Даниял 7:1 - Мукъаддес Китап

¹ Вавилон падишасы Белшаццарнынъ падишалыкъ эткенининъ биринджи йылында Даниял тёшегинде яткъанында бир тюш ве руялар корьди. О, руясыны язып алды ве онынъ эсас манасыны анълатты.

Даниял 7:1 Iomraidhean Croise

Башланув 15:1

Сонъра Ибрамгъа руя олды. Ибрам РАББИнинъ: – Къоркъма, Ибрам. Мен – сенинъ къалкъанынъдырым, аркъа-къаянъдырым. Мукяфатынъ пек бол-берекетли оладжакътыр, – дегенини эшитти.

Башланув 46:2

Геджеси тюшюнде Алла Исраильге: – Якъуп! Якъуп! – деди. – Мен мындам, – деди о.

Эюп акъкъында китап 4:13

О гедже мен къоркъунчлы тюшни корьдим, о вакъыт къатты юкъу адамларны сарды.

Ешая 30:8

Энди барып, бу сёзлерни левагъа сыз, бурулгъан кягъыткъа язып къой, олар келеджек заманларгъа, омюрбилля къалсын!

Ешая 8:1

РАББИ манъа: – Балабан бир тахта ал да, устюнде эр кес ичюн анълайышлы язынен: «Хырсызлыкъ япмагъа ашыкъа, гъанимет къазанмагъа тез келе» деп яз, – деди. –

Йирмея 23:28

Тюш корьген пейгъамбер оны тюш киби анълатсын, амма Меним сёзюмни алгъан адам оны догъру бильдирсин. Богъдайнынъ янында саман недир? – дей РАББИ.

Йирмея 27:7

Онынъ ве мемлекетининъ йыкъыладжакъ вакъты-саати кельмегендже, бутюн халкълар онъа, огълуна ве торунына хызмет этеджеклер. Онъа чокъ халкълар ве буюк падишалар хызмет этеджеклер.

Йирмея 36:32

Йирмея башкъа бир кягъыт алып, Нериянынъ огълу Барукъ языджыгъа берди. Ехуда падишасы Ехоякимнинъ атеште якъкъан кягъыттаки бутюн сёзлерни Барукъ Йирмеянынъ агъзындан кягъыткъа алып язды. Бу сёзлерге ошагъан даа чокъ хаберлер къошулды.

Йирмея 36:4

Йирмея Нериянынъ огълу Барукъны чагъырып, РАББИнинъ озюне айткъан бутюн сёзлерни кягъыткъа яздырды.

Ехезкель 1:1

30-ынджы йылы, дёртюнджи айынынъ бешинджи кунюнде мен Кевар озенининъ ялысында сюргюн этильгенлернинъ арасында эдим. О вакъыт коклер ачылды, ве мен Алладан кельген руяларны корьдим.

Ехезкель 40:2

Меним руямда Алла мени Исраиль топрагъына кетирди ве пек юксек бир дагънынъ тёпесине къойды. Дагънынъ дженюбий этегинде шеэрге ошагъан биналар бар эди.

Даниял 1:17

Алла бу дёрт огълангъа бильги, акъыл ве эр бир китапны анъламакъны берди. Даниялгъа исе даа тюрлю руя ве тюшлерни анъламакъны берди.

Даниял 2:1

Экинджи йыл падишалыкъ эткенде, Невукъаднеццар тюшлер корьди. Онынъ юреги тарсыкъты, ве о, юкълап оламады.

Даниял 2:26

Падиша Белтешаццар адынен адланылгъан Даниялгъа: – Мен корьген тюшюмни ве онынъ тарифини сен манъа айтып олурсынъмы? – деди.

Даниял 4:13

Ондан адам юреги алыныр, ве онъа кийик айван юреги берилир, ве онынъ башындан еди йыл кечер.

Даниял 4:5

Ахыр-сонъу Даниял кирди. (О, алламнынъ адына багъышлап Белтешаццар деп адлангъан, ичинде мукъаддес аллаларнынъ руху булуна.) Мен онъа тюшюмни айтып бердим:

Даниял 5:1

Белшаццар падиша озюнинъ бинъ мырзасы ичюн буюк зияфет япты. Бинънинъ козю огюнде шарап иче эди.

Даниял 5:22

Сен де, онынъ торуны Белшаццар, бунынъ эписини билип, алчакъгонъюлли олмадынъ

Даниял 5:30

О геджеси де къасдийлилернинъ падишасы Белшаццар ольдюрильди,

Даниял 7:13

Гедже руяларымда мен даа шуны корьдим: Инсан Огълуна ошагъан бири кокнинъ булутларынен кельди. Эвель-эзельден Бар Олгъаннынъ янына догъру келип, Онынъ огюне якъынлашты.

Даниял 7:15

Меним (Даниялнынъ) рухум тенимде титреди, корьген руяларым мени раатсыз этти.

Даниял 7:7

Бундан сонъ гедже руяларымда бакъсам, дёртюнджи айванны – къоркъунчлы, дешетли ве артыкъ кучьлю бир айванны корьдим. Онынъ буюк демир тишлери бар эди. О, парчалай ве боза, къалгъаныны да аякълары тюбюне таптай эди. Эвельки бутюн айванларгъа ошамай эди. Онынъ он бойнузы бар эди.

Даниял 8:1

Белшаццар падишалыкъ эткенининъ учюнджи йылында, мен, Даниял, эвель корьген руядан башкъа руяны корьдим.

Ёэль 2:28

– Ондан сонъ Мен эр бир джангъа Рухумны береджегим, ве огъулларынъызнен къызларынъыз пейгъамберлик этеджек, сизинъ къартларынъыз тюшлер кореджек, ве йигитлеринъиз руялар кореджек.

Амос 3:7

РАББИ-ТААЛЯ Озь ниетлерини къуллары пейгъамберлерге ачмагъандже, бир шей япмаз.

Хавакъкъукъ 2:2

РАББИ манъа шойле джевап берди: – Кореджек шейлеринъни язып ал, леваларда ачыкъ-айдын язып къой, оларны окъуйджакълар бир кереден окъусынлар.

Сайылар 12:6

РАББИ оларгъа бойле деди: – Сёзлериме къулакъ асынъыз: аранъызда бир пейгъамбер олгъанда, Мен, РАББИ, онъа руяда корюнем, тюшюнде онен лакъырды этем.

Римлилерге 15:4

Языда язылгъаны бизни огретмек ичюн язылгъан. Шунынъ ичюн сабыр этип ве Мукъаддес Язылардан юрекленип, биз ишанч тапмакъ мумкюнмиз.

2 Коринтлилерге 12:1

Файдасыз олса да, макътанмагъа меджбурым. Энди Рабби манъа косьтерген шейлерни ве берген хаберлерни айтаджагъым.

Сырларнынъ ачылувы 1:19

Шунынъ ичюн, сен корьгенлеринъни, шимди не олгъаныны ве бундан сонъ не оладжагъыны яз.

Сырларнынъ ачылувы 10:4

Еди кок гудюрдиси лафкъа къошулгъанда, мен язмагъа истедим. Амма коктен: – Еди кок гудюрдисининъ лафларыны язма, оларнынъ айткъанлары сыр олсун! – деген сесни эшиттим.