Эфеслилерге 3:1 - Мукъаддес Китап

¹ Шу себептен мен, Павел, сиз ичюн, еудий олмагъан халкълар ичюн, Иса Месихнинъ мабюси олдым…

Эфеслилерге 3:1 Iomraidhean Croise

Лука 21:12

Лякин буларнынъ эписинден эвель сизни якъалайджакъ ве къувалайджакълар, синагогаларгъа береджеклер ве зинданларгъа ташлайджакълар. Меним Адым ичюн сизни падишалар ве акимлернинъ алдына алып бараджакълар.

Фаалиет 21:33

Бинъбашы якъынлашты, Павелни тутып, эки зынджырнен багъламагъа буюрды. О: «Бу ким, ве не япты?» – деп сорады.

Фаалиет 23:18

О, йигитни алды ве бинъбашынынъ янына кетирип: – Мабюс Павел мени янына чагъырып, бу йигитни сенинъ алдынъа кетиргенимни риджа этти, санъа айтаджакъ бир лафы бар экен, – деди.

Фаалиет 26:29

– Къыскъамы, узунмы, тек озюнъ дегиль, бугунь мени динълегенлернинъ эписи де мен киби, амма зынджырсыз, олмакъ ичюн, Аллагъа дува окъуйым! – деди Павел.

Фаалиет 9:15

Рабби Иса онъа: – Адымны тюрлю халкълар, падишалар ве Исраиль огъулларынынъ огюнде илян этмек ичюн, Мен бу адамны сайладым.

2 Коринтлилерге 1:6

Бизим беляларгъа огърагъанларымыз сизни юреклендирсин ве къуртулышкъа догърултсын. Биз юрек алгъанларымыз да сизни юреклендирсин, азапларымызгъа къошулгъанынъызда, сизге сабырлы олмагъа ярдым берсин.

2 Коринтлилерге 10:1

Мен, Павел, сизинъ аранъызда юваш, сизден узакъта исе джесюр олып, шимди сизлерге Месихнинъ алчакъгонъюллиги ве йымшакълыгъынен мураджаат этем.

2 Коринтлилерге 11:23

Олар Месихнинъ хызметчилерими? Мен акълымны джойгъан киби айтам: мен олардан буюгим! Иш десенъиз, мен олардан чокъ чалыштым. Зиндан десенъиз, олардан чокъ зинданда яттым. Котек десенъиз, мен олардан чокъ котек ашадым, атта чокъ кере олюмге якъын олдым.

Галатиядакилерге 5:11

Агъа-къардашлар, эгер мен але даа сюннетнинъ тарафдары олсам, не ичюн мени къувалайлар? Ойле олса, хач себебинден къавгъа токътар эди.

Галатиядакилерге 5:2

Мен, Павел, сизлерге буны айтам: эгер сизлер сюннет олсанъыз, Месих сизлерге файда этмез.

Галатиядакилерге 5:24

Месихнинъкилер озь беденини яман арзуларнен ве истеклернен берабер хачкъа мыхлап къойдылар.

Эфеслилерге 3:11

ве шу, Раббимиз Иса Месихте ерине кетирильген эбедий плангъа коре олды.

Эфеслилерге 3:13

Онынъ ичюн, сизге ялварам: меним сизлер ичюн азапларым себебинден рухтан тюшменъиз. Олар – сизинъ шуретинъиздир.

Эфеслилерге 3:8

Манъа, бутюн азизлер арасында энъ кучюкке, бойле эйилик берильгендир: Месихнинъ акъылгъа етмез гузеллиги акъкъында Къуванчлы Хаберни чешит тюрлю халкъларгъа бильдирмек

Эфеслилерге 4:1

Шу себептен мен, Рабби ичюн мабюс, сизлерге ялварам: сиз алгъан чагъырувгъа коре, ляйыкъ алда яшанъыз,

Эфеслилерге 6:20

Мен Хабер ичюн зынджырларнен багълангъан эльчи олам. Кереги киби, джесарет ве ачыкълыкънен Къуванчлы Хаберни бильдирейим деп, дува окъунъыз.

Филиплердекилерге 1:7

Меним эпинъиз акъкъынъызда бойле тюшюнгеним догърудыр, чюнки сизлер меним юрегимдесиз, ве мен зинданда олгъанда, Къуванчлы Хаберни къорчалагъанда ве оны тасдыкъ эткенимде, эр биринъиз меннен берабер эйилик саиби оласынъыз.

Колоссайлыларгъа 1:24

Мен шимди, сизлер ичюн азаплангъанымда, къуванам. Месих Озь бедени ичюн, яни иманлылар джемиети ичюн, але даа азаплана. Мен бу азапларны озь беденимде чекип толдурам.

Колоссайлыларгъа 4:18

Мен, Павел, бу селямны озь къолумнен язам. Зиндан зынджырларымны акъылда тутунъыз. Алланынъ эйилиги сизлернен олсун!

Колоссайлыларгъа 4:3

Бизлер ичюн де дува окъунъыз: Алла, биз Месихнинъ сырыны бильдиреджегимиз ичюн, Озь Сёзюне бир къапуны ачып берсин (мен бу сыр ичюн тюрьмеде отурам),

2 Тимотейге 1:16

Рабби Онисифорнынъ эвине мерамет этсин, чюнки о, чокъ кере меним гонълюмни алды ве зынджырларымдан утанмады,

2 Тимотейге 1:8

Бойлеликнен, Раббимиз акъкъында шаатлыкъ этмектен ве менден, Онынъ мабюсинден утанма. Амма Алла берген кучь-къуветнен Яхшы Хабер ичюн азапларгъа даян.

Филимонгъа 1:1

Павел (Иса Месихнинъ мабюси) ве дин къардаш Тимотей – севимли ишдешимиз Филимонгъа,

Филимонгъа 1:23

Эпафрас санъа селям эте. (О Иса Месих ичюн меннен берабер тюрьмеде ята.)

Филимонгъа 1:9

лякин севгинен ялварам. Мен, Иса Месихнинъ эльчиси Павел, энди Онынъ мабюси,

Сырларнынъ ачылувы 2:10

Башынъа тюшеджек азаплардан къоркъма. Мына, Шейтан сизлерни сынамакъ ичюн, аранъыздан базыларны алып, тюрьмеге ташлайджакъ, ве он кунь къадар сиз азап чекеджексиз. Ольгендже садыкъ къал, ве о вакъыт Мен санъа яшайыш берерим, о, санъа тадж дайын олур.