Башланув 37:14 - Мукъаддес Китап

¹⁴ – Агъаларынъ сагъ-селяметлерми, айванлар да яхшылармы, барып бакъса. Джевабыны манъа келип айт, – деди онъа бабасы ве оны Хеврон вадийинден ёллады. Юсуф Шекемге кельди.

Башланув 37:14 Iomraidhean Croise

Башланув 13:18

Ибрам тургъан еринден кочьти ве Хевронда олгъан Мамре деген эмен орманы янына барып ерлешти. Анда РАББИге къурбан ерини къурды.

Башланув 23:19

Бундан сонъ Ибраим озь апайы Сарени Ханаан топрагъында, Мамре – я да Хеврон – къаршысында, Макъпеладаки тарланынъ къобасында дефн этти.

Башланув 23:2

Саре Кирьят-Арбада, я да Хевронда, Ханаан топрагъында кечинди. Ибраим барып, Саре артындан окюр-окюр яныкълап агълады.

Башланув 29:6

– Сагъ-селяметми о? – деди Якъуп. – Сагъ-селямет, – дедилер олар. – Мына онынъ къызы Рахель къой-эчкилерни айдап келе.

Башланув 35:27

Якъуп Мамреде, Кирьят-Арбада, яни Хевронда яшагъан бабасы Исхакъкъа кельди. Мында бир заманда Ибраим ве Исхакъ вакътынджа яшай эдилер.

Башланув 37:15

Бир адам онынъ тарлада ёлны шашырып юргенини корьди. Бу адам: – Сен нени къыдырасынъ? – деп сорады.

Башланув 41:16

Юсуф фыравунгъа: – Мен дегиль, фыравуннынъ эйилигине Алла джевапны берер, – деди.

Башланув 43:27

Юсуф олардан ал-хатир сорап: – Сиз айткъан къарт бабанъыз сагъ-селяметми? О даа сагъмы? – деди.

2 Падишалар 11:7

Урия онъа кельген сонъ, Давут ондан Ёавнынъ ишлери насыл олгъаныны, халкънынъ вазиети ве дженкнинъ кетишаты акъкъында сорады.

2 Падишалар 18:32

Падиша хушлудан: – Йигит Авишалом сагъмы? – деп сорады. Хушлу: – Эфендим падишанынъ бутюн душманларынынъ такъдири, санъа къаршы чыкъкъанларнынъ такъдири бу яшнынъ такъдири киби олсун! – деди.

3 Падишалар 2:33

Оларнынъ къанлары Ёавнынъ ве эвлятларынынъ башына омюрбилля олсун! Давут ве эвлятларына, онынъ эвине ве падишалыгъына исе РАББИ омюрбилля селямет берсин! – деди.

Эстер 2:11

Мордекъай Эстернинъ сагълыгъыны ве алыны бильмек ичюн, эр кунь апайлар эвининъ азбарына келе эди.

Зебур 125:5

Козь яшларыны тёкип сачкъан адамлар къуванчнен къычырып берекет джыяр.

Йирмея 29:7

Мен сизлерни яшамакъ ичюн ерлештирген шеэрни бакъынъыз, онынъ ичюн РАББИге дува этинъиз. Шеэр аманлыкъта олса, сизлерде де тынчлыкъ-аманлыкъ олур.

Сайылар 13:22

Адамлар ёлгъа чыкъты ве, Цин сахрасындан башлап, Хамат янындаки Реховгъадже топракъны огренип чыкътылар.

Лука 19:42

– Сен ич олмадым, шу кунюнъде барышыкъ ичюн нелер керек олгъаныны бильсе эдинъ! Амма шимди бу шей козьлеринъден сакълангъандыр.

Нун огълу Ехошуа 14:13

Ехошуа Ефунненинъ огълу Къалевге яхшылыкъ тиледи ве Хеврон шеэрини онъа топракъ пайы оларакъ берди.

Нун огълу Ехошуа 14:14

Бойледже, Хеврон шеэри бу куньге къадар кенизли Ефунненинъ огълу Къалевнинъ топракъ пайы олып къалды, чюнки о, Исраильнинъ Алласы олгъан РАББИге сонъунадже джан-юректен хызмет этти.

Нун огълу Ехошуа 14:15

Хевроннынъ ады эвель Кирьят-Арба эди. О, анакълыларнынъ арасында энъ буюк адамнынъ адынен адлангъан эди. Сонъ топракъ дженктен раатланды.

Къадылар 1:10

Сонъ Хевронда яшагъан ханаанлыларгъа къаршы чыкътылар. Хевроннынъ эвельки ады Кирьят-Арба эди. Анда олар Шешай, Ахиман ве Талмайны енъди.

1 Падишалар 17:22

Давут озь юкюни орду емегини къаравуллагъан адамгъа къалдырып, дженк сыраларына чапты.