Хавакъкъукъ 1:4 - Мукъаддес Китап

⁴ Шу себептен къанун озь кучюни джойды, адалетли суд ёкъ. Яманлыкъ япкъан адам инсафлыны енъе, ве адамлар догърулыкъны бозалар.

Хавакъкъукъ 1:4 Iomraidhean Croise

3 Падишалар 21:13

Сонъ эки ярамай адам чыкъып, онынъ къаршысына отурды ве халкънынъ огюнде Навоткъа къаршы шаатлыкъ этип: – Навот Алланы ве падишаны яманлады, – дедилер. Навотны шеэрден чыкъарып, ташларнен урып ольдюрдилер. Бойле о, ольди.

Эюп акъкъында китап 21:7

Яман адамлар не ичюн яшай берелер? Омюрлери узакъ олып, кучьлери де арта.

Зебур 11:3

Эр кес бир-бирине ялан айта, дудакълары ялтакъланалар, юреклери экиюзьлюдир.

Зебур 59:2

Давут Арам-Нахараим ве Арам-Цованен дженк эткенде, Ёав къайтып, 12 000 эдомлыны Туз вадийинде ургъаны акъкъында язылгъан йыр.

Зебур 59:4

Сен ерни тепреттинъ, оны ярдынъ. Энди исе бозукъ ерлерини тедавийле, чюнки ер тепрене бере.

Зебур 94:3

РАББИ – улу Алладыр, бутюн аллалардан устюн улу Падишадыр!

Чыкъыш 23:2

Чокълукънынъ пешинден яманлыкъкъа къошулманъыз, судда шаатлыкъ эткенде, чокълукъкъа къошулып, акъикъатны бозманъыз.

Чыкъыш 23:6

Башкъа адамларнынъ ишлери киби, фукъаренинъ ишини де адалетли чезинъиз.

Ешая 5:20

Яманлыкъкъа – яхшылыкъ, яхшылыкъкъа – яманлыкъ дегенлерге, къаранлыкъны – ярыкъкъа, ярыкъны – къаранлыкъкъа чевиргенлернинъ башларына, аджджы ерине татлыны, татлы ерине аджджыны бергенлерининъ башларына беля!

Ешая 59:12

Сенинъ огюнъде чокъ къанунсызлыкъ яптыкъ, гуналарымыз бизни къабаатлайлар, къанунсыз япкъанларымыз козюмиз огюнде, къабаатларымызны билемиз.

Йирмея 12:1

– Я РАББИ, Сен адалетлисинъ, даваларымнен Санъа келеджегим. Сеннен къарарларынъ акъкъында лаф этмеге истейим: не ичюн яманларнынъ ишлери онъундан келелер? Не ичюн имансызлар боллукъ ичинде яшайлар?

Йирмея 12:6

Эм агъа-къардашларынъ, эм бабанънынъ эви санъа хаинлик япалар, артынъдан юксек сеснен къычыралар. Санъа яхшы шейлер айтсалар биле, инанма.

Йирмея 26:8

Йирмея бутюн халкъкъа РАББИ буюргъанларынынъ эписини айтып битирген сонъ, руханийлер, пейгъамберлер ве бутюн халкъ оны тутып: «Сен ольмек керексинъ! – дедилер.

Йирмея 8:7

Озь заманларыны коктеки лейлек биле билир; гогерджин, къарылгъач ве турна учып келеджек заманыны беклер. Халкъым исе РАББИнинъ къарарларыны бильмез.

Ехезкель 9:9

О, манъа джевапланды ве: – Исраиль ве Ехуда халкъынынъ гуналары пек чокъ, къабааты пек буюк. Мемлекет къангъа толды, шеэр акъсызлыкъкъа толудыр. Олар: «РАББИ мемлекетни ташлап кетти. РАББИ ич бир шейни корьмей», – дейлер.

Хошеа 10:4

Олар бош лафлар айталар, алдатып, ант этелер, барышыкъ шартнамелерини япалар. Бунынъ ичюн давалар, сюрюльген тарлада зеэрли отлар киби, бой берелер.

Амос 5:12

Къанунсыз ишлеринъиз не къадар чокъ, гуналарынъыз не къадар буюк олгъаныны билем. Сиз инсафлы адамларгъа душманлыкъ япасыз, къапар аласыз ве фукъарелерни адалетли суд этмейсиз!

Амос 5:7

Эй, адалетни зеэрге чевиргенлер, акъикъатны ерге ургъанлар!

Марк 7:9

Усталыкънен Алланынъ эмирини четке чекип ташлайсыз да, озь урф-адетлеринъизни кутесиз, – деди Иса.

Фаалиет 7:52

Бабаларынъыз пейгъамберлерден къайсы бирисини къувмадылар? Олар Инсафлы Олгъаннынъ келеджегини хабер эткенлерни ольдюрдилер. Сизлер де энди Оны саткъан ве ольдюрген адамлар олдынъыз!

Фаалиет 7:59

Ташларнен урулгъан вакъытта, Стефан дува окъуп: – Рабби Иса, рухумны къабул эт! – деди.

Римлилерге 3:31

Демек, биз иман ярдымынен Къанунны ёкъ этемизми? Асыл ёкъ! Иман ярдымынен биз Къанунны къавийлештиремиз.

Къануннынъ текрары 16:19

Суд эткенде, Къанунны бозмасынлар, адамлар арасында фаркъ этмесин ве бахшыш-къапарлар алмасынлар. Бахшышлар икметли адамларнынъ козьлерини кёр этелер ве инсафлы адамларнынъ сёзлерини ялангъа чевирелер.