Даниял 8:2 - Мукъаддес Китап

² Руямда мен Элам виляетиндеки Шушан къалесинде, Улай дерьясы янында эдим.

Даниял 8:2 Iomraidhean Croise

Башланув 10:22

Шемнинъ огъуллары булардыр: Элам, Ашшур, Арпакъшад, Луд ве Арам.

Башланув 14:1

Шинар падишасы Амрафел, Элласар падишасы Арьёкъ, Элам падишасы Кедорлаомер ве Гоим падишасы Тидал падишалыкъ эткен заманларда

Нехемья 1:1

Хакальянынъ огълу Нехемья айткъан сёзлери: Кислев айында, Фарс падишасы Артахшаста падишалыгъынынъ 20-нджи йылында, мен Шушан къалесинде эдим.

Эстер 1:2

О заман Ахашверош падиша Шушан къалесиндеки тахттан падишалыкъ япа эди.

Эстер 2:8

Падишанынъ буюргъаныны ве къануныны илян эттилер ве Шушан къалесинде чокъ къызларны топладылар. Хегай олар ичюн джевапкяр эди. О заман Эстерни де падишанынъ сарайына алып кетирдилер, ве Хегай, апайларнынъ къаравулы, оны да козьден кечирди

Эстер 3:15

Хаберджилер падишанынъ эмиринен тез ёлгъа чыкътылар. Къанун Шушан къалесинде де илян этильген эди. Падишанен Хаман отурып иче эдилер, Шушан шеэрининъ халкъы исе шашкъынлыкъ ичинде эди.

Эстер 7:6

– Бизге къаршы чыкъкъан душман – бу яман Хамандыр! – деди Эстер къыраличе. Хаман падишанынъ ве къыраличенинъ огюнде пек къоркъты.

Эстер 8:15

Мордекъай мор ве беяз тюстеки падиша урбасынен, башында балабан алтын таджынен, сыртында индже кетенден мавылы къырмызы бир япынджанен падишадан чыкъты. Шушан шеэри де шенъленди ве къуванды.

Эстер 9:11

Шушан къалесинде ольдюрильгенлернинъ сайысы шу куню падишагъа хабер этильди.

Эстер 9:15

Шушандаки ехудалылар Адар айынынъ 14-юнджи куню де кене топланып, шеэрде 300 адамны ольдюрдилер. Мал-мульклерине исе къолларыны узатмадылар.

Ешая 11:11

О куню Рабби кене къолуны узатаджакъ ве Озь халкъынынъ сагъ къалгъанларыны Ашшур ве Мысырдан, Патрос ве Хуштан, Элам ве Шинардан, Хамат ве денъиз адаларындан къайтараджакъ.

Ешая 21:2

Къоркъунчлы бир шейни корьдим: адамлар бири-бирине хаинлик этелер, душманлар орталыкъны урып йыкъалар. «Эй, Элам, кель мында! Эй, Мадай, шеэрни алкъагъа ал! Бутюн ич чеккенлерини токътатаджагъым».

Йирмея 25:25

Зимрийнинъ эписи падишаларына, Элам топрагъынынъ эписи падишаларына ве Мадай топрагъынынъ эписи падишаларына;

Ехезкель 1:1

30-ынджы йылы, дёртюнджи айынынъ бешинджи кунюнде мен Кевар озенининъ ялысында сюргюн этильгенлернинъ арасында эдим. О вакъыт коклер ачылды, ве мен Алладан кельген руяларны корьдим.

Ехезкель 32:24

Элам озь ордуларынен берабер онынъ мезары этрафында ята. Оларнынъ эписи ольген, къылычнен ольдюрильгендир. Сюннетсиз олып, олар ашагъы дюньягъа тюштилер. Бир заманда олар тирилернинъ дюньясында олюм къоркъусыны сачкъан эди. Энди олар масхара олып, олюм чукъурына тюшкенлерге къошулдылар.

Даниял 10:4

Биринджи айнынъ 24-юнджи куню мен буюк Хиддекель дерьясы ялысында тура эдим.

Даниял 7:15

Меним (Даниялнынъ) рухум тенимде титреди, корьген руяларым мени раатсыз этти.

Даниял 7:2

Даниял бойле деди: – Геджедеки руямда мен, Даниял, шуны корьдим: кокнинъ дёрт ели буюк денъизни пек далгъаландырды,

Даниял 8:1

Белшаццар падишалыкъ эткенининъ учюнджи йылында, мен, Даниял, эвель корьген руядан башкъа руяны корьдим.

Даниял 8:3

Козьлеримни котерип бакъсам, дерья ялысында тургъан бир къочкъарны корьдим. Онынъ эки узун бойнузы бар эди. Бойнузларнынъ экинджи чыкъкъан сою биринджисинден узун эди.

Сайылар 12:6

РАББИ оларгъа бойле деди: – Сёзлериме къулакъ асынъыз: аранъызда бир пейгъамбер олгъанда, Мен, РАББИ, онъа руяда корюнем, тюшюнде онен лакъырды этем.

Еудийлерге 1:1

Эски заманларда Алла бир къач кере тюрлю ёлларнен баба-деделеримизге Озь истеклерини пейгъамберлернинъ ярдымынен бильдире эди.

Сырларнынъ ачылувы 9:17

Мен руяда атларны ве атлыларны корьдим: атлыларнынъ атешли къырмызы, мавы ве сары, кукюрт тюсте зырхлары бар эди. Атларнынъ башы арслан башына ошай, агъызларындан атеш, тютюн ве кукюрт чыкъып тура эди.