Нехемья 12:1 - Мукъаддес Китап

¹ Шеалтиэлнинъ огълу Зеруббавелнен ве Ешуанен кельген руханийлер ве левийлилер шулардыр: Серая, Йирмея, Эзра,

Нехемья 12:1 Iomraidhean Croise

Узеир 3:2

Ёцадакънынъ огълу Ешуа, онынъ руханий олгъан агъа-къардашлары, Шеалтиэлнинъ огълу Зеруббавел ве онынъ агъа-къардашлары бардылар ве Исраиль Алласынынъ къурбан ерини къурдылар. Анда, Алланынъ адамы Мусанынъ Къанунында язылгъаны киби, къурбанларны бутюнлей якъаджакъ эдилер.

Узеир 3:8

Ерусалимге, Алланынъ Сарайына кельгенден сонъ, экинджи йылынынъ экинджи айында Шеалтиэлнинъ огълу Зеруббавел ве Ёцадакънынъ огълу Ешуа, оларнынъ башкъа агъа-къардашлары, руханийлер ве левийлилер, эсирликтен Ерусалимге къайтып кельгенлернинъ эписи ишни башладылар ве РАББИнинъ Сарайындаки ишлерни бакъмагъа йигирми яштан буюк олгъан левийлилерни къойдылар.

Узеир 4:2

ве Зеруббавелге ве сойлар башлыкъларына якъынлашып: – Биз де сизлернен берабер къурайыкъ. Бизлер де сизинъ Алланъызгъа ибадет этемиз ве Ашшур падишасы Эсар-Хаддон бизни мында кетиргенден берли Онъа къурбанлар чаламыз, – дедилер.

Узеир 5:2

Бундан сонъ Шеалтиэлнинъ огълу Зеруббавел ве Ёцадакънынъ огълу Ешуа барып, Ерусалимдеки Алланынъ Эвини кене къурып башладылар. Алланынъ пейгъамберлери оларнен берабер олып, оларгъа ярдым эте эдилер.

Узеир 7:7

Узеирнен берабер Ерусалимге исраиллилернинъ базылары, руханийлернинъ ве левийлилернинъ базылары, йырджылар ве къапуджылар, Сарай хызметчилери де кеттилер. Бу, Артахшаста падишалыгъынынъ единджи йылында олды.

Нехемья 11:36

Базы левийлилер Ехуда ве Биньямин топракъларында ерлештилер.

Нехемья 12:10

Ешуа – Ёякимнинъ бабасы, Ёяким – Эльяшивнинъ бабасы, Эльяшив – Ёяданынъ бабасы,

Нехемья 12:2

Амарья, Маллукъ, Хаттуш,

Нехемья 7:7

Булар Зеруббавел, Ешуа, Нехемья, Азарья, Раамья, Нахаманий, Мордекъай, Билшан, Мисперет, Бигвай, Нехум ве Баананен берабер кельдилер. Исраиль халкъы акъайларынынъ сайысы:

Хагъгъай 1:1

Падиша Дарьявешнинъ падишалыгъынынъ экинджи йылында, алтынджы айнынъ биринджи куню Хагъгъай пейгъамберге РАББИден бойле хабер кельди. О, Ехуда акимине Шеалтиэлнинъ огълу Зеруббавелге ве баш руханийге Ехоцадакънынъ огълу Ехошуагъа шуны айтты:

Хагъгъай 1:12

Шеалтиэлнинъ огълу Зеруббавел, баш руханий Ехоцадакънынъ огълу Ехошуа ве бутюн къалгъан халкъ Алласы РАББИнинъ сёзлерини ве Алласы РАББИ ёллагъан Хагъгъай пейгъамбернинъ сёзлерини динъледилер. Халкъ РАББИден къоркъып башлады.

Хагъгъай 1:14

РАББИ Ехуданынъ акими Шеалтиэл огълу Зеруббавелнинъ рухуны, баш руханий Ехоцадакъ огълу Ехошуанынъ рухуны ве бутюн къалгъан халкънынъ юрегини котерди. Олар келип, озь Алласынынъ, Ордулар РАББИсининъ Эвинде ишни башладылар.

Хагъгъай 2:2

– Ехуданынъ акимине Шеалтиэлнинъ огълу Зеруббавелге, баш руханийге Ехоцадакънынъ огълу Ехошуагъа ве бутюн къалгъан халкъкъа бойле айт:

Зекерья 6:11

Олардан кумюш ве алтын ал да, таджлар яп ве Ехоцадакънынъ огълунынъ, баш руханий Ехошуанынъ башына къой.