Башланув 31:55 - Мукъаддес Китап

⁵⁵ Саба эрте Лаван турды ве къызларынен торунларыны опип, оларгъа эйилик тиледи ве озь эвине къайтты.

Башланув 31:55 Iomraidhean Croise

Башланув 18:33

Ибраимнен лафыны битирген сонъ, РАББИ кетти. Ибраим исе озюнинъ ерине къайтты.

Башланув 24:60

Рефикъагъа эляллыкъ берип, онъа бойле дедилер: – Къызкъардашымыз! Сенден бинълер, онар бинълер эвлят олсун! Эвлятларынъ душманларыны енъсин ве бойсундырсынлар!

Башланув 28:1

Исхакъ Якъупны чагъырып, оны багъышлады ве бойле огют берди: – Ханаан къызларындан озюнъе апай алма.

Башланув 30:25

Рахель Юсуфны догъгъан сонъ, Якъуп Лавангъа бойле деди: – Манъа озь ериме, озь топрагъыма кетмеге разылыкъ бер; мен къайтайым.

Башланув 31:28

Сен манъа торунларымнен къызларымны опьмеге биле бермединъ. Сен ахмакълыкъ яптынъ.

Башланув 31:43

Лаван Якъупкъа бойле джевабыны берди: – Къызлар – меним къызларым, балалар – меним балаларым, къой-эчкилер де – меним къой-эчкилеримдир. Мында сен корьген эр бир шей – менимкидир. Амма озь къызларым я да олар догъгъан балалар ичюн мен шимди не япа билем?

Башланув 33:4

Исав Якъупнынъ къаршысына чапты, оны къучакълады, бойнуна сарылды ве оны опьти. Олар экиси агъладылар.

2 Падишалар 19:39

Сонъра бутюн халкъ падишанен бирликте Иордан озенини кечти. Падиша Барзиллайны опип, онъа яхшылыкъ тиледи, ве о, озь ерине къайтып кетти.

Зебур 76:10

Алла мерамет эйлемекни унуткъанмы, шефкъатыны гъазап къапладымы?» Сэла

Икметли сёзлер 16:7

Адам туткъан ёлундан РАББИ разы олса, душманларыны биле онен барыштыра.

Сайылар 23:11

Балакъ Беламгъа: – Манъа япкъанынъ недир? Мен сени душманларымны къаргъамакъ ичюн кетирдим, сен исе оларгъа яхшылыкъ тилейсинъ! – деди.

Сайылар 23:5

РАББИ Беламгъа не айтаджагъыны бильдирип: «Балакъкъа къайтып, буны айт», – деди.

Сайылар 23:8

Эгер Алла оларны къаргъамаса, мен оларны насыл къаргъайым? Эгер РАББИ оларгъа яманлыкъ тилемесе, мен насыл этип тилейим?

Сайылар 24:25

Бундан сонъ Белам турып, эвине къайтты, Балакъ да озь ёлунен кетти.

Къануннынъ текрары 23:5

Лякин Алланъ олгъан РАББИ Беламны динълемеге истемеген. Алланъ олгъан РАББИ сени севгени ичюн, къаргъышны бахыткъа чевирген.

Къануннынъ текрары 32:36

Лякин РАББИ Озь халкъыны акълайджакъ. Къолларында такъат къалмайджакъ вакътында, не къул, не азат къалмайджагъыны корьгенде, Озь къулларына мерамет этеджек.

Рут акъкъында китап 1:14

Олар кене къычырып агълап башлады. Сонъ Орпа къайнанасыны опип, онен сагълыкълашты, Рут исе онъа япышты.