Даниял 8:3 - Мукъаддес Китап

³ Козьлеримни котерип бакъсам, дерья ялысында тургъан бир къочкъарны корьдим. Онынъ эки узун бойнузы бар эди. Бойнузларнынъ экинджи чыкъкъан сою биринджисинден узун эди.

Даниял 8:3 Iomraidhean Croise

1 Тарих вакъиалары 21:16

Давут козьлерини котерип, элинде къылыч туткъан РАББИнинъ мелегини корьди. Мелек ер ве кок арасында тура ве къынындан чыкъарылгъан къылычыны Ерусалимге узата эди. Давут ве акъсакъаллар, чувал токъумасындан тикильген урбаларны кийип, бетинен ерге йыкъылдылар.

Узеир 1:2

– Фарс падишасы Кореш бойле дей: «Коклернинъ Алласы РАББИ ер юзюндеки бутюн падишалыкъларны манъа берди. О, манъа Ехудадаки Ерусалимде Онынъ ичюн Эвни къурмагъа буюрды.

Узеир 4:5

Фарс падишасы Корешнинъ бутюн куньлеринде, тап Дарьявеш Фарс падишасы олгъан вакъыткъа къадар олар акъыл огреткенлерге къапарлар бердилер ве оларнынъ ишини бозмагъа истедилер.

Эстер 1:3

Падишалыгъынынъ учюнджи йылында о, бутюн башлыкълары ве хызметчилери ичюн, фарслы ве мадайлы орду башлыкълары ве мырзалары, эм де озь янындаки виляетлерининъ башлыкълары ичюн байрам япты.

Ешая 13:17

Иште, оларгъа къаршы, кумюшни ич бир шей ерине корьмеген, алтынны севмеген мадайлыларны котереджегим.

Ешая 21:2

Къоркъунчлы бир шейни корьдим: адамлар бири-бирине хаинлик этелер, душманлар орталыкъны урып йыкъалар. «Эй, Элам, кель мында! Эй, Мадай, шеэрни алкъагъа ал! Бутюн ич чеккенлерини токътатаджагъым».

Ешая 44:28

Кореш акъкъында бойле дейим: – О – Меним чобанымдыр, эр истегимни беджереджек. Ерусалимге: «Янъыдан къуруладжакъсынъ», Сарайгъа: «Янъыдан темелинъни къояджакълар», – дейджек.

Йирмея 51:11

Окъларынъызны къайранъыз, окълукъларынъызны толдурынъыз. РАББИ Мадай падишаларынынъ рухуны къозгъады, Вавилонны ёкъ этмеге ниетленди. РАББИ оны джезалай, Озь Сарайы ичюн джезалай.

Даниял 10:5

Козьлеримни котерип бакъсам, кетен урбасына кийинген, белине темиз алтындан къушакъ багълангъан бирини корьдим.

Даниял 2:39

Сенден сонъ сенинъ падишалыгъынъдан бетер олгъан башкъа падишалыкъ оладжакътыр. Сонъ даа учюнджи, бакъыр падишалыкъ бутюн дюньяда акимдарлыкъ этеджектир.

Даниял 5:31

ве алтмыш эки яшында олгъан мадайлы Дарьявеш падишалыкъны къабул этти.

Даниял 6:28

Эм Дарьявеш, эм фарслы Кореш падишалыкъ эткенде, Даниялнынъ ишлери онъундан келе эдилер.

Даниял 7:5

Экинджи айван аювгъа ошай эди. Бир тарафы башкъа тарафына бакъкъанда, чокъ котерильген эди. Агъзында, тишлери арасында учь къабургъа кемиги бар эди. Онъа: «Тур, тойгъандже чокъ эт аша!» – айтылгъан эди.

Даниял 8:2

Руямда мен Элам виляетиндеки Шушан къалесинде, Улай дерьясы янында эдим.

Даниял 8:20

Сен корьген къочкъарнынъ эки бойнузы – мадайлыларнынъ ве фарслыларнынъ падишаларыдыр.

Зекерья 1:18

Сонъ мен козьлеримни котерип бакътым: мына, дёрт бойнуз.

Зекерья 2:1

Мен кене козьлеримни котерип бакътым: мына, къолунда ольчев йипни туткъан бир адам.

Зекерья 5:1

Козьлеримни кене котерип бакъкъанда, учкъан бир бургъу кягъыт корьдим.

Зекерья 5:5

Сонъ меннен лаф эткен Мелек келип, манъа бойле деди: – Козьлеринъни котерип бакъ, ортагъа чыкъаяткъан бу шей недир?

Зекерья 5:9

Козьлеримни котерип бакъсам, мына къанатларында ельнен учып кельген эки къадын пейда олды. Къанатлары лейлек къанатларына ошай эди. Олар савутны котердилер ве ернен кок арасында алып кеттилер.

Зекерья 6:1

Кене козьлеримни котерип бакътым ве мына, эки бакъыр дагъларнынъ арасындан чыкъкъан дёрт дженк арабасыны корьдим.

Сайылар 24:2

Белам бакъты ве Исраильнинъ къабиле-къабиле ерлешкенини корьди. Онъа Алланынъ Руху энди.

Нун огълу Ехошуа 5:13

Куньлерден бири Ехошуа Ерихоннынъ янында олгъанында, козьлерини котерип, къолунда къылычы олгъан адамны корьди. Онынъ янына барып, Ехошуа: – Сен бизимкилеринден я да душманларымыздансынъмы? – деди.

Сырларнынъ ачылувы 13:11

Сонъ мен ерден чыкъаяткъан башкъа бир кийик айванны корьдим. Къозунынъ киби эки бойнузы бар эди; о, аждерха киби лаф эте эди.

Сырларнынъ ачылувы 5:6

Бакъсам, дёрт айваннынъ арасында, тахтнынъ ортасында, акъсакъалларнынъ ортасында бир Къозу тургъаныны корьдим. О, къурбан чалынгъан киби эди. Къозунынъ еди бойнузы ве еди козю бар эди. Булар – Алланынъ ер юзюне ёллагъан еди Рухудыр.