Башланув 7:11 - Мукъаддес Китап

¹¹ Нух 600 яшыны толдургъан йылында, экинджи айнынъ 17-нджи кунюне ер ярылды да, буюк теренликтен сув урып ташты, кок къапулары да ачылды,

Башланув 7:11 Iomraidhean Croise

Башланув 1:7

Алла къуббени яратты ве къуббе тюбюндеки сувларны къуббе устюндеки сувлардан айырды. Ойле де олды.

Башланув 6:17

Мен ер юзюни сувгъа гъаркъ этерим ве онынъ устюндеки эр бир ичинде аз-бучукъ руху олгъан джанларны ёкъ этерим. Ер юзюнде яшагъан эр бир тири джан гъайып оладжакътыр.

Башланув 7:6

Сув ташкъыны ер юзюне кельгенде, Нух 600 яшында эди.

Башланув 8:14

Экинджи айнынъ 27-нджи кунюне ер устю бутюнлей къуруды.

Башланув 8:2

Буюк теренликнен кок къапулары къапалып, коктен ягъмур ягъмагъа токътады.

4 Падишалар 7:19

Везир исе Алланынъ адамына джевап берип: «Эгер РАББИ коклернинъ бутюн къапуларыны ачса биле, ойле шей ола билирми?» – деди. Эль-Яса исе: «Озь козюнънен кореджексинъ, амма бир шей ашап оламайджакъсынъ», – деди.

4 Падишалар 7:2

Падиша везирнинъ къолуна таянып тургъанда, везир Алланынъ адамына джевапланып: – РАББИ бутюн кок къапуларыны ачса биле, ойле шей ола билирми? – деп сорады. Эль-Яса исе: – Сен буны озь козьлеринънен кореджексинъ, амма бир шей ашап оламайджакъсынъ, – деди.

Эюп акъкъында китап 12:15

Сувларны токътатса, эр шей къурур, оларны йиберсе, олар ер юзюнден эр шейни ёкъ этер.

Эюп акъкъында китап 28:4

Адам олмагъан ерлерде, адам аягъы басмагъан ерде маден къуюсыны къазар, эр кестен узакъта йиплерге сарылып салланыр.

Эюп акъкъында китап 38:16

Денъизнинъ чокъракъларына далдынъмы? Теренликнинъ тюбюнде юрдинъми?

Эюп акъкъында китап 38:37

Булутларны саймагъа кимнинъ акъылы етер? Кок савутларыны авдарып,

Зебур 33:7

Бу фукъаре чагъыргъанда, РАББИ эшитти, бутюн белялардан оны къуртарды.

Икметли сёзлер 3:20

Онынъ бильгиси теренликлер яра ве булутлардан чыкъ тюшюре.

Ешая 24:18

О вакъыт кок къапулары ачыладжакъ; ер юзюнинъ темеллери сарсыладжакъ. Дешет къычырувындан къачкъанлар чукъургъа тюшеджек; чукъурдан чыкъкъанлар къапкъангъа тюшеджек.

Ешая 24:19

Ер юзю чатлап ярыла, саллана-саллана сарсыла, шалтырай-шалтырай къакъына.

Йирмея 5:22

Менден къоркъмакъ керексинъиз, Меним огюме къалтырамакъ меджбурсынъыз. Денъизге эбедий сынъыр оларакъ, къумны къойдым, денъиз сынъырыны кечалмаз. Далгъалары огге ынтылсалар да, кечип оламаз, гудюрдеселер де, сынъырдан чыкъып оламаз.

Йирмея 51:16

О гудюрдесе, коктеки сувлар шувулдар, ер юзюнинъ кенарындан О, булутларны кетирир, ягъмур арасында яшын яратыр, анбарларындан ель уфюртир.

Ехезкель 26:19

РАББИ-ТААЛЯ шойле дей: Мен сени бакъымсыз шеэрге, кимсе яшамагъан шеэрге чевиреджегим, тюпсюз денъизни устюнъе авдараджагъым, сени буюк денъиз далгъалары къаплайджакъ.

Малакий 3:10

Эвимде аш олсун деп, эпинъиз онда бир пайларынъызны анбар ханелерине кетиринъиз. Мени, ич олмагъанда, бунен сынанъыз, – дей Ордуларнынъ РАББИси. – Кореджексинъиз ки, коклернинъ къапуларыны сизге ачаджагъым, устьлеринъизге толып-ташкъан берекет ягъдыраджагъым.

Матта 24:38

Сув ташкъыны кельмезден эвель олгъан куньлерде, Нух сандыкъкъа кирмегендже, адамлар ашап-иче, эвлене ве акъайгъа чыкъа эдилер.

1 Тессалоникелилерге 5:3

Адамлар: «Тынчлыкъ-аманлыкъ ве хавфсызлыкъ», – деп юргенде, о вакъыт олюм оларгъа апансыздан, догъаджакъ къадынгъа агъры киби, келеджек, ве олар ондан къачып кетмейджеклер.

2 Пётр 3:6

Сонъ сув ташкъыны о вакъыттаки дюньяны ёкъ этти.