Фаалиет 11:3 - Мукъаддес Китап

³ – Сен сюннет япылмагъан адамларнынъ арасына кирип, оларнен ашап-ичкенсинъ! – дедилер.

Фаалиет 11:3 Iomraidhean Croise

Матта 9:11

Фериселер буны корип, Исанынъ шегиртлеринден: – Сизинъ Оджанъыз салым топлайыджылар ве гуналы адамларнен ашап-ичип отургъаны недир? – деп сорадылар.

Лука 15:2

Фериселер ве Къанун оджалары мырылдап: – Бу адам гуналыларны къабул этип, оларнен берабер аш да ашай! – дей эдилер.

Юхан 18:28

‌Исаны Каяфанынъ эвинден преториягъа алып бардылар. Саба эрте эди. Песах ашыны ашамагъа истеп, еудийлер арамланмакъ истемедилер ве преториягъа кирмедилер.

Фаалиет 10:23

Сонъ Пётр оларны ичериге чагъырып, мусафир этти. Эртеси куню Пётр азырланып, кельгенлернен берабер ёлгъа чыкъты. Онынъ артындан Яффадаки дин къардашлардан базы адамлар да кеттилер.

Фаалиет 10:28

О оларгъа: – Башкъа халкълардан олгъан адамларнен алякъа тутмакъ ве онынъ эвине кирмек, еудий ичюн ясакъ олгъаныны билесинъиз. Лякин манъа Алланынъ ич бир адамны кирли я да арам деп саймамагъаны ачылды.

Фаалиет 10:32

Энди Яффагъа адам ёлла, денъиз боюндаки териджи Симоннынъ эвинде мусафир олгъан Пётр адыны ташыгъан Симонны чагъырт».

Фаалиет 10:48

оларгъа Иса Месихнинъ Адынен сувгъа батырылып чыкъмагъа буюрды. Сонъ олар Пётргъа бир къач кунь къалмагъа риджа эттилер.

1 Коринтлилерге 5:11

Лякин эгер насылдыр бир адам озюни дин къардаш деп адландырса, озю исе ахлякъсыз я да къызгъанч къалса, путларгъа ибадет этип, башкъаларны яманлай, ичкиджиликнен огъраша я да башкъаларнынъ барлыгъыны басып ала берсе, язгъаныма коре, бойле адамларнен ич достлашманъыз. Шуларнен берабер аш ашаманъыз биле.

Галатиядакилерге 2:12

Якъупнынъ янындан базы адамлар кельмезден эвель, о, тюрлю халкълардан олгъанларнен берабер ашай эди. Амма олар кельген сонъ, о, бу сюннетлилерден къоркъып, четледи ве айырылды.

2 Юхан 1:10

Эгер бир адам алдынъызгъа келип, бу огретювни кетирмесе, оны эвинъизге кирсетменъиз, онъа селям да берменъиз.