Эфеслилерге 4:14 - Мукъаддес Китап

¹⁴ Сонъ бизлер сабийлер киби олмайыкъ, эр тюрлю огретювлерге берильмейик, далгъалар киби, анда-мында атылмайыкъ, адамларнынъ айнеджилигине ве оларнынъ бизни ёлдан урмагъа ялан ниетлерине де берильмейик,

Эфеслилерге 4:14 Iomraidhean Croise

Зебур 59:3

Эй, Алла, Сен бизлерни ташлап кеттинъ, сыраларымызны ярып къойдынъ, бизлерге гъазапландынъ. Бизге чевириль!

Ешая 28:9

Кимге акъыл огретип оладжакъ? Кимге Раббининъ хаберини анълатаджакъ? Ана сютюни якъында эмгенлерге, янчыкъ кокюстен айырылгъан балаларгъамы?

Микъа 7:2

Ерде мераметли адамлар къалмады, адамлар арасында догъру сою ёкъ. Эр кес, къан тёкмек ичюн, къапкъан къоя, къардаш къардашына къаршы тузакъ къура.

Матта 11:7

Ягъянынъ шегиртлери кетеяткъанда, Иса адамларгъа Ягъя акъкъында айтып башлады: – Сиз не ичюн сахрагъа бардынъыз? Ельде саллангъан къамышны корьмегеми?

Матта 24:11

Чокътан-чокъ ялан пейгъамберлер пейда олып, чокъ адамларны алдатаджакъ.

Матта 24:24

Ялан месихлер ве ялан пейгъамберлер пейда олып, имкяны олса, сайлангъанларны биле ёлдан урмакъ ичюн, буюк аджайип шейлер япаджакълар ве бельгилер косьтереджеклер.

Фаалиет 23:21

Лякин сен оларгъа инанма. Къыркътан зияде адам Павелни беклеп туралар; оны ольдюрмегендже ашап-ичмемеге ант эттилер. Мына шимди сенинъ эмиринъни беклеп, азыр олып туралар, – деди.

1 Коринтлилерге 12:2

Билесинъиз ки, сизлер Алланы бильмегенде, тильсиз путлар, не де олса, сизни ёлдан ура эдилер.

1 Коринтлилерге 14:20

Дин къардашлар, балалар киби тюшюнменъиз. Яманлыкъкъа коре, бала киби къабаатсыз олунъыз, акъылгъа коре исе буюк адамлар киби олунъыз.

1 Коринтлилерге 3:19

Бу дюньянынъ икмети Алланынъ огюнде акъылсызлыкътыр. Язылгъан: «О, акъыллы адамларны оларнынъ айнеджилигинен тутып алыр».

2 Коринтлилерге 2:17

Чокъусы Алланынъ Сёзюни озь файдасы ичюн илян этселер де, биз исе Алланынъ тарафындан ёлланылып ве Месихнен олып, Алланынъ огюнде саф юрекнен лаф этемиз.

2 Коринтлилерге 4:2

Амма адамларнынъ гизли ве айып ишлерини ред этип, шимди айнеджиликнен арекет этмеймиз, Алланынъ Сёзюни бозмаймыз. Биз акъикъатны ачыкъ-айдын этемиз ве Алланынъ огюнде эр бир адамнынъ виджданына бизге къыймет кесмеге ёл беремиз.

Галатиядакилерге 3:1

Эй, акъылсыз галатиядакилер! Акъикъаткъа бойсунмамакъ ичюн, сизлерни ким назарлады? Сизге Иса Месихнинъ хачкъа мыхланылувы, козюнъиз огюндеки ресим киби, ачыкъ анълатылгъандыр!

Эфеслилерге 6:11

Шейтаннынъ айнеджиликлерине къаршы турмакъ ичюн, Алланынъ бутюн силяларыны алынъыз.

1 Тимотейге 3:6

Бакъыджы оладжакъ адам имангъа якъында кельген адамлардан олмасын. Ёкъса, о, гъурурланаджакъ ве Шейтангъа ошап, джезасыны аладжакъ.

2 Тимотейге 1:15

Сен билесинъ ки, Кучюк Асиядакилернинъ эписи, шу джумледен Фюгел ве Хермоген, менден юзь чевирдилер.

2 Тимотейге 3:13

Яманлар ве доландырыджылар исе башкъаларыны алдата-алдата, озьлерини де алдатып, яман ишлерини девам этеджеклер.

2 Тимотейге 4:3

Ойле бир вакъыт келеджек ки, адамлар догъру огретювден юзь чевиреджеклер, оджаларыны озь истеклерине коре сайлайджакълар ве озь бегенген шейлерни динълейджеклер,

Еудийлерге 13:9

Чешит тюрлю огретювлерге берильменъиз. Сизинъ юреклеринъиз ашлар акъкъында къаиделернен дегиль де, Алланынъ эйилигинен къуветлендиргени яхшы олур эди. Бойле къаиделерге берильгенлер олардан ич бир файда корьмедилер.

Якъуп 1:6

Лякин адам шубеленмейип, иманнен истесин. Шубеленген адам ельнен котерильген ве анда-мында айдалгъан денъиз далгъасына ошай.

Якъуп 3:4

Бакъынъыз, гемилер де пек балабан олса да, кучьлю еллер ярдымынен айдалса да, гемиджининъ гонълю къайсы тарафкъа бармагъа истесе, оларны кичкене бир дюменнен о тарафкъа да идаре эте.

2 Пётр 2:18

Къопай ве бош лафларны эткенде, олар адамларны беден истеклерине ве бозукълыкъкъа чекелер ве янълыш ёлунда яшагъанлардан энди къачып къуртулгъанларны алдатып къолгъа кечирелер.

1 Юхан 2:19

Олар озюмизнинъ арамыздан чыкътылар, лякин олар бизден дегиллер. Эгер олар бизден олгъан олса, бизнен къалыр эдилер. Оларнынъ бизден айырылып кеткени олар эписи бизден олмагъаныны косьтере.

1 Юхан 2:26

Буларны сизни ёлдан ургъанлар акъкъында яздым.

1 Юхан 4:1

Севгили достларым, эр бир рухкъа инанманъыз. Лякин, Алладан олгъаны я да олмагъаныны бильмек ичюн, рухларны сынавдан кечиринъиз. Дюньяда чокъ яланджы пейгъамберлер пейда олды.

Иуда 1:12

Севги акъшамларынъызда бу адамлар – къара лекелердир. Олар сизлернен берабер къоркъмайып ашап-ичелер, лякин тек озьлерини бакъалар. Олар – ельнен алып кетирильген ягъмурсыз булутлардыр, кеч кузьде мейвасыз къалгъан, тамырынен чыкъарылып ташлангъан, эки кере ольген тереклердир.

Сырларнынъ ачылувы 19:20

Айван ве онынъ алдында аджайип ишлер япкъан ялан пейгъамбер эсирге тюшти. (Ялан пейгъамбер адамларны озь аляметлеринен алдаткъан эди, ве олар айваннынъ тамгъасыны къабул эткен ве онынъ путуна ибадет эткен эдилер.) Олар экиси кукюртнен янгъан атеш голюне тири олып ташландылар.