Марк 12:10 - Мукъаддес Китап

¹⁰ Сиз Языда: «Къуруджылар келишиксиз деп четке ташлагъан таш бинанынъ темельташы олды.

Марк 12:10 Iomraidhean Croise

Ешая 28:16

Бунынъ ичюн РАББИ-ТААЛЯ бойле дей: – Бакъынъыз! Мен Сионда бир ташны – сыналгъан, къыйметли, коше башында темельташны къояйым. Онъа ишангъан адам къоркъмайджакъ.

Матта 12:3

– Я сиз Давут озю ве онынъ адамлары ач къалгъанда, не япкъанлары акъкъында окъумадынъызмы? – деди оларгъа Иса.

Матта 19:4

Иса оларгъа шойле джевап берди: – Я сиз окъумадынъызмы? Яратыджы тап башындан адамларны эр киши ве къадын киши оларакъ яратты

Матта 21:16

ве Исагъа: – Булар не айталар, эшитесинъми? – дедилер. Иса оларгъа: – Эбет! Я сизлер: «Сени сабийлер ве уфакъ балалар макътай», – деген сёзлерни окъумадынъызмы? – деди.

Матта 21:42

Иса оларгъа айтты: – Я сиз Языда: «Къуруджылар келишиксиз деп четке ташлагъан таш бинанынъ темельташы олды. Козюмиз огюнде япылгъан аджайип шей – Алланынъ ишидир!» – денильгенини окъумадынъызмы?

Матта 22:31

Олюлернинъ тирилювини алсакъ исе, Алла сизге айткъаныны окъумадынъызмы?

Марк 12:26

Олюлернинъ тирилюви акъкъында сёз юрсетсек, сиз Мусанынъ китабында, Алла Мусагъа янып тургъан чалы ичинден не айткъаныны окъумадынъызмы? Алла онъа: «Мен Ибраимнинъ Алласым, Исхакънынъ Алласым ве Якъупнынъ Алласым», – деген.

Марк 12:9

Энди багънынъ саиби не япар экен? О, келип юзюмджилерни ольдюреджек, багъны исе башкъаларына береджек.

Марк 13:14

‌Эгер «пис арамлыкъ» ляйыкъ олмагъан ерде тургъаныны корьсенъиз (окъугъан адам озю анъласын!), Еудиеде олгъан адамлар дагъларгъа къачсынлар.

Марк 2:25

Иса оларгъа шойле джевап берди: – Сиз Давут падиша ве онынъ адамлары ач ве мухтадж олгъанда не япкъанлары акъкъында окъумадынъызмы?

Лука 6:3

Иса оларгъа: – Я сиз, Давут ве онынъ янындакилери ач къалгъанда не япкъанлары акъкъында окъумадынъызмы?

Римлилерге 9:33

Язылгъаны киби: Мына, Мен Сионда сюрюндирген ташны, йыкътырыджы къаяны къоям. Онъа иман эткен адам утанмайджакъ.