Даниял 8:14 - Мукъаддес Китап

¹⁴ о манъа: – 2 300 акъшам ве саба. Сонъ Мукъаддес Ер янъыдан азиз этиледжек, – дегенини эшиттим.

Даниял 8:14 Iomraidhean Croise

Башланув 1:5

Алла ярыкъны «куньдюз», къаранлыкъны исе «гедже» деп адландырды. Акъшам тюшти, саба ачылды – бу, бир кунь сайылды.

Ешая 1:27

РАББИ Сионны адалетнен, тёвбе эткен огъулларыны акъикъатнен къуртараджакъ.

Ешая 45:25

Исраильнинъ эписи эвлятларыны РАББИ акълайджакъ ве шуретлейджек.

Даниял 12:11

Куньделик къурбанлары токътатылгъан ве пис арамлыкъ къоюлгъан сонъ, 1 290 кунь кечеджек.

Даниял 12:12

Сабыр эткен ве 1 335 куньге къадар беклеген адам не къадар бахтлыдыр!

Даниял 12:7

Сонъ мен озеннинъ сувлары устюнде тургъан кетен урбалы адамнынъ джевабыны эшиттим. О, сагъ ве сол къолуны кокке котерип ве эбедий Яшагъаннынъ адынен ант этип, бойле деди: – Учь бучукъ йыл кечкенинен ве азиз халкънынъ кучю бутюнлей биткенинен, буларнынъ эписи беджериледжек!

Даниял 7:25

О, Юдже Аллагъа къаршы сёзлер айтаджакъ, Онынъ азизлерини чокъ вакъыт хорлайджакъ. Бундан гъайры, о, оларнынъ байрам куньлерини ве къануныны биле ёкъ этмеге истейджек. Азизлер учь бучукъ йыл девамында онынъ къолунда оладжакълар.

Даниял 8:26

Акъшамлар ве сабалар акъкъында руя керчектир. Лякин бу руя гизли олсун, чюнки о, даа чокъ вакъыт ичинде ерине кельмейджек.

Галатиядакилерге 3:8

Мукъаддес Китап эвельден шуны бильди: Алла башкъа халкъларны иманларына коре акълайджакъ. Шунынъ ичюн Ибраимге шу Къуванчлы Хабер берильди: «Сенинъ ярдымынънен ер юзюндеки бутюн халкълар эйилик тападжакълар».

Сырларнынъ ачылувы 11:15

Единджи мелек боразан чалды. Кокте кучьлю сеслер янъгъырады: – Бу дюньянынъ падишалыгъы Раббимизнинъ ве Онынъ Месихининъ падишалыгъы олды. О, эбедиен падишалыкъ япаджакъ.

Сырларнынъ ачылувы 12:14

Къадынгъа буюк къарталнынъ эки къанаты берильди, ве о, озь ерине сахрагъа учып барды ве о ерде учь бучукъ йыл йыландан сакъланып бакъыла эди.

Сырларнынъ ачылувы 13:5

Айвангъа къопай ве куфюр сёзлерни айткъан агъыз берильди, онъа къыркъ эки ай ичинде арекет этмеге де имкян берильди.