Даниял 10:9 - Мукъаддес Китап

⁹ Сонъ мен шу адамнынъ сесини эшиттим. Оны эшиткенде, мен сезгисиз къалдым ве, бетимнен ерге тюшип, бойле алда яттым.

Даниял 10:9 Iomraidhean Croise

Башланув 15:12

Кунь баткъанда, Ибрамны къатты юкъу сарды, дешетли буюк къаранлыкъ басты.

Башланув 2:21

О вакъыт РАББИ-Тааля адамны къатты юкъугъа далдырып, къабургъаларынынъ бирини алды ве о ерни вуджутнен къапатты.

Эюп акъкъында китап 33:15

Тюште, гедже руясында, адамларны терен юкъу баскъанда, олар ятакъта яткъанларында,

Эюп акъкъында китап 4:13

О гедже мен къоркъунчлы тюшни корьдим, о вакъыт къатты юкъу адамларны сарды.

Энъ яхшы йыр 5:2

– Мен юкълай эдим, амма юрегим уяныкъ эди. Мына, севгилимнинъ сеси, къапуны къакъып деди: «Къызкъардашым, ярем, гогерджиним, темиз-пакым, ач манъа! Башым сылакъ олды чыкътан, къувурчыкъларым гедженинъ дымындан».

Даниял 10:16

Амма адам огълуна ошагъан бири дудакъларыма тийди, ве мен агъзымны ачып, лаф этип башладым. Къаршымда тургъангъа: – Эфендим! Мен корьген шей мени пек эеджанландырды, ве мен такъаттан кесильдим.

Даниял 8:18

О меннен лаф эткенде, мен эсимни джойып, бетимнен ерге ята эдим. Лякин о манъа токъунып, мени аякъкъа турсатты

Хавакъкъукъ 3:16

Сени эшитип, юрегим титреди, дудагъым къалтырап, кемиклерим агъырды. Аягъым тюбюнде ер саллангъандай олды. Амма меним халкъыма уджюм эткен душманнынъ башына тюшеджек беля кунюни сабырнен беклейджегим.

Лука 22:45

Дува окъугъан сонъ турып, Иса шегиртлерининъ янына кельди. Оларны къайгъыдан юкълап къалгъан алда корьди.

Лука 9:32

Пётр ве онынъ янындакилери терен юкъуда эдилер. Уянгъанда, Исанынъ Шуретини ве Онынъ янында тургъан эки адамны корьдилер.

Сырларнынъ ачылувы 1:17

Оны корьгенимнен, аякълары астына олю киби йыкъылдым. О, онъ къолуны устюме къойып, бойле деди: – Къоркъма! Мен Биринджи ве Сонъкидирим.