Эфеслилерге 4:18 - Мукъаддес Китап

¹⁸ Оларнынъ акъылларыны къаранлыкъ къаплады; ичиндеки джаиллик ичюн олар Алла берген аяттан айрылып къалдылар, чюнки оларнынъ юреклери пек инаттыр.

Эфеслилерге 4:18 Iomraidhean Croise

Ешая 25:7

Бу дагъда эписи халкъларны орьткен орьтюни ёкъ этеджек, эписи миллетлерни къаплагъан орьмени гъайып этеджек:

Ехезкель 14:5

Исраиллилер юреклеринде анъласынлар, путлары себебинден олар Манъа ят-ябан олдылар».

Даниял 5:20

Амма онынъ юреги кибирленгенде, руху мераметсиз олып, о, макътанып юзьсюз шейлер япкъанда, о, падиша тахтындан алып ташлангъан, эм де шурети ондан алынгъан эди.

Левийлилер 11:16

девекъушуны, миявкъушны, чагъаланы, къыргъыйны ве онынъ ич бир союны,

Матта 13:15

Бу халкънынъ юреги бир шей анълап оламай, къулакълары агъыр эшите, оларнынъ козьлери де юмулгъан. Бойледже, олар козьлеринен корьмезлер, къулакъларынен эшитмезлер, акъылларынен анъламазлар. Оларны тедавийлесин деп, Аллагъа кельмезлер.

Марк 3:5

Иса адамларнынъ о къадар таш юрекли олгъанларына къайгъырып, этрафына кедер ве ачувнен бакъты. Къолу сакъат адамгъа исе: – Къолунъны узат! – деди. О, сакъат къолуны узаткъанынен, къолу тюзельди.

Юхан 12:40

«Рабби бу халкънынъ козьлерини кёр этти, юрегини де бир шей анъламагъан киби этти. Бойледже, олар козьлеринен корьмезлер, акъылларынен анъламазлар, оларны тедавийлесин деп, Онъа кельмезлер».

Фаалиет 17:30

Алла джаиллик заманларына козь юмгъан олса да, энди эр ерде эписи адамларгъа тёвбе этмеге буюрмакъта.

Фаалиет 3:17

Амма, дин къардашларым, сизлер, башлыкъларынъыз киби, бу ишни бильмегенинъизден япкъанынъызны билем.

Римлилерге 1:28

Алланы акъылда тутмагъа бир шей саймагъанлары ичюн, Алла оларны бозукъ акъыл укюмине берди, ве олар разылыкъ олмагъан ишлерни япып башладылар.

Римлилерге 11:25

Агъа-къардашларым, сиз озюнъизни акъыллы тюшюнменъиз деп, бу сырны бильгенинъизни истейим: башкъа халкълардан тайинленген адамлар Аллагъа иман этмегендже, Исраиль халкъынынъ юреги вакътынджа къатты олур.

Римлилерге 11:7

Сонъ не? Исраиль истеген шейни алмады. Лякин оны бир къач сайлангъанлар алдылар, къалгъанларнынъ юреклери исе къатты олды.

Римлилерге 2:19

кёр адамларгъа ёл косьтергенинъизге ве къаранлыкъта къалгъанларгъа ярыкъ олгъанынъызгъа эминсинъиз.

1 Коринтлилерге 1:21

Алланынъ истегине коре, дюнья озь акъылынен Оны анълап оламады, ве шунынъ ичюн Алла имангъа кельген адамларны «акъылсыз» хабер ярдымынен къуртармагъа къарар этти.

1 Коринтлилерге 2:8

Бу икметни дюнья акимлеринден ич бириси анъламады. Эгер оны анълагъан олсалар, шуретли Раббини хачкъа мыхламаз эдилер.

2 Коринтлилерге 3:14

Лякин оларнынъ акъыллары кёр олды, ве Эски Васиетни окъугъан вакъытта о орьтю бугуньге къадар акъылларыны къапатып тура, чюнки орьтюни тек Месих алып четке ташламакъ мумкюн.

2 Коринтлилерге 4:4

чюнки имансызларнынъ акъылларындан Хаберни анъламагъа къабилиетини бу дюньянынъ алласы хырсызлады, ве олар Месихнинъ шурети акъкъында Къуванчлы Хабернинъ ярыгъыны корип оламайлар. Месих исе – Алланынъ къыяфетидир,

Галатиядакилерге 4:8

Кечмиште сизлер Алланы бильмей эдинъиз, лякин аллалар олмагъан путларнынъ къуллары ола эдинъиз.

Эфеслилерге 2:1

Сизлер къанунсыз япкъанларынъыз ве гуналарынъыз ичюн олю эдинъиз,

Эфеслилерге 2:12

Сизлер о вакъытта Месихтен айры ола эдинъиз, Исраильнинъ ветандашлары дегиль эдинъиз, васиетлер ваделерине ябанджы эдинъиз, дюньяда умютсиз ве Алласыз яшай эдинъиз.

Колоссайлыларгъа 1:21

Бир вакъытлары сизлер Аллагъа ябанджы эдинъиз ве яман ишлерни япкъанда, озь акълынъызда Онынъ душманлары эдинъиз,

1 Тессалоникелилерге 4:5

Алланы бильмеген халкълар киби, беден истеклерине берильменъиз.

Еудийлерге 5:2

Бильмеген, ёлдан урулгъан адамларгъа о мераметнен бакъып ола, чюнки озю де гуналы адамдыр.

Еудийлерге 9:7

Чадырнынъ ички болюгине исе йылда бир кере тек баш руханий кире, ве о озюнинъ ве халкънынъ къабаатлары ичюн къурбан къаныны алып кетирмек керек.

Якъуп 4:4

Эй, Алладан вазгечкен адамлар, дюньянен дост олгъаны Аллагъа душман олгъаныны бильмейсизми? Шунынъ ичюн, дюньянен дост олмагъа истеген адам Аллагъа душман ола.

1 Пётр 1:14

Сёз динълеген балалар олып, бильгисиз олгъан вакъыттаки, эвельки бозукъ истеклерге къайтманъыз.

1 Юхан 2:11

Амма озь агъа-къардашыны кореджек козю олмагъан адам къаранлыкътадыр. О, къаранлыкъта юре ве къайда кеткенини бильмей, чюнки къаранлыкъ онынъ козьлерини кёр этти.