Юхан 19:9 - Мукъаддес Китап

⁹ Къайтып, преториягъа кирди ве Исадан: – Сен къаерденсинъ? – деп сорады. Лякин Иса онъа джевап бермеди.

Юхан 19:9 Iomraidhean Croise

Ешая 53:7

Оны эзиетледи, къыйнадылар, О исе агъзыны ачмады. Оны къой киби соймагъа айдап кетирдилер, къозу юнь къыркъкъан адамнынъ алдында индемейип тургъан киби, О да агъзыны ачмады.

Матта 26:63

Иса индемеди. Баш руханий Онъа: – Тири Алланынъ огюнде Сени емин эттирем, бизлерге айт, Месих, Алланынъ Огълу – Сенсинъми? – деди.

Матта 27:27

Акимнинъ аскерлери Исаны преториягъа алып бардылар. Исанынъ этрафында бутюн арбий болюкни топладылар.

Лука 23:9

Ирод Исагъа бир чокъ суаль берди, амма Иса бирине де джевап къайтармады.

Юхан 18:28

‌Исаны Каяфанынъ эвинден преториягъа алып бардылар. Саба эрте эди. Песах ашыны ашамагъа истеп, еудийлер арамланмакъ истемедилер ве преториягъа кирмедилер.

Юхан 18:33

Пилат преториягъа къайтып, Исаны чагъырды да: – Еудийлернинъ Падишасы Сен оласынъмы? – деп сорады.

Юхан 18:34

– Бу лаф озюнъден чыкътымы, я да Меним акъкъымда санъа башкъалары айттылармы? – деп сорады Иса.

Юхан 18:37

– Демек, Сен Падишасынъмы? – деди Пилат. – Буны сен озюнъ айтасынъ, – деди Иса. – Мен акъикъат акъкъында шаатлыкъ этмек ичюн догъдым ве шу макъсатнен дюньягъа кельдим. Ким акъикъат тарафында олса, Меним сесимни эшите.

Юхан 19:10

– Манъа джевап бермейсинъми? – деди Пилат. – Сени хачкъа мыхламагъа да, азат этмеге де къудретим олгъаныны бильмейсинъми?

Юхан 19:8

Пилат буны эшитип, даа чокъ къоркъты.

Юхан 8:14

Иса бойле джевап берди: – Мен Озюме Озюм шаатлыкъ япсам да, меним шаатлыгъым акъикъийдир, чюнки Мен къайдан кельгенимни ве къайда кетеяткъанымны билем. Сиз исе Меним къайдан кельгенимни ве къайда кетеяткъанымны бильмейсиз.

Филиплердекилерге 1:28

Сизге къаршы чыкъкъанлардан ич де къоркъманъыз. Бу оларнынъ гъайып оладжакъларына, сизинъ исе къуртуладжагъынъызгъа бельгидир. Бу – Алланынъ ишидир,

Къадылар 13:6

Къадын акъайына келип, бойле айтты: – Манъа Алланынъ адамы кельди. Онынъ къыяфети Алланынъ Мелеги киби, пек къоркъунчлы эди. Мен ондан къайдан кельгенини сорамадым, о да манъа адыны айтмады.