Юхан 3:13 - Мукъаддес Китап

¹³ – Ич бир кимсе коктен тюшмеген ве кокке чыкъмагъан, тек Инсан Огълу.

Юхан 3:13 Iomraidhean Croise

Икметли сёзлер 30:4

Ким коклерге чыкъып, андан энди? Ким ельни авучларына топлады? Сувларны урбасына ким сарып алды? Ернинъ сынъырларыны ким къойды? Ады недир? Огълунынъ ады недир? Билесинъми?

Матта 8:20

Иса онъа: – Тилькилернинъ къобалары бар, коктеки къушларнынъ ювалары бар. Лякин Инсан Огълунынъ башыны ястыкъкъа къойып ятмагъа ери ёкъ, – деди.

Юхан 1:18

Ич кимсе ич бир вакъыт Алланы корьмеген; тек Бабасына энъ якъын, бирден-бир Алла, О, Озю Оны танытты.

Юхан 13:3

Баба эр шейни Исанынъ къолуна бергенини, Алладан чыкъып, кене Алланынъ янына къайтаяткъаныны билип,

Юхан 17:5

Мына, Баба, Сенинъ огюнъде Мени шерефле. Дюнья яратылмаздан эвель Сенинъ огюнъде Менимки олгъан шерефни Манъа къайтар.

Юхан 3:12

Эгер сиз ердеки шейлер акъкъында айткъаныма инанмасанъыз, коктеки шейлер акъкъында айткъаныма насыл инанаджакъсыз? – деди.

Юхан 3:31

Юкъарыдан кельген эр кестен устюндир. Ерден пейда олгъан ерге аиттир ве ердеки шейлер акъкъында лаф эте. Коктен кельген исе эр кестен устюндир.

Юхан 6:33

Алла берген отьмек коктен тюше ве дюньягъа омюр багъышлай, – деди.

Юхан 6:38

Мен Озь истегимни дегиль, Мени ёллагъан Бабамнынъ истегини беджермек ичюн коктен тюштим.

Юхан 6:42

– Бу, Юсуфнынъ огълу Иса дегильми? Биз Онынъ бабасыны да, анасыны да танымаймызмы? Сонъ О: «Мен коктен тюштим», – деп насыл айта билир? – дей эдилер.

Юхан 6:46

Алладан Кельгенден гъайры ич бир адам Бабаны корьмеди. Бабаны тек О, корьди.

Юхан 6:51

Мен – коктен кельген тири отьмек олам. Бу отьмекни ашагъан адам эбедий яшайджакъ. Мен береджек отьмек – беденимдир, оны дюньягъа аят багъышламакъ ичюн береджем.

Юхан 6:62

Я Инсан Огълунынъ эвель олгъан ерине котерильгенини корьсенъиз, не оладжакъ?

Юхан 8:42

– Эгер Бабанъыз Алла олса эди, Мени север эдинъиз. Мен Алладан чыкъып кельдим, Озь-Озюмден кельмедим, Мени О, ёллады.

Фаалиет 2:34

Давут озю кокке котерильмеген эди, амма бойле деген: РАББИ меним Раббиме айтты: – Душманларынъны аякъларынъ астына йыкътырмагъанымдже, Меним онъ тарафымда отур.

Фаалиет 20:28

Озюнъизге ве бутюн сюрюге, яни Алланынъ иманлылар джемиетине, козь-къулакъ олунъыз. Мукъаддес Рух сизлерни джемиетке къаравул ве чобан этип къойды, Алла оны Озь къанынынъ фиятына сатын алды.

Римлилерге 10:6

Иманы ичюн берильген инсафлыкъ акъкъында исе бойле айтыла: «Юрегинъде: “Месихни ерге кетирмек ичюн, кокке ким чыкъаджакъ?” – деп тюшюнме.

1 Коринтлилерге 15:47

Биринджи адам ерден, топракъ тозундан пейда олды. Экинджи адам исе коктен кельди.

Эфеслилерге 1:23

Иманлылар джемиети исе – Месихнинъ бедени, эписини эписинде Толдургъаннынъ толулыгъыдыр.

Къануннынъ текрары 30:12

О коклерде дегиль. Олмаса, «Биз къанунны эшитейик ве беджерейик деп, ким коклерге чыкъып, оны бизге кетиреджек?» – айтып олур.