Лука 3:2 - Мукъаддес Китап

² Аннас ве Каяфа баш руханий вазифесинде эдилер. О вакъыт Зекъарьянынъ огълу Ягъя сахрада олгъанда, онъа Алланынъ Сёзю кельди.

Лука 3:2 Iomraidhean Croise

Ешая 40:3

– Раббининъ ёлуны азырланъыз, бакъымсыз ерлерде Алламыз кечеджек ёлны тюм-тюз этинъиз! – деп къычыра сахрада бир сес.

Йирмея 1:2

Амоннынъ огълу Ёшия Ехудагъа он учюнджи йылы падишалыкъ эткенде, РАББИ Йирмеягъа Озь хаберлерини берип башлады.

Йирмея 2:1

РАББИ манъа бойле деди:

Ехезкель 1:3

къасдийлилернинъ топрагъында, Кевар озени ялысында РАББИ Бузийнинъ огълуна, руханий Ехезкельге хабер этти. Анда РАББИнинъ къолу онынъ устюнде эди.

Юнус 1:1

Бир кунь РАББИ Амиттай огълу Юнускъа бойле деди:

Микъа 1:1

Ехуда падишалары Ётамнынъ, Ахазнынъ ве Хизкиянынъ заманларында РАББИ морешетли Микъагъа Самарие ве Ерусалим акъкъында берген хабер ве руя.

Цефанья 1:1

Амоннынъ огълу Ёшия Ехуданынъ падишасы олгъанда, РАББИ Хушийнинъ огълу Цефаньягъа (Хуший – Гедальянынъ огълу, Гедалья – Амарьянынъ огълу, Амарья – Хизкиянынъ огълу) бойле хабер берди:

Матта 11:7

Ягъянынъ шегиртлери кетеяткъанда, Иса адамларгъа Ягъя акъкъында айтып башлады: – Сиз не ичюн сахрагъа бардынъыз? Ельде саллангъан къамышны корьмегеми?

Матта 26:3

О вакъыт баш руханийлер ве халкъларнынъ акъсакъаллары Каяфа деген баш руханийнинъ азбарында топлашып,

Лука 1:80

Бала осип, рухунен къуветлене эди. Исраиль халкъы алдына чыкъаджакъ вакъты кельмегендже, сахрада яшай эди.

Юхан 1:23

Ешая пейгъамбернинъ айткъаны киби, Ягъя шай деди: – Раббининъ кечеджек ёлуны тюм-тюз этинъиз, – деп, сахрада бир сес къычыра. Мен бу сес олам.

Юхан 18:24

Бундан сонъ Аннас Исаны багълангъан алда баш руханий Каяфагъа ёллады.

Фаалиет 4:6

Шу ерде баш руханий Аннас ве баш руханийнинъ союндан олгъан Каяфа, Юхан, Эскендер ве башкъалары эдилер.