Нехемья 8:9 - Мукъаддес Китап

⁹ Бутюн халкъ Къануннынъ сёзлерини динълеп агълап башлады. Нехемья аким, руханий ве кятип олгъан Узеир ве халкъны огреткен левийлилер бутюн халкъкъа: – Бу кунь Алланъыз РАББИ ичюн азиз бир куньдир. Къасевет этменъиз ве агъламанъыз, – дедилер.

Нехемья 8:9 Iomraidhean Croise

4 Падишалар 22:11

Падиша Къанун Китабынынъ сёзлерини эшиткенинен, устюндеки урбаларыны йыртты,

4 Падишалар 22:19

«Виран олып лянетленеджек бу ер ве онынъ сакинлери акъкъында сёзлеримни эшитип, юрегинъ йымшады, ве сен РАББИнинъ огюнде боюн эгдинъ. Сен урбаларынъны йырттынъ ве Меним огюмде агъладынъ. Онынъ ичюн Мен сени эшиттим, – дей РАББИ.

2 Тарих вакъиалары 15:3

Исраиль чокъ вакъыт девамында акъикъий Алласыз оладжакъ, халкъны огреткен руханий олмайджакъ, къануны да олмайджакъ.

2 Тарих вакъиалары 30:22

Хизкия падиша РАББИге хызметлерини яхшы анълагъан левийлилерге яхшы сёзлер айтты. Еди кунь девамында байрам ашларыны ашадылар, аманлыкъ къурбанларыны чалдылар ве бабаларынынъ Алласы РАББИни макътадылар.

2 Тарих вакъиалары 34:19

Падиша Къануннынъ сёзлерини эшитип, устюндеки урбаларыны йыртты.

2 Тарих вакъиалары 34:21

– Барынъыз, тапылгъан китапта язылгъан сёзлер акъкъында меним ичюн, Исраильде ве Ехудада къалгъан халкъ ичюн РАББИден соранъыз. РАББИнинъ бизге тюшкен ачувы пек буюк, чюнки бабаларымыз РАББИнинъ сёзлерини беджермедилер, бу китапта эписи язылгъанларны япмадылар!

2 Тарих вакъиалары 35:3

Бутюн Исраильни огреткен ве РАББИге багъышлангъан левийлилерге шойле деди: – Исраильнинъ падишасы Давутнынъ огълу Сулейман къургъан Сарайгъа мукъаддес Сандыкъны кирсетинъиз. Оны омузларынъызда ташымакъ керекмей. Шимди Алланъыз РАББИге ве онынъ халкъы Исраильге хызмет этинъиз.

Узеир 2:63

Аким оларгъа, Ур ве Тум алетлери олгъан руханий кельмегендже, азизликлерни ашамагъа разылыкъ бермеди.

Узеир 7:11

Мына Артахшаста падиша Узеирге берген мектюпнинъ копиясы. Узеир руханий ве кятип эди ве РАББИ Исраильге берген эмирлерни ве низамнамелерни яхшы биле эди.

Нехемья 10:1

Озь муурьлерини баскъанлар: Хакальянынъ огълу Нехемья аким ве Цидкия,

Нехемья 12:26

Олар Ёякимнинъ заманларында (Ёяким – Ешуанынъ огълу, Ешуа – Ёцадакънынъ огълу) ве виляет башлыгъы Нехемьянынъ ве кятип олгъан руханий Узеирнинъ заманларында яшай эдилер.

Нехемья 7:65

Аким оларгъа, Ур ве Тум алетлери олгъан руханий кельмегендже, азизликлерни ашамагъа разылыкъ бермеди.

Нехемья 7:70

Къоранталарнынъ базы башлыкълары къуруджылыкъ ишлерине пара бердилер. Аким хазинеге 1 000 алтын пара, 50 дане чанакъ ве 530 руханий урбасы багъышлады.

Нехемья 8:2

Единджи айнынъ биринджи куню Узеир руханий акъайларнынъ, апайларнынъ ве анълап оладжакъ эр кеснинъ топлашувына Къанунны кетирди

Джемаат башы 3:4

агъламакъ вакъты ве кульмек вакъты; матем тутмакъ вакъты ве ойнамакъ вакъты;

Ешая 61:3

Сионда къасеветленгенлерге куль ерине – сарыкъны, агълав ерине – къуванч ягъыны, тюшкен рух ерине – аджайип макътав урбасыны бермеге ёллады. Оларгъа: «Догърулыкъ эменлери, Озь шурети ичюн РАББИнинъ сачкъанлары», – дейджеклер.

Хошеа 4:6

Кереги къадар бильгиси олмагъан халкъым гъайып олур. Сен бильгини ред эткенинъ ичюн, Мен сени руханийлик этмектен ред этеджегим. Сен Алланънынъ Къануныны унуткъанынъ ичюн, Мен де сенинъ балаларынъны унутаджагъым.

Левийлилер 23:24

– Исраиль огъулларына бойле айт: Единджи айнынъ биринджи кунюнде сизге раатлыкъ куню олсун. Бу – Боруларнен Бильдирильген Байрамдыр. Сизде мукъаддес топлашув олсун.

Малакий 2:13

Сиз даа буны япасынъыз: къычырып агълайсынъыз, РАББИнинъ къурбан ерине козьяшлар тёкесинъиз, лякин РАББИ бахшышларынъызгъа бакъмай, ве къолларынъыз кетирген къурбанлар Онынъ разылыгъыны къазанмай.

Римлилерге 3:20

Онынъ огюнде ич кимсе Къанунны беджергенинен акъланып оламаз. Къанун адамларгъа гунанынъ не олгъаныны тек косьтере.

Римлилерге 7:9

Бир вакъытлары мен Къанунны бильмейип яшай эдим, амма эмир пейда олгъан сонъ, гуна тири олды,

Къануннынъ текрары 12:12

Алланъыз олгъан РАББИнинъ огюнде огъулларынъыз ве къызларынъызнен, къулларынъыз ве хызметчи апайларынъызнен берабер шенъленинъиз. Шахсий топракъ мирасы олмагъан, аранъызда яшагъан левийлилер де шенъленсинлер.

Къануннынъ текрары 12:7

Анда, РАББИ-Таалянъызнынъ огюнде къоранталарынъызнен берабер ашанъыз ве РАББИ-Таалянъызнынъ сизге берген бахшышларына, озь къолларынъызнен осьтюрген бутюн махсулларынъызгъа шенъленинъиз.

Къануннынъ текрары 16:11

ве Алланъ олгъан РАББИнинъ огюнде шенълен. Сен, огълунъ, къызынъ, хызметчи акъайларынъ ве апайларынъ, ерлеринъизде яшагъан левийлилер, аранъызда ят халкълардан олгъанлар, оксюзлер ве тул апайлар, Намы олсун деп, Алланъ олгъан РАББИ сайлайджакъ ерде шенъленинъиз.

Къануннынъ текрары 26:14

Матем туткъанымда ондан ашамадым, элял олмайып оны джыймадым, ондан олюлерге бир шей бермедим. Мен Аллам олгъан РАББИнинъ сёзюни туттым, эписи буюргъанларынъны беджердим.

Якъуп 4:9

Кедерленинъиз, окюрип агъланъыз! Кулькюнъиз агълавгъа, къуванчынъыз къасеветке айлансын.