Даниял 2:23 - Мукъаддес Китап

²³ Мен Санъа, баба-деделеримнинъ Алласына, шукюрлер ве макътавлар этем. Сен манъа акъыл ве къудрет берип, шимди Сенден сорагъанымызны ачтынъ. Сен бизге падишанынъ ишини ачтынъ!

Даниял 2:23 Iomraidhean Croise

Башланув 18:17

РАББИ: «Япаджакъларымны Ибраимден гизлейджегимми?

Башланув 31:42

Эгер бабамнынъ Алласы, Ибраимнинъ Алласы ве Исхакънынъ Дешети меннен олмагъан олса, сен мени бош къолумнен йиберер эдинъ. Лякин Алла меним белямны ве къолларымнынъ ишини корьди ве тюневин сени суд этти.

3 Падишалар 18:36

Акъшам къурбаны кетирильген вакъыт кельген сонъ, Ильяс пейгъамбер къурбан ерине якъынлашты ве: – Я РАББИ! Ибраимнинъ, Исхакънынъ ве Исраильнинъ Алласы! Бугунь эр кес Исраильде тек Сен Алла олгъанынъны бильсин! Мен къулунъ олгъанымны, Сенинъ буюргъанынъны беджергенимни эр кес бильсин!

3 Падишалар 8:57

Алламыз олгъан РАББИ бабаларымызнен берабер олгъаны киби, бизнен де берабер олсун, бизни къалдырмасын ве ташламасын!

1 Тарих вакъиалары 29:10

Давут бутюн топлашувнынъ огюнде РАББИге шукюр этти ве бойле деди: Я РАББИ, бизим бабамыз олгъан Исраильнинъ Алласы, Санъа асыр-асырдан шукюрлер олсун!

1 Тарих вакъиалары 29:13

Алламыз, шимди биз Санъа шукюр этемиз! Сенинъ гузель Адынъны шерефлеймиз!

2 Тарих вакъиалары 20:6

шойле деди: – Я РАББИ, бабаларымызнынъ Алласы! Коклернинъ Алласы Сен дегильсинъми? Эр бир халкънынъ падишалыгъында Сен падишалыкъ этесинъ. Кучь ве къудрет Сенинъ элинъде. Санъа къаршы кимсе турып оламаз!

Зебур 21:2

Аллам! Аллам! Сен не ичюн Мени къалдырып кеттинъ? Не ичюн манъа ярдым этмектен, фигъаныма къулакъ асмакътан узакътасынъ?

Зебур 21:4

Сен Мукъаддессинъ, Исраильнинъ макътавлары арасында отурасынъ.

Зебур 50:14

Къуртарувынънен кельген къуванчны манъа къайтарып бер. Сени динълемеге истекни рухума берип, мени къуветлештир.

Чыкъыш 3:15

Алла Мусагъа даа бойле деди: – Исраиль огъулларына айт: Мени сизге РАББИ, бабаларынъызнынъ Алласы, Ибраимнинъ Алласы, Исхакънынъ Алласы ве Якъупнынъ Алласы ёллады. Бу – эбедиен Меним Адым. Мени несильден несильге бойле деп акъылларында тутарлар, – айт.

Икметли сёзлер 21:22

Икметли адам къараманларнынъ шеэрине кире, олар ишангъан къалени йыкъа.

Икметли сёзлер 24:5

Икмет саиби кучьлюдир, бильгили адам кучь-къуветлидир.

Икметли сёзлер 8:14

Насиат ве идракъ мендедир, мен – акъылым, менде – къудрет.

Джемаат башы 7:19

Икмет икметли адамгъа шеэрнинъ он акимдарындан чокъ кучь берер.

Джемаат башы 9:16

Бунъа бойле айттым: «Икмет кучьтен яхшыдыр, лякин фукъаренинъ икметлигини ашалайлар, сёзлерине де къулакъ асмайлар».

Джемаат башы 9:18

Икмет дженк силяларындан яхшыдыр, амма бир гунакяр чокъ яхшылыкъны ёкъ этер.

Ешая 12:1

О куню бойле дейджексинъ: – Я РАББИ! Санъа шукюрлер олсун! Сен манъа ачувлана эдинъ, амма ачувынъ ятышып, юрегимни алдынъ.

Йирмея 33:3

Мени чагъыр – джевабымны берерим, сен бильмеген аджайип гизли шейлерни косьтеририм.

Даниял 1:17

Алла бу дёрт огълангъа бильги, акъыл ве эр бир китапны анъламакъны берди. Даниялгъа исе даа тюрлю руя ве тюшлерни анъламакъны берди.

Даниял 2:18

Олар Коктеки Алладан мерамет сорап башладылар, Алла бу сырны ачсын ве Даниял достларынен ве Вавилондаки башкъа акъыллы адамларнен берабер гъайып олмасын.

Амос 3:7

РАББИ-ТААЛЯ Озь ниетлерини къуллары пейгъамберлерге ачмагъандже, бир шей япмаз.

Матта 11:25

‌О вакъытта Иса сёзюни девам этти: – Бабам, кок ве ернинъ Раббиси! Шуретлейим Сени, чюнки Сен шуны акъыллылар ве бильгилилер ичюн гизли эттинъ, кучюк балаларгъа исе ачтынъ!

Лука 10:21

‌Шу ань Иса Мукъаддес Рухта пек къуванды ве: – Бабам, кок ве ернинъ Раббиси! Шуретлейим Сени! Сен шуны акъыллылар ве бильгилилер ичюн гизли эттинъ, кучюк балаларгъа исе ачтынъ! Эбет, Бабам, Сенинъ эйи ираденъ шойле эди! – деди.

Юхан 11:41

Сонъра адамлар ташны четке чектилер. Иса исе козьлерини кокке котерип: – Баба, Мени эшиткенинъ ичюн Санъа шукюр, – деди.

Юхан 15:15

Мен сизге энди «къул» демейим. Къул эфендисининъ не япкъаныны бильмей де. Сизге «достларым» дедим, чюнки сизге Бабамдан эшиткен эр шейни бильдирдим.

Сырларнынъ ачылувы 1:1

Алла келеджек шейлерни Иса Месихке ачкъан. Якъынларда оладжакъ шейлерни Алланынъ къулларына бильдирмек ичюн, Иса Месих Озь мелегини къулу Юхангъа ёллады ве бу хаберни айтты.

Сырларнынъ ачылувы 5:5

О вакъыт акъсакъаллардан бири манъа: – Агълама! Мына, Ехуда къабилесинден Арслан, Давутнынъ Эвляды, енъди ве энди еди печатны бозып ве бурулгъан кягъытны ачып ола, – деди.