Башланув 20:6 - Мукъаддес Китап

⁶ Алла онынъ тюшюнде бойле деди: – Сен буны темиз юрекнен япкъанынъны Мен билем. Онынъ ичюн, Меним огюмде гуна япма деп, санъа о апайгъа токъунмагъа ёл бермедим.

Башланув 20:6 Iomraidhean Croise

Башланув 20:18

Эвель исе Ибраимнинъ апайы олгъан Саре ичюн, РАББИ Авимелекнинъ эвинде олгъан эписи апайларгъа бала догъмагъа къысмет