Марк 10:6 - Мукъаддес Китап

⁶ – Аслында, Алла дюньяны яраткъанда, адамларны эр киши ве къадын киши оларакъ яратты.

Марк 10:6 Iomraidhean Croise

Башланув 1:1

Башта Алла коклерни ве ерни яратты.

Башланув 1:27

Алла Озюнинъ къыяфетине коре адамны яратты, оны Алланынъ корюнишине коре яратты: оларны эр киши ве къадын оларакъ яратты.

Башланув 5:2

О, оларны эр киши ве къадын киши оларакъ яратты ве оларны багъышлады. Оларны яраткъан куню О, оларгъа «адам» деген ад къойды.

Марк 13:19

Шу куньлерде, Алла дюньяны яраткъан вакъыттан башлап бу куньлерге къадар олмагъан ве даа бир кере олмайджакъ буюк белялар оладжакъ.

Римлилерге 1:20

О, корюнмесе де, Онынъ эбедий къудрети ве Онынъ Аллалыгъы дюнья яратылгъанындан берли Онынъ япкъанындан анълашыла ве ачыкътан корюнип тура. Бойлеликнен, олар озьлерини акъламакъ ичюн, ич бир шей айтып оламайлар.

2 Пётр 3:4

Олар: «О, айткъан “Озь къайтувына” не олды? Мына, баба-деделеримиз энди козь юмдылар, лякин эр шей дюнья яратылгъан куньден башлап, ойле де тура», – дейджеклер.

Къадылар 21:22

Къызларнынъ баба я да агъалары бизге шикяет этип кельселер, биз оларгъа: «Бизни аджынъыз, къызларынъызны бизде къалдырынъыз! Эр биримиз дженкте озюне апай алып оламадыкъ! Бундан да гъайры, сиз оларгъа апай бермединъиз, демек, сизде къабаат ёкъ!» – дермиз.