Башланув 3:14 - Мукъаддес Китап

¹⁴ РАББИ-Тааля йылангъа: – Япкъан ишинъ ичюн сен лянет оладжакъсынъ, дюньядаки бутюн эв ве кийик айванлардан ред этиледжексинъ! Къурсакъ устюнде сюйрекленеджексинъ ве омюр-билля тоз ашайджакъсынъ.

Башланув 3:14 Iomraidhean Croise

Башланув 3:1

РАББИ-Тааля яраткъан бутюн тарла айванларындан энъ айнеджи йылан эди. Йылан апайдан: – Бу багъчанынъ бир тюрлю махсулыны ашамагъа Алла сизге разылыкъ бермегени догърумы? – деп сорады.

Башланув 4:11

Энди сен лянетсинъ, къолунъдан тёкюльген къардашынънынъ къаныны къабул эткен топракътан ред этильгенсинъ.

Башланув 9:6

Адам Алланынъ къыяфетине коре яратылгъаны ичюн, эгер бирев адамнынъ къаныны тёксе, онынъ къаныны да адам тёксюн.

Зебур 72:9

Агъызлары кокке къаршы котерилелер, сёзлеринен олар ерни толдуралар.

Ешая 29:4

Ашаланаджакъсынъ, ер тюбюнден лаф этеджексинъ, тоз-топракъ ичинде ятып сесленеджексинъ, сесинъ – олюнинъ сеси киби оладжакъ, тоз-топракъ тюбюнден фысылдайджакъ.

Ешая 65:25

Къашкъырнен къозу берабер отлайджакъ, арслан, бугъа киби, тобан ашайджакъ, йылан ашайджагъы исе топракъ оладжакъ. Азиз дагъымнынъ ич бир еринде кимсе яманлыкъ этмейджек, зарар кетирмейджек, – дей РАББИ.

Левийлилер 20:25

Элял айванларны арам айванлардан айырынъыз, эм элял къушларны арам къушлардан айырынъыз. Мен арам деп айыргъан айванларнен, къушларнен ве топракъта чокълашкъан махлюкъларнен озьлеринъизни арамламанъыз.

Микъа 7:17

Олар, йыланлар киби, ерде сюйрекленген махлюкълар киби, ер тозуны ялайджакъ. Олар озь пекинген ерлеринден чыкъаджакъ, Алламыз РАББИден къоркъаджакълар. Сенинъ алдынъда олар титрейджек.