Эстер 7:4 - Мукъаддес Китап

⁴ Мени де, халкъымны да ёкъ этмек, ольдюрмек ве къырмакъ ичюн парасыны бердилер. Эгер бизлерни къул оларакъ саткъан олсалар, мен индемез эдим, о заман падишаны раатсыз этмек ичюн бу етерлик джиддий себеп олмаз эди.

Эстер 7:4 Iomraidhean Croise

Нехемья 5:5

Биз де ехудалы къардашларымыз кибимиз! Огъулларымызнынъ оларнынъ огъулларындан фаркъы ёкъ! Бизлер исе огъул-къызларымызны къул оларакъ бермек керекмиз. Къызларымызнынъ базылары энди къуллукъкъа берильди. Лякин биз бир шей япып оламаймыз, чюнки бизим тарла ве юзюмликлеримиз энди башкъаларнынъ къолундадыр! – дедилер.

Эстер 3:13

Мектюплер падишанынъ эписи виляетлерине хаберджилернен ёлланды. 12-нджи айда, яни Адар айында, 13-юнджи куню бутюн ехудалыларны – яшы-къартыны, балаларны ве къадынларны – бир кунь ичинде къырмакъ, ольдюрмек, ёкъ этмек ве оларнынъ шейлерини чайпап алмагъа мумкюн оладжакъ эди.

Эстер 3:9

Падишанынъ истеги олса, оларны ольдюрмеге бир эмир язылсын. Мен исе ишни беджереджек адамларгъа 10 000 чувал кумюш береджегим, оларны падишанынъ хазинесине къойсунлар.

Эстер 7:5

– Юрегинде бойле шейни япмагъа джурьат эткен ким? Къайда о адам? – деп сорады Ахашверош падиша Эстер къыраличеден.

Эстер 7:6

– Бизге къаршы чыкъкъан душман – бу яман Хамандыр! – деди Эстер къыраличе. Хаман падишанынъ ве къыраличенинъ огюнде пек къоркъты.

Эстер 8:11

Мектюплерде падиша эр бир шеэрде яшагъан ехудалыларгъа топланмагъа ве яшайышларыны къорчаламагъа, ехудалыларнынъ душманларыны, виляетлернинъ ве халкъларнынъ кучьлю адамларыны, оларнынъ балаларыны ве апайларыны ёкъ этмеге, ольдюрмеге ве къырмагъа, мал-мульклерини де чайпап алмагъа разылыкъ бере эди.

Эстер 8:6

Халкъымнынъ башына тюшкен беляны насыл этип корерим? Тувгъанларымнынъ олюмини корьгениме насыл этип даянырым?

Эстер 9:25

Лякин хабер падишагъа кельген сонъ, падиша кягъытны йиберди ве Хаманнынъ ехудалыларгъа къаршы тюшюнип чыкъаргъан яманлыгъыны онынъ башына къайтарды, ве онен огъулларыны да дирекке астылар.

Даниял 6:2

Оларнынъ устюне исе, падишалыкъкъа ич бир тюрлю зарар олмасын деп, падиша учь баш везирни къойды. Виляетлер башлыкълары оларгъа эсабат бермеге керек эди. Везирлернинъ бири Даниял эди.

Ёэль 3:6

Ехудалыларны ве Ерусалим огъулларыны юнанларгъа саттынъыз, озь мемлекетинден оларны узакълаштырдынъыз.

Амос 2:6

РАББИ бойле дей: – Гуна устюне гуна къазангъанлары ичюн, исраиллилерни мытлакъа джезалайджагъым. Чюнки олар инсафлы адамны кумюшке сата, фукъарени бир чифт сандалетке бере.

Лука 12:45

Эгер де бу къул озь гонълюнде: «Эфендим якъын арада кельмейджек», – деп тюшюнсе ве къулларны ве къул къадынларны урмагъа башласа, ашап-ичсе ве ичкиджиликнен огърашса,

Къануннынъ текрары 28:68

Сонъ РАББИ сени, «бир даа бу ёлны корьмезсинъ», деген ёлнен гемилер устюнде Мысыргъа къайтараджакъ. Анда душманларынъа къуллукъкъа сатылырсыз, лякин сизни кимсе сатын алмаз.

Нун огълу Ехошуа 9:23

Бунынъ ичюн лянет олунъыз! Эр вакъыт къул олып, Алламнынъ эви ичюн одун парлап, сув ташыйджакъсынъыз, – деди.

1 Падишалар 22:23

Менде къал, къоркъма. Меним олюмимни истегенлер сенинъ де ольгенинъни истейлер. Мен сени къорчаларым, – деди.