн О, джеза бере, азаплангъанларны О, акъылында тута, оларнынъ фигъанларыны ич унутмай.

Ешая 38:20

Меним Къуртарыджым – РАББИдир; омюрбилля РАББИнинъ Эвинде телли чалгъыларымызны чалдырып, тюркюлер йырлайджакъмыз!

Ешая 38:22

Хизкия исе: – Мен РАББИнинъ Эвине бараджагъымнынъ алямети недир? – деп сорады.

Левийлилер 13:20

Руханий оны бакъсын. Эгер хаста ери терининъ ичине кирип кеткен олса, эм де устюндеки сачлар агъаргъан олса, руханий хастаны арам деп илян этсин. Бу – кечиджи тери хасталыгъы. О, ишлев еринде пейда олды.

Левийлилер 26:27

Бундан сонъ да Мени динълемесенъиз ве Манъа къаршы чыкъа берсенъиз,

Левийлилер 7:12

Эгер бирев шукюр оларакъ оны кетирсе, шукюр къурбанынен берабер о, зейтюн ягъынен къарыштырылгъан такос пителерни, устьлерине зейтюн ягъы сюртюльген такос пителерни, зейтюн ягъынен къарыштырылгъан энъ яхшы богъдай унундан япылгъан отьмеклерни кетирмек керек.

Матта 12:45

О вакъыт джин бара да, озюнинъ янына башкъа, даа бетер еди джинни ала ве оларнен эвге кирип ерлеше. Сонъра, о адамнынъ алы эвелькисинден бетер ола. Бу ярамай несильнинъ алы да шойле оладжакъ.

Марк 2:5

Иса, оларнынъ иманыны корип, хастагъа: – Огълум, гуналарынъ багъышланды! – деди.

Юхан 5:13

Сагъ олгъан адам исе Онынъ ким олгъаныны бильмей эди. О ерде халкъ чокълугъы себебинден Иса андан кимсеге дуйдурмайып кеткен эди.

Юхан 5:5

Бу ерде отуз секиз йыл девамында хаста олып яткъан бир адам бар эди.

Юхан 8:11

– Ич кимсе, эфендим! – деп джевап берди къадын. – Мен де сени къабаатламайым, – деди Иса. – Бар да, бундан сонъ даа гуна япма.

1 Пётр 4:3

Кечмиште сизлер Алланы бильмегенлернинъ истегенине коре етерлик арекет эте эдинъиз, озьлеринъиз ахлякъсызлыкъкъа, бозукъ ниетлерге, ичкиджиликке, намуссыз отурышларгъа, эм де арам путперестликке бериле эдинъиз.