Башланув 37:13 - Мукъаддес Китап

¹³ Исраиль Юсуфкъа: – Агъаларынъ Шекем янында айванларны бакъалар. Айды, мен сени оларгъа ёллайым, – деди. – Мен азырым, – деп джевап берди бабасына Юсуф.

Башланув 37:13 Iomraidhean Croise

Башланув 22:1

Бу вакъиалардан сонъ, бир кунь Алла Ибраимни сынады. – Ибраим! – деди Алла. – Мен мындам, – деди о.

Башланув 22:11

Лякин РАББИнинъ Мелеги коктен оны: – Ибраим, Ибраим! – деп чагъырды. – Мен мындам, – деди Ибраим.

Башланув 27:1

Исхакъ къартайгъанда, козьлери ярамай корип башлагъанда, о, озюнинъ буюк огълу Исавны чагъырды. – Огълум! – деди онъа Исхакъ. – Мен мындам, – деди онъа огълу.

Башланув 27:18

Якъуп бабасына кирип: – Бабам! – деди. – Мен мындам, – деди бабасы. – Огълум, сен кимсинъ?

Башланув 33:18

Якъуп Паддан-Арамдан къайтып, Ханаан топрагъында олгъан Шекем шеэрине эсен-аман келип чыкъты ве шеэрнинъ янында ерлешти.

Башланув 37:12

Бир кунь Юсуфнынъ агъалары бабаларынынъ айванларыны Шекем шеэрининъ дживарларында бакъмагъа кеттилер.

Матта 10:16

‌Мына, Мен сизлерни къашкъыр сюрюсине къойлар киби ёллайым. Сиз йыланлар киби акъыллы ве гогерджинлер киби саде олунъ.

Лука 20:13

О вакъыт юзюм багъынынъ саиби: «Не япайым экен? Севимли огълумны ёллайым. Бельки ондан утанырлар», – дей.

1 Падишалар 3:16

Лякин Элий Смаилни чагъырды ве: – Огълум, Смаил, – деди. Смаил: – Мен мындам, – деп джевап берди.

1 Падишалар 3:8

РАББИ Смаилни учюнджи кере чагъырды. Смаил турып, Элийге кельди ве: – Мен мындам! Сен мени чагъырдынъ! – деди. Сонъ Элий, генчни РАББИ чагъыргъаныны анълады