Башланув 6:22 - Мукъаддес Китап

²² Алла насыл эмир эткен олса, Нух ойле де япты.

Башланув 6:22 Iomraidhean Croise

Башланув 17:23

Ибраим огълу Исмаилни, эписи эвинде догъгъан ве эписи онынъ кумюшине сатын алынгъан адамларны, озь эвиндеки бутюн кишилерни алды ве, Алла айткъаны дайын, тамам о куню тери парчасыны кесип, оларны сюннет эттирди.

Башланув 7:16

эр бир союндан эркек-ыргъачы, Алла Нухкъа эмир эткени дайын, онынъ сандыгъына кирдилер. Сонъ РАББИ Нухнынъ артындан къапуны япты.

Башланув 7:5

Нух РАББИнинъ бутюн эмир эткенлерини япты.

Чыкъыш 40:16

Муса, РАББИ онъа насыл эмир эткен олса, эписини ойле де япты.

Чыкъыш 40:19

Сонъ Мескеннинъ устюнден орьтюни джайратты, орьтюлернинъ устюни, РАББИ эмир эткени киби, даа бир орьтюнен къапатты.

Чыкъыш 40:21

Сандыкъны Мескен ичине кирсетип ве оны къапаткъан пердени асып, РАББИ онъа эмир эткени киби, Шаатлыкъ Сандыгъыны къапатты.

Чыкъыш 40:23

Столнынъ устюне, РАББИ онъа эмир эткени киби, Муса РАББИнинъ огюнде сыранен пителерни къойды.

Чыкъыш 40:25

РАББИ эмир эткени киби, РАББИнинъ огюнде лампатларны къойды.

Чыкъыш 40:27

РАББИ онъа эмир эткени киби, ернинъ устюнде мис къокъулы отларны якъты.

Чыкъыш 40:32

РАББИ Мусагъа эмир эткени киби, Корюшюв Чадырына киргенде, къурбан ерине якъынлашкъанда, даима абдест ала эдилер.

Чыкъыш 7:6

Муса ве Харун, РАББИ насыл айткъан олса, ойле де яптылар.

Матта 2:21

Шу ань Юсуф турды, Баланы ве Онынъ анасыны алып, Исраильге кельди.

Юхан 15:14

Эгер сиз буюргъанларымны беджерсенъиз, сиз Меним достларымсыз.

Юхан 2:5

О вакъыт анасы хызметчилерге: – О, сизге не айтса, оны япынъыз, – деди.

Къануннынъ текрары 12:32

Мен сизге бутюн эмир эткенимни тутып япынъыз. Онъа бир шейни къошманъыз, бир шейини де эксильтменъиз.