Даниял 11:12 - Мукъаддес Китап

¹² Бу буюк ордуны енъген сонъ, дженюп падишасы кибирленеджек. О бинълердже адамларны ольдюреджек, амма бутюнлей енъмейджек.

Даниял 11:12 Iomraidhean Croise

4 Падишалар 14:10

Керчектен де, сен эдомлыларны енъдинъ, бундан юрегинъ къабарды. Гъалебенъе къуван, амма эвинъде отур. Не ичюн башынъа беля къыдырасынъ? Сен де йыкъылырсынъ, сеннен берабер Ехуда да йыкъылыр, – деди.

2 Тарих вакъиалары 25:19

Сен: «Мына, мен эдомлыларны енъдим», – дединъ. Сенинъ юрегинъ макътанып пек юксельди. Сен эвинъде отур. Не керек яман беляны чагъырмагъа? Сен йыкъылырсынъ, Ехуда да сеннен берабер йыкъылыр.

2 Тарих вакъиалары 26:16

Лякин о, пек къудретли олгъан сонъ, онынъ юреги юкселип гъурурланды ве онынъ олюмине себеп олды. О, РАББИнинъ Сарайына кирип, къокъулы шейлер якъылгъан ерде къокъулы шейлер якъты ве бойле этип, Алласы олгъан РАББИге къаршы джинает япты.

2 Тарих вакъиалары 32:25

Лякин Хизкиянынъ юреги пек юксельди, ве о, онъа косьтерильген эйиликке къаршылыкъ бермеди. Шунынъ ичюн онынъ башына, Ехудагъа ве Ерусалимге гъазап тюшти.

Икметли сёзлер 16:18

Кибир артындан – эляк, къопайлыкъ артындан – йыкъылув келир.

Ехезкель 28:17

Гузеллигинъ ичюн юрегинъ къопай олды, шан-шуретинъ ичюн акъылынъ гъайып олды. Мен сени ерге аттым, падишаларнынъ козю огюнде масхара эттим.

Ехезкель 28:2

– Инсан огълу! Тирнинъ башлыгъына бойле айт: РАББИ-ТААЛЯ шойле дей: – Юрегинъ къопайды, сен: «Мен – аллам! Денъизлернинъ ортасында мен алланынъ тахтында отурам», – дединъ. Озюнъни Алла киби акъыллы сайдынъ, лякин сен инсансынъ, Алла дегильсинъ.

Ехезкель 28:5

Буюк акъылынънен, алыш-вериш усталыгъынънен байлыгъынъны чокълаштырдынъ. Шу байлыгъынъ ичюн де юрегинъ гъурургъа толып ташты.

Даниял 11:11

Дженюп падишасы ачувланып, шималь падишасына къаршы дженк этеджек. Онда буюк бир орду олса да, ордусы душманнынъ къолуна тюшюджек.

Даниял 11:13

Шималь падишасы къайтып, эвельки ордусындан даа буюк бир орду топлайджакъ ве бир къач йылдан сонъра буюк ордунен ве яхшы силяларнен келеджек.

Даниял 5:23

ве Коклер Раббисине къаршы котерильдинъ. Онынъ Сарайындаки савутларны санъа кетирдилер. Эм сен, эм сенинъ мырзаларынъ, эм апайларынъ, эм джариелеринъ олардан шарап ичтилер. Эм де сен кумюш, алтын, бакъыр, демир, агъач ве таштан япылгъан, козьлери корьмеген, къулакълары эшитмеген, акъыллары олмагъан аллаларны шуретлей эдинъ. Нефесинъни ве такъдиринъни къолунда туткъан Алланы исе сен шуретлемединъ.

Даниял 8:25

Айнеджиликнен ве алдавнен о, истеген эр шейни беджереджек ве озюни пек юксек тутаджакъ. Хабери олмагъан адамларны о, ёкъ этеджек ве раббилернинъ Раббисине къаршы биле чыкъаджакъ, амма озю ёкъ этиледжек, лякин адам къолундан дегиль.

Къануннынъ текрары 8:14

сакъын, юрегинъ юксек олмасын, Алланъ олгъан РАББИни унутма. О, сени къуллукъ эвинден, Мысыр топрагъындан алып чыкъкъан,

1 Тимотейге 3:6

Бакъыджы оладжакъ адам имангъа якъында кельген адамлардан олмасын. Ёкъса, о, гъурурланаджакъ ве Шейтангъа ошап, джезасыны аладжакъ.

1 Пётр 5:5

Яшлар, акъсакъалларны динъленъиз. Эпинъиз бири-биринъизге алчакъгонъюллик косьтеринъиз. Алла къопайларгъа къаршы чыкъа, алчакъгонъюллилерге исе эйилик япа.