Лука 10:2 - Мукъаддес Китап

² Оларгъа бойле деди: – Ашлыкъ чокъ, ишчилер исе аз. Озь ашлыгъыны ораджакъ ишчилерни даа ёлласын деп, ашлыкънынъ Саибине ялварынъыз.

Лука 10:2 Iomraidhean Croise

3 Падишалар 18:22

Ильяс халкъкъа: – РАББИнинъ пейгъамбери бир меним, Баалнынъ пейгъамберлери исе дёрт юз элли киши.

Зебур 68:11

Агълап, аштан вазгечип, джанымны къыйнадым, бу да манъа къабаат олды.

Йирмея 3:15

сизге юрегиме яткъан чобанларны береджегим. Олар сизни бильги ве анълавнен отлатаджакълар.

Зекерья 11:17

Къойларны ташлагъан ярамай чобаннынъ башына беля! Къылыч онынъ къолуны ве онъ козюни урсун! Къолу бутюнлей къуруйджакъ, онъ козю кёр оладжакъ.

Зекерья 11:5

Сатын алгъан адамлар къойларны соялар, амма джеза къазанмайлар. Саткъанлар исе: «Аллагъа шукюр, бай олдым!» – дейлер. Чобанлар да оларны аджымайлар.

Сайылар 11:17

Мен энеджегим ве анда сеннен лакъырды этеджегим. Сенинъ устюнъдеки Рухтан алып, оларгъа береджегим. Сонъ олар халкънынъ юкюни сеннен берабер ташыйджакълар, сен бир озюнъ шу агъырлыкъны бир даа ташымайджакъсынъ.

Сайылар 11:29

Лякин Муса онъа бойле джевап къайтарды: – Сен меним адымдан куньлейсинъми? РАББИнинъ бутюн халкъы пейгъамбер оладжагъыны ве РАББИ оларгъа Озь Рухуны береджегини истер эдим!

Матта 20:1

Бойледже, Кок Падишалыгъы бунъа ошай: бир эфенди саба эрте озь юзюм багъына ыргъатларны кирагъа тутмакъ ичюн кете.

Марк 13:34

Бу бунъа ошай: бир адам, сеферге кетип, озь эвини къулларына къалдырып, эр бирине махсус вазифе бере. Къапу къаравулына исе козь-къулакъ олмакъны буюрып, ёлгъа чыкъа.

Марк 16:15

Иса шегиртлерине: – Бутюн дюньяны айланып чыкъынъ ве яратылгъаннынъ эписине Къуванчлы Хаберни илян этинъ!

Марк 16:20

Шегиртлер исе кетип, эр ерде Алланынъ шейлерини анълатып юре эдилер. Рабби оларнен берабер олып, эписи ишлерни япа эди ве бельгилернен Алланынъ Сёзюни тасдыкълай эди.

Лука 9:1

‌Иса он эки шегиртини янына чагъырып, оларгъа джинлернинъ эписини къувмакъ ве хасталыкъларны тедавийлемек ичюн къудрет ве акимлик берди.

Фаалиет 11:19

Стефаннынъ ольдюрильмесинен башлангъан айдалув нетиджесинде даркъалып кеткен иманлылар Алланынъ Сёзюни еудийлерден гъайры ич кимсеге бильдирмейип, Фенике, Къыбрыс ве Антиохиягъа барып чыкътылар.

Фаалиет 13:2

Олар Раббиге ибадет эткенде ве аштан-сувдан вазгечкенде, Мукъаддес Рух оларгъа: – Барнабанен Саул Мен сайлагъан ишни япсынлар деп, оларны айырып Манъа беринъиз! – деди.

Фаалиет 13:4

Мукъаддес Рух ёллагъаны киби, Барнабанен Саул ёлгъа чыкъып, Селевкея шеэрине кельдилер. О ерден Къыбрыс адасына кечтилер.

Фаалиет 20:28

Озюнъизге ве бутюн сюрюге, яни Алланынъ иманлылар джемиетине, козь-къулакъ олунъыз. Мукъаддес Рух сизлерни джемиетке къаравул ве чобан этип къойды, Алла оны Озь къанынынъ фиятына сатын алды.

