Башланув 49:3 - Мукъаддес Китап

³ Рубен! Сен меним биринджи догъгъан огълум, меним такъатымсынъ, акъайлыгъымнынъ ильк козьайдыны, дегер ве къудретнинъ юкъары нокътасысынъ.

Башланув 49:3 Iomraidhean Croise

Башланув 29:32

Леа юклю олып, огълан бала тапты ве: «РАББИ меним кедеримни корьди. Энди акъайым мени север», – деп, баланынъ адыны Рубен къойды.

Башланув 35:22

Исраиль о топракъта олгъанда, Рубен бабасынынъ джариеси Билханен ятты, ве бабасы бу акъкъында эшитти. Якъупнынъ он эки огълу бар эди.

Башланув 35:23

Леанынъ огъуллары: Якъупнынъ биринджи огълу Рубен, ондан сонъ Шимеон, Левий, Ехуда, Йиссакъар ве Зевулун.

Башланув 46:8

Мысыргъа кельген Исраиль огъулларынынъ адлары будыр: Якъуп ве онынъ огъуллары. Якъупнынъ биринджи огълу Рубен.

Башланув 48:18

– Ойле дегиль, бабам, – деди Юсуф. – Мына бу биринджи догъгъан огълум, онъ къолунъны онынъ башына къой.

1 Тарих вакъиалары 2:1

Исраильнинъ огъуллары шулар эди: Рубен, Шимеон, Левий, Ехуда, Йиссакъар, Зевулун,

1 Тарих вакъиалары 5:1

Исраильнинъ биринджи огълу Рубеннинъ огъуллары. О биринджи догъгъандыр, лякин бабасынынъ ятагъыны арамлагъаны ичюн, онынъ биринджилиги Исраиль огълу Юсуфнынъ огъулларына кечти. Шунынъ ичюн несиллернинъ джедвелинде Рубен биринджи огъул оларакъ язылмагъандыр.

1 Тарих вакъиалары 5:3

Исраильнинъ биринджиси олгъан Рубеннинъ огъуллары: Ханокъ, Паллу, Хецрон ве Къармий.

Зебур 105:36

оларнынъ путларына табындылар, путлар исе тузакъ олды оларгъа.

Ехезкель 48:6

Эфраимнинъ пайынен сынъырлангъан, шаркътан гъарпкъадже узангъан топракъ Рубеннинъ пайы оладжакъ.

Сайылар 1:20

Исраильнинъ биринджи огълу Рубеннинъ огъуллары – несиллерине, сойларына ве къоранталарына коре, бирер-бирер язылгъан адамларнынъ адларына коре, йигирми ве йигирми яшындан буюк олгъанлар, дженкке ярагъан акъайларнынъ эписи, –

Сайылар 26:5

Исраильнинъ биринджи догъгъаны Рубен. Рубеннинъ огъуллары: Ханокътан – ханокълыларнынъ сою, Паллудан – паллулыларнынъ сою,

Къануннынъ текрары 21:17

Лякин севмеген апайынынъ огълунынъ биринджилигини тасдыкълап, бутюн мулькюнден пайны эки къат чокъ бермек керек, чюнки шу огълу – акъай кучюнинъ биринджи догъгъан баласыдыр, биринджи догъгъан акъкъы онынъкидир.

Къануннынъ текрары 27:13

Къаргъыш айтмакъ ичюн, Эвал дагъында бу къабилелер турсунлар: Рубен, Гъад, Ашер, Зевулун, Дан ве Нафталий.

Къануннынъ текрары 33:6

Яшасын Рубен ве ольмесин, лякин акъайлары аз сайылы олсун.

Сырларнынъ ачылувы 3:14

Лаодикеядаки иманлылар джемиетининъ мелегине яз: «Алланынъ истегини беджерген, ишанчлы ве акъикъий Шаат, Алла яраткъан эр бир шейнинъ Башлыгъы бойле дей: