Эфеслилерге 6:4 - Мукъаддес Китап

⁴ Бабалар, балаларынъызны ачувландырманъыз, лякин оларны Раббининъ огюти ве огретювинен тербиеленъиз.

Эфеслилерге 6:4 Iomraidhean Croise

Башланув 18:19

Ибраим балаларына ве эписи несиллерине адалетли ве инсафлы яшайышны огретсин деп, РАББИнинъ ёлунда юрмеге эмир этсин деп, Мен оны сайлап алдым. Онъа бутюн ваде эткенлеримни япарым», – деп тюшюнди.

1 Тарих вакъиалары 28:20

Сонъ огълу Сулеймангъа бойле деди: – Къавий ол, джесаретли ол да, ишке кириш. Къоркъма, рухтан тюшме. РАББИ-Тааля, меним Аллам, сеннен берабердир. Сен РАББИнинъ Сарайы къурулышында керек ишлерни битирмегендже, О, сени къалдырмаз, сенден вазгечмез.

1 Тарих вакъиалары 29:19

Огълум Сулеймангъа исе Сенинъ эмирлеринъни, шаатлыкъларынъны, низамнамелеринъни тутмакъ ве беджермек ичюн догъру юрек бер. Сулеймангъа буларны беджермеге ве мен азырлыкъ япкъан Сарайны къурмагъа ярдым эт.

Икметли сёзлер 19:18

Умют олгъаны къадар огълунъны тербиеле, амма онынъ олюмини истеме.

Икметли сёзлер 22:15

Огъланнынъ юреги ахмакълыкъкъа толу, амма тербие таягъы оны узакъ къувар.

Икметли сёзлер 22:6

Огъланны башындан догъру ёлгъа къой, къартайгъан сонъ да ондан таймаз.

Икметли сёзлер 29:15

Таякъ ве опьке икмет берер, озь алына къалдырылгъан бала исе анасынынъ масхаралыгъы олур.

Икметли сёзлер 29:17

Огълунъны тербиелесенъ, о, сени раат этер, джанынъны да къувандырыр.

Ешая 38:19

Санъа тирилер, тек тирилер шукюр этелер, бугунь мен эткеним дайын, Сени макътайлар. Бабалар балаларына ишанчлыгъынъны анълата.

Эфеслилерге 6:3

Сонъ сенинъ ишлеринъ онъундан келеджек, ве ер юзюндеки омрюнъ узун оладжакъ.

Къануннынъ текрары 4:9

Амма козь-къулакъ олып, буны акъылларынъызда яхшы тутунъыз! Козьлеринъизнен корьген ишлерни унутманъыз, олар омюрбилля юреклеринъизден чыкъып кетмесинлер. Бу ишлер акъкъында огъулларынъызгъа ве торунларынъызгъа икяе этинъиз.

Къануннынъ текрары 6:7

Оларны балаларынъа огрет. Олар акъкъында эвинъде отургъанда, ёл бою кеткенде, яткъанда-тургъанда айт.

Колоссайлыларгъа 3:21

Бабалар, балаларынъызны ачувландырманъыз, ёкъса олар рухтан тюшеджеклер.

2 Тимотейге 1:5

Сенинъ темиз иманынъны унутмайым. Бу иман башта битанъ Лоида ве ананъ Эвниканынъ юреклеринде булуна эди. Энди шу иман сенинъ юрегинъде де яшагъанына эминим.

2 Тимотейге 3:15

Сен Мукъаддес Языны балалыгъынъда огрендинъ. Язы Иса Месихке иман ярдымынен къуртулышны насыл алмагъа акъыл огретмек мумкюн.

Нун огълу Ехошуа 24:15

Эгер сизге РАББИге хызмет этмек яман шей киби корюнсе, шимди кимге хызмет этмеге сайланъыз: дерьянынъ янында яшагъан баба-деделеринъизнинъ аллаларына я да аморлыларнынъ топракъларында яшап, оларнынъ аллаларына хызмет этинъиз. Мен ве эвим исе РАББИге хызмет этеджекмиз.

Къадылар 13:12

Маноах: – Сенинъ сёзлеринъ ерине кельген сонъ, бу бала насыл яшамакъ керек? О не япмакъ керек? – деп сорады.