Даниял 2:1 - Мукъаддес Китап

¹ Экинджи йыл падишалыкъ эткенде, Невукъаднеццар тюшлер корьди. Онынъ юреги тарсыкъты, ве о, юкълап оламады.

Даниял 2:1 Iomraidhean Croise

Эстер 6:1

О гедже падишанынъ юкъусы къачты, ве о, хатыралыкъ куньделик тарих китабыны кетирмеге буюрды. Китапны падишагъа окъуп башладылар.

Йирмея 25:1

Ёшиянынъ огълу Ехояким дёртюнджи йылы Ехуданынъ падишасы олгъанда, Невукъаднеццар биринджи йылы Вавилонда падишалыкъ эткенде, Йирмеягъа РАББИден бутюн Ехуда халкъы акъкъында хабер этильди.

Даниял 2:3

Падиша оларгъа: – Мен тюш корьдим, юрегим тарсыкъа, бу тюшнинъ манасыны бильмеге истейим, – деди. Къасдийлилер падишагъа арамий тилинде:

Даниял 4:2

Амма мени къоркъузгъан тюшни корьдим. Тёшегимде олгъан тюшюнджелерим ве корьген руяларым мени къоркъуздылар.

Даниял 4:5

Ахыр-сонъу Даниял кирди. (О, алламнынъ адына багъышлап Белтешаццар деп адлангъан, ичинде мукъаддес аллаларнынъ руху булуна.) Мен онъа тюшюмни айтып бердим:

Даниял 5:9

Белшаццар падиша пек къоркъты, ве онынъ чырайы ап-акъ кесильди, мырзалары да шаштылар.

Даниял 6:18

Сонъ падиша сарайына кетип, акъшамлыкъ ашамайып юкъламагъа ятты ве эгленджелерни биле ред этти, лякин онынъ козюне юкъу кирмеди.

Даниял 7:1

Вавилон падишасы Белшаццарнынъ падишалыкъ эткенининъ биринджи йылында Даниял тёшегинде яткъанында бир тюш ве руялар корьди. О, руясыны язып алды ве онынъ эсас манасыны анълатты.

Даниял 7:15

Меним (Даниялнынъ) рухум тенимде титреди, корьген руяларым мени раатсыз этти.