Башланув 48:9 - Мукъаддес Китап

⁹ – Бу – Алла манъа мында берген огъулларымдыр, – деди Юсуф бабасына. – Оларны яныма алып кель, – деди Якъуп. – Мен оларны багъышлайым.

Башланув 48:9 Iomraidhean Croise

Башланув 27:4

Мен севген леззетли ашны азырла ве манъа кетир. Сонъ мен ашарым, ве ольмезден эвель джаным сени багъышлар.

Башланув 30:2

Якъуп Рахельге ачувланып, онъа: – Мен санъа бала бермеген Алла дегилим! – деди.

Башланув 33:5

Апайларнен балаларыны корип, Исав: – Булар санъа ким олалар? – деди. – Бу – Алла манъа, сенинъ къулунъа багъышлагъан балалардыр, – деди Якъуп.

Башланув 49:28

Будыр – исраиллилернинъ он эки къабилеси ве бабаларынынъ оларгъа айткъан шейлери. Оларнынъ бабасы Исраиль оларны багъышлады, эр бирини айры багъышлады.

1 Тарих вакъиалары 25:5

Булар эписи падишанынъ хызметчисининъ, гизли шейлерни бильген Хеманнынъ огъуллары эди. Олар, Алланынъ вадесине коре, онъа берильген эди ве РАББИни шерефлемек керек эдилер. РАББИ Хемангъа он дёрт огълан ве учь къыз берди.

Зебур 127:3

Мейва берген юзюм киби апайынъ эвинъдедир, зейтюн пытакълары киби огъулларынъ софранъ этрафындадыр.

Ешая 8:18

Мына, мен ве РАББИ манъа берген балалардыр. Биз – Сион дагъында яшагъан Ордулар РАББИсинден Исраильге берильген аляметлер ве бельгилермиз.

Къануннынъ текрары 33:1

Ольмезден эвель, Алланынъ адамы Муса Исраиль огъулларына багъышлавлар тилеп,

Еудийлерге 11:21

Якъуп исе олеяткъанда, озь таягъына таянып, Аллагъа ибадет этти ве иман этип, Юсуфнынъ эр бир огълуна яхшылыкъ тиледи.

1 Падишалар 1:20

Бираз вакъыттан сонъ Ханна юклю олды ве огълан тапты. «Мен оны РАББИден ялварып алдым», – деп, онынъ адыны Смаил къойды.

1 Падишалар 1:27

Мына шу сабийни сорап дува эткен эдим, ве РАББИ сорагъанымны берди.