Эфеслилерге 1:8 - Мукъаддес Китап

⁸ Алла бутюн акъылданеликнен ве анълавнен бу эйилигини бизге боллукънен берди.

Эфеслилерге 1:8 Iomraidhean Croise

Зебур 104:24

Алла халкъыны пек чокълаштырды, душманларындан кучьлю япты.

Икметли сёзлер 8:12

Мен – Икмет, зекянен бирликте яшайым, бильги ве ферасетни мен таптым.

Ешая 52:13

Мына, къулумнынъ ишлери онъ келеджек, котериледжек, юкселеджек, пек буюк оладжакъ.

Матта 11:19

Инсан Огълу келип, эм ашай, эм иче, ве олар: «Бу ачкозь ве ичкиджиге бакъынъыз! О – салым топлайыджылар ве гуналыларнынъ досту!» – дейлер. Лякин икмет озь ишлеринен тасдыкълана.

Римлилерге 11:33

Алланынъ зенгинлиги, Онынъ икмети ве бильгиси не къадар сынъырсыз! Онынъ къарарларына ич кимсенинъ акъылы етмез! Онынъ ёлларыны ич кимсе анъламаз!

Римлилерге 5:15

Алланынъ эйилигининъ арекети ве Адемнинъ гунасынынъ арекети бир-бирине ошамай. Бир адамнынъ гунасы ичюн пек чокъ адамлар ольген олса да, Алланынъ эйилигинен ве бир Адам Иса Месихнинъ эйилигинен берильген бахшыш буюк олып, чокътан-чокъ адамларгъа боллукънен берильди.

1 Коринтлилерге 2:7

Биз Алланынъ гизли ве сакълангъан икмети акъкъында айтамыз. Бизге шурет бермек ичюн, О, бу икметни дюнья яратылмаздан эвель азырлады.

Эфеслилерге 1:11

Онда биз Алланынъ халкъы олдыкъ; эписини Озь истегинен беджерген Алла буны япмагъа эвельден къарар чыкъарды.

Эфеслилерге 1:7

Онынъ къанынен биз Онда къуртулыш таптыкъ, ве бизим гуналы ишлеримиз багъышланды, чюнки Онынъ эйилиги пек буюктир.

Эфеслилерге 1:9

Алла бизге Озь гизли истегини ачып берди; Озь эйи разылыгъына коре, О, истегини Месихтен беджермеге эвельден акъылына къойды.

Эфеслилерге 3:10

Алланынъ чешит тюрлю икмети исе иманлылар джемиети ярдымынен коклердеки башлыкъларгъа ве акимиетлерге шимди белли оладжакъ эди,

Колоссайлыларгъа 2:3

Икметнинъ ве бильгининъ бутюн хазинелери тек Онда сакълылар.

Иуда 1:25

Бир Аллагъа, бизни Раббимиз Иса Месихнинъ ярдымынен Къуртаргъангъа асырларнынъ башындан, шимди ве эбедиен шурет ве улулыкъ, къудрет ве акимиет олсун! Амин.

Сырларнынъ ачылувы 5:12

Олар кучьлю сеснен айттылар: – Къурбан оларакъ союлгъан Къозу кучь ве зенгинликке, икмет ве къудретке, шан ве шуретке, эм де бинъ шукюрлерге ляйыкътыр!