Башланув 25:31 - Мукъаддес Китап

³¹ Якъуп Исавгъа: – Сен манъа биринджи догъгъан акъкъынъны сат, – деди.

Башланув 25:31 Iomraidhean Croise

Башланув 25:30

Исав Якъупкъа: – Манъа анавы къырмызыдан ашамагъа берчи, – деди. – Мен болдурдым. (Бунынъ ичюн онъа Эдом деген лагъап бердилер.)

Башланув 25:32

– Мен ачтан олерим, – деди Исав. – Биринджи догъгъанымнынъ акъкъындан манъа не файда?

Башланув 27:36

– Тевеккель онынъ адыны Якъуп деп къоймадылар, – деди Исав. – О энди эки кере мени алдатты. Башта биринджи догъгъан акъкъымны алды, шимди исе багъышлавымны алды! Ве даа къошты: – Аджеба, сен манъа багъышлав къалдырмадынъмы?

Башланув 32:28

О вакъыт О, Якъупкъа: – Бугуньден сонъ сенинъ адынъ Якъуп дегиль де, Исраиль оладжакъ. Сен Алланен ве адамларнен курештинъ ве енъдинъ, – деди.

1 Тарих вакъиалары 5:1

Исраильнинъ биринджи огълу Рубеннинъ огъуллары. О биринджи догъгъандыр, лякин бабасынынъ ятагъыны арамлагъаны ичюн, онынъ биринджилиги Исраиль огълу Юсуфнынъ огъулларына кечти. Шунынъ ичюн несиллернинъ джедвелинде Рубен биринджи огъул оларакъ язылмагъандыр.

1 Тарих вакъиалары 5:2

Ехуда къардашлары арасында энъ кучьлюси эди, ве онынъ союндан ёлбашчы чыкъты, амма биринджилик имтиязлары Юсуфкъа кечти.

Къануннынъ текрары 21:16

акъай мал-мулькюни пай эткен кунюнде севмеген апайынынъ биринджи догъгъан огълундан биринджилигини алып, севген апайынынъ огълуна бермеге олмаз.

Къануннынъ текрары 21:17

Лякин севмеген апайынынъ огълунынъ биринджилигини тасдыкълап, бутюн мулькюнден пайны эки къат чокъ бермек керек, чюнки шу огълу – акъай кучюнинъ биринджи догъгъан баласыдыр, биринджи догъгъан акъкъы онынъкидир.

Еудийлерге 12:16

Аранъызда ич бир ороспу я да Исавгъа ошагъан имансыз адам олмасын. Исав бир чанакъ аш ичюн биринджи огъул акъкъыны сатты,