Башланув 21:25 - Мукъаддес Китап

²⁵ Сонъ Ибраим Авимелекни опькеледи, чюнки онынъ хызметчилери Ибраимден сувгъа толу къуюны тутып алгъан эдилер.

Башланув 21:25 Iomraidhean Croise

Башланув 13:7

Ибрам ве Лутнынъ чобанлары арасында давалар башланды. О заман бу ерде ханаанлылар ве перизлилер яшай эдилер.

Башланув 21:24

– Емин этем, – деди Ибраим.

Башланув 21:26

– Буны ким япкъаныны бильмейим, – деди Авимелек. – Сен де манъа бир шей айтмадынъ. Бу иш акъкъында мен шимдигедже эшитмедим.

Башланув 29:8

Лякин олар: – Сув берип оламаймыз. Эписи сюрюлер топлангъан сонъ, адамлар ташны къуюнынъ агъзындан четке юварлатырлар да, биз къой-эчкилеримизге сув берермиз, – дедилер.

Икметли сёзлер 17:10

Анълагъан адамны опькелемек, акъылсызгъа юз таякъ урмакътан яхшыдыр.

Икметли сёзлер 25:9

Башкъа адамнен даванъны юзьме-юзь чез ве башкъасынынъ сырларыны ачма.

Икметли сёзлер 27:5

Ачыкъ бир опьке сакълы севгиден яхшыдыр.

Матта 18:15

‌Эгер сенинъ дин къардашынъ санъа къаршы гуна япса, онынъ алдына барып, тек юзь-юзьге лаф этип, къабаатыны онъа косьтер. О сени динълесе, сен агъанъны озюнъе къайтардынъ.

Къадылар 1:15

Акъса онъа: – Манъа бир бахшыш бер. Сен манъа Негевде топракъ бердинъ, энди сув чокъракъларыны да бер, – деди. Бабасы онъа юкъары ве ашагъы сув чокъракъларыны да берди.