Башланув 28:7 - Мукъаддес Китап

⁷ ве Якъуп ана-бабасынынъ айткъанларыны динълеп, Паддан-Арамгъа кетти.

Башланув 28:7 Iomraidhean Croise

Башланув 25:20

Исхакъ къыркъ яшында олгъанда, о, Паддан-Арамдан олгъан арамлы Бетуэлнинъ къызы Рефикъагъа эвленди. Рефикъа, арамлы Лаваннынъ къызкъардашы эди.

Башланув 27:43

Огълум, айткъанларымны динъле: Харангъа, меним агъам Лавангъа къач.

Башланув 28:6

Исав хабер алды ки, Исхакъ Якъупны багъышлады, Якъупны багъышлап, апай алмакъ ичюн Паддан-Арамгъа ёллады, «Ханаан къызларындан апай алма», – деген огют берди,

Башланув 28:8

О вакъыт Исав Ханаан къызлары бабасы Исхакънынъ юрегине ятмагъанларыны анълады.

Чыкъыш 20:12

РАББИ-Таалянъ санъа берген ер юзюнде яшагъан куньлеринъ узун олсун деп, бабанъны ве ананъны урьмет эт.

Икметли сёзлер 1:8

Динъле, огълум, бабанънынъ огютини ве ананънынъ эмирини ташлама.

Икметли сёзлер 30:17

Бабасыны мыскъыллагъан ве анасынынъ сёзюни динълемеген адамнынъ козюни вадийдеки къаргъалар чокъуп чыкъараджакъ, о, къартал балаларына аш олур.

Левийлилер 19:3

Эр кес ана-бабасына сайгъы бильдирсин. Раатлыкъ куньлеримни тутунъыз. Мен – РАББИм, сизинъ Алланъыз.

Эфеслилерге 6:1

Балалар, Раббиге инанып, ана-бабанъызны динъленъиз. Бу, догърудыр.

Эфеслилерге 6:3

Сонъ сенинъ ишлеринъ онъундан келеджек, ве ер юзюндеки омрюнъ узун оладжакъ.

Колоссайлыларгъа 3:20

Балалар, ана-бабаларынъызнынъ сёзюни эр шейде динъленъиз. Рабби буны бегене.