Марк 2:12 - Мукъаддес Китап

¹² Адам шу дакъкъасы турды, тёшегини котерди ве эписининъ козю огюнде чыкъып кетти. Буны корьгенлер шашып къалдылар. – Биз бойле шейлерни ич бир вакъыт корьмедик! – деп, Аллагъа шукюрлер эттилер.

Марк 2:12 Iomraidhean Croise

Матта 12:23

Буны корьген адамлар шашып къалдылар. Олар бир-бирине: – Бу – Давутнынъ Огълу дегильми? – дедилер.

Матта 15:31

Тильсизлер лаф эткенлерини, сакъатлар сагълам олгъанларыны, топаллар юргенлерини, кёрларнынъ козьлери ачылгъаныны корип, халкъ шашып къалды ве Исраильнинъ Алласыны алгъышлады.

Матта 9:33

Джин къувып чыкъарылгъан сонъ, тильсиз лаф этип башлады. Адамлар исе шашып къалдылар. – Исраильде бойле адисени даа корьмеген эдик, – деди олар.

Матта 9:8

Бу адисени корьген адамлар шашып къалдылар, инсанларгъа бойле къудрет берген Алланы шуретледилер.

Марк 1:27

Буны корьгенлер эписи шашып къалдылар. Бир-биринден: – Бу насыл шей? – деп сорай эдилер. – Насылдыр бир яп-янъы огретюв… Онынъ къудрети о къадар буюк ки, О, арам рухларгъа эмир эте, олар исе Онъа бойсуналар.

Марк 2:11

– Санъа айтам: еринъден тур, тёшегинъни ал да, эвинъе кет! – деди.

Лука 13:13

Сонъ къолларыны къадыннынъ башына къойды. Къадын бирден догърулып, Аллагъа шукюр этти.

Лука 17:15

Олардан бириси, озюнинъ тедавийленгенини корип, кучьлю сеснен Алланы шерефлеп артына къайтты.

Лука 5:26

Эписи шашып къалдылар. Олар Алланы шуретледи, къоркъа-къоркъа: – Биз бугунь оламайджакъ шейлерни корьдик, – дедилер.

Лука 7:16

Эр кесни буюк бир къоркъу басты. Олар Алланы шуретлеп: – Арамызда буюк пейгъамбер пейда олгъан. Алла Озь халкъына ярдым этмеге кельген, – дедилер.

Юхан 7:31

Халкънынъ чокъусы исе Онъа иман этти. Олар: – Месих кельгенде, бу адам косьтерген бельгилерден чокъча бельги косьтермез экенми? – дей эдилер.

Юхан 9:32

Догъма кёрнынъ козьлерини бир кимсе ачкъаныны дюнья тургъандан берли эшитильмеген.

Фаалиет 4:21

Руханийлер акъайларны джезаламакъ ичюн ич бир мана тапмайып, оларны даа бир кере къоркъузып, йибердилер. Олар халкътан къоркъа эдилер. Эписи адамлар олгъан шей ичюн Аллагъа шукюр эте эдилер.