Фаалиет 22:21

О исе: «Сен бара бер! Мен сени узакъкъа, башкъа миллетлернинъ алдына ёллайджагъым», – деди.

Фаалиет 8:4

Шу арада дагъылып кеткенлер Къуванчлы Хаберни ер юзюнде даркъатып башладылар.

1 Коринтлилерге 12:28

Алла иманлылар джемиетине биринджиден эльчилерни сайлады, экинджиден пейгъамберлерни, учюнджиден оджаларны сайлап къойды. Сонъ базыларгъа аджайип ишлер япмакъ, хасталарны тедавийлемек, ярдым этмек, башлыкъ этмек, чешит тиллерде лаф этмек къабилиетини багъышлады.

1 Коринтлилерге 15:10

Энди не олгъан олсам, Алланынъ эйилигинен олдым. Онынъ манъа косьтерген эйилиги бошуна чыкъмады, чюнки мен эльчилернинъ эписинден чокъ чалыштым. Даа догърусы чалышкъаным озюм дегиль, манъа берильген Алланынъ эйилиги чалышты.

2 Коринтлилерге 6:1

Алланынъ ишдешлери олып, сизге Онынъ эйилигини бошуна къабул этмемеге ялварамыз.

Филиплердекилерге 2:21

Эписи Иса Месихнинъ дегиль, озь файдасыны тюшюнелер.

Филиплердекилерге 2:25

Лякин мен белледим ки, манъа сизге Эпафродитни ёлламакъ керек эди. О, меним къардашым, ишдешим, меннен берабер курешкен аркъадашым, сизинъ эльчинъиз ве ихтияджымда манъа хызмет эткен адамдыр.

Филиплердекилерге 2:30

О, Месихке хызмет эткени ичюн, олюмге якъын эди, сизлер манъа берип оламагъан ярдымны бере ве озь джаныны аджымай эди.

Колоссайлыларгъа 1:29

Менде къудретли арекет эткен Онынъ кучюни къулланып чалышам ве курешем.

Колоссайлыларгъа 4:12

Иса Месихнинъ къулу, сизлерден бириси олгъан Эпафрас, сизлерге селям ёллай. Сизлер къатты турып, Алланынъ сизлерден не истегенини къатты бильгенинъиз ичюн, Эпафрас эр вакъыт сиз ичюн гъайретнен дува окъуй.

1 Тессалоникелилерге 2:9

Агъа-къардашлар, сиз бизим агъыр ишимизни ве къыйынлыкъларымызны мытлакъа унутмадынъыз: сизинъ ич биринъизге агъыр кельмесин деп, биз гедже-куньдюз чалышып, сизге Алланынъ Къуванчлы Хаберини бильдире эдик.

1 Тессалоникелилерге 5:12

Агъа-къардашлар, сизге ялварамыз: аранъызда чалышкъанларны, Раббиде сизлерге ёлбашчылыкъ япкъанларны ве огют бергенлерни урьмет этинъиз,

2 Тессалоникелилерге 3:1

Ахыр-сонъу, агъа-къардашлар, бизим ичюн дува окъунъыз: Раббининъ Сёзю, сизлерде даркъалгъаны киби, тез даркъалсын ве шуретленсин,

1 Тимотейге 4:10

Шунынъ ичюн биз чалышамыз ве курешемиз, ве Тири Аллагъа ишанамыз. О – бутюн адамларнынъ ве биринджиден иманлыларнынъ Къуртарыджысыдыр.

2 Тимотейге 4:5

Амма сен эр шейге айыныкъ ол, агъырлыкъкъа даян, Къуванчлы Хаберни даркъат, хызметинъни яхшы беджер.

Филимонгъа 1:1

Павел (Иса Месихнинъ мабюси) ве дин къардаш Тимотей – севимли ишдешимиз Филимонгъа,

Еудийлерге 3:6

Месих исе, Огъул олып, Алланынъ Эвинде башлыкъ эте. Онынъ Эви исе – бизмиз. Лякин бизге ишанчымызны ве биз макътангъан умютимизни сонъунадже къатты тутмакъ керек.

Сырларнынъ ачылувы 2:1

Эфестеки иманлылар джемиетининъ мелегине яз: «Еди йылдызны онъ къолунда Туткъан, еди алтын лампат таягъы ортасында Юрген бойле дей: