Юхан 15:5 - Мукъаддес Китап

⁵ Мен – юзюм асмасы олам, сиз – пытакъларысынъыз. Менде олгъан, Мен де онда олгъан адам чокъ мейва бере. Менсиз исе ич бир шей япып оламайсыз.

Юхан 15:5 Iomraidhean Croise

Икметли сёзлер 11:30

Инсафлы адамнынъ махсулы – омюр терегидир, икметли адам адамларнынъ юреклерини къазана.

Хошеа 4:8

Халкъым гуналары ичюн къурбанларыны кетиргенде, олар ашайлар. Халкъ даа чокъ къабаатларны къазангъанда, олар джан-юректен къувана.

Матта 13:21

О, де бир шейге, де башкъа шейге дикъкъат этип, урлукъкъа озюнде тамыр атмагъа ёл бермей. Онынъ башына шу сёз ичюн къаза-беля кельсе ве оны къуваласалар, о бирден ёлундан къайта.

Юхан 12:24

Сизге керчектен догърусыны айтам: эгер богъдайнынъ урлугъы топракъкъа тюшип ольмесе, о тек адий бир урлучыкъ олып къаладжакъ. Амма ольсе, чокъ берекет береджек.

Юхан 15:16

Сиз Мени сайлагъанынъыз дегиль, сизни Мен Озюм сайладым, юрмеге ве гъайып олмайджакъ мейва бермеге тайин эттим. Шунынъ ичюн, Меним Адымдан Бабадан не истесенъиз, О, сизге береджек.

Юхан 5:19

Иса еудийлерге къаршы чыкъып, шай деди: – Сизге керчектен догърусыны айтам: Огъул Бабасынынъ япкъан ишлерини корьмегендже, Озю ич бир шей япалмаз. Бабасы не япса, Огълу да тамам шу шейлерни япа.

Юхан 9:33

Эгер о адам Алладан олмагъан олса, ич бир шей япып оламаз эди.

Фаалиет 4:12

Башкъа ич кимседе къуртарув ёкъ. Кок тюбюнде адамларгъа берильген адларнынъ арасында тек Онынъ Адынен къуртулмакъ мумкюнмиз, – деди.

Римлилерге 12:5

Биз де, Месихнен берабер бир беден олып, бири-биримизге коре беденнинъ башкъа-башкъа мучелеримиз.

Римлилерге 6:22

Амма шимди гунадан къуртулып ве Алланынъ къуллары олып, азизлик кетирген ишлерни япып башладынъыз. Буларнынъ сонъу – эбедий омюрдир.

Римлилерге 7:4

Агъа-къардашларым, сизлер де бойле, Месихнинъ олюми ичюн Къануннынъ огюнде олю олдынъыз ве Алланынъ файдасына берекет бермек ичюн, олюмден тирильген Месихке къошулдынъыз.

1 Коринтлилерге 10:16

Биз топлашкъанда, шукюр къадесини алгъанда, Аллагъа шукюр этемиз ве бирликте Месихнинъ къаныны къабул этемиз. Отьмекни парчалагъанымызда, бирликте Месихнинъ беденини къабул этемиз.

1 Коринтлилерге 12:12

Бир беденде чокъ мучелер бар. Беденнинъ мучелери чокъ олса да, оларнынъ эписи – бир беден. Месих де ойле.

1 Коринтлилерге 12:27

Сизлер – Месихнинъ беденисинъиз, ве эр биринъиз – беденнинъ мучесисинъиз.

2 Коринтлилерге 13:8

Акъикъаткъа къаршы ич бир шей япып оламамыз, акъикъат ичюн эр бир шей япаджакъмыз.

2 Коринтлилерге 9:10

Сачыджыгъа урлукъ ве ашагъангъа отьмек береяткъан Алла сизинъ сачкъанынъызны бол япаджакъ, инсафлыкъ берекетинъизни де чокълаштыраджакъ.

Галатиядакилерге 5:22

Рухнынъ мейвасы исе – севги, къуванч, тынчлыкъ-аманлыкъ, сабыр, мерамет, яхшылыкъ, ишанч,

Эфеслилерге 5:9

Ярыкънынъ мейвасы – эр бир яхшылыкъ, догърулыкъ ве акъикъаттыр.

Филиплердекилерге 1:11

эм де, Аллагъа шереф ве шукюр олсун деп, Иса Месихтен кельген инсафлыкъ мейвасына толаджакъсынъыз.

Филиплердекилерге 4:13

Манъа кучь берген Иса Месихнинъ ярдымынен эр шейни япып олам.

Филиплердекилерге 4:17

Мен сизден бахшыш истемейим, сизинъ эйилигинъиз ичюн мукяфат алгъанынъызны истейим.

Колоссайлыларгъа 1:10

Буны да истеймиз: Раббиге ярашкъаны киби, яшанъыз; эр бир шейде Онынъ разылыгъыны къыдырынъыз; эр тюрлю хайырлы иште берекет кетиринъиз; Алланы даа чокъча билинъиз;

Колоссайлыларгъа 1:6

Бу Хабер бутюн дюньяда даркъалаята ве берекет кетире, сизинъ аранъызда да, сизлер акъикъатта Алланынъ эйилигини эшиткен ве анълагъан куньден башлап, шуны япаята.

Якъуп 1:17

Эр бир яхшы ве мукеммель бахшыш юкъарыдан, коклердеки ярыкъларны яраткъан Бабадан келе. О, денъишип тургъан кольгеге ошамаз, ич бир вакъыт денъишмез.

1 Пётр 2:4

Сиз Онъа, тири Къаягъа якъынлашынъыз. Адамлар Оны бир четке ташладылар, Алла исе Оны сайлады ве къыйметли япты.

2 Пётр 3:18

Раббимиз ве Къуртарыджы Иса Месихнинъ эйилигинде яшанъыз, Оны даа зияде билинъиз. Шимди ве эбедиен Онъа шурет олсун! Амин.