Башланув 46:32 - Мукъаддес Китап

³² Олар къой-эчкилернен туварларны ве оларда олгъан бутюн барлыкъ-вариетни алып кельдилер», – деди.

Башланув 46:32 Iomraidhean Croise

Башланув 31:18

бутюн айванларыны ве бутюн ишлеп тапкъан барлыгъыны, озюнинъ Паддан-Арамда ишлеп тапкъан айванларыны алды ве бабасы Исхакънынъ топрагъы Ханаангъа ёл алды.

Башланув 37:2

Мына, Якъуп ве онынъ эвлятлары акъкъында ривает. Юсуф он еди яшында эди. О, яш бир бала олып, озюнинъ агъаларынен ве бабасынынъ апайлары Зилпа ве Билханынъ огъулларынен берабер айван бакъып юре эди. Оларнынъ япкъанлары акъкъында бабаларына етиштире эди.

Башланув 4:2

Сонъ онынъ къардашыны Хабильни догъды. Хабиль къой-эчки бакъа эди, Хаин исе топракъны ишлей эди.

Башланув 45:10

Гошен топрагъында яшайджакъсынъ. Эм сен, эм огъулларынъ, эм торунларынъ, эм айванларынъ, эм туварларынъ, эм бутюн сенинъ мал-мулькюнъ янымда оладжакълар.

Башланув 46:31

Юсуф агъа-къардашларына ве бутюн бабасынынъ эвине: – Мен барып, фыравунгъа бу хаберни айтайым: «Манъа Ханаан топрагъындан агъа-къардашларым ве бабамнынъ къорантасы кельдилер. Олар къой-эчки бакъып, чобанлыкъ этелер.

Башланув 46:33

– Эгер фыравун сизлерни чагъырып, ненен огърашкъанынъызны сораса,

Башланув 46:34

сизлер: «Биз сенинъ къулларынъ, яшлыгъымыздан айванасравджылыкънен огърашамыз, эм биз, эм бабаларымыз», – деп айтынъыз. О заман сизни Гошен топрагъында ерлештирирлер. Эр къой чобаны мысырлылар ичюн арамдыр.

Башланув 47:3

Фыравун агъаларындан ненен огърашкъанларыны сорады, ве олар онъа: – Къулларынъ – къой-эчки чобанларыдыр, эм биз, эм бабаларымыз, – дедилер.

Башланув 9:20

Нух топракъны ишлемеге башлады ве юзюм багъыны сачты.

3 Падишалар 9:27

Хирам денъизни бильген хызметчилерини гемиде ёллады, Сулейманнынъ хызметчилеринен берабер йиберди.

Чыкъыш 3:1

Муса мидьянлы руханий олгъан къайнатасы Йитронынъ къой-эчкилерини бакъа эди. Куньлерден бири о, сюрюни сахранынъ узакъ ерине айдады ве Хорев деген Алланынъ дагъына кельди.

Ешая 40:11

Чобан айванларны бакъкъаны киби, о, адамларны бакъаджакъ: къозуларны къолунен топлайджакъ, оларны багърына басаджакъ, ана-къойларны зорламайып алып кетеджек.

Зекерья 13:5

О: «Мен пейгъамбер дегилим. Мен топракъта чалышам. Балалыгъымдан берли мени къуллукъкъа саттылар», – дейджек.

1 Падишалар 16:11

Сонъра о: – Эписи огъулларынъ мындамы? – деп Йишайдан сорады. – Даа кичиги бар. О, къой-эчкилерни бакъа, – деди Йишай. – Бир адамны ёлла да, оны кетирт. О, мында кельмегендже, уйле ашына отурмамыз, – деди Йишайгъа Смаил.

1 Падишалар 17:15

Давут исе де Шаулда эди, де Вифлеемге къайтып, бабасынынъ къойларыны бакъа эди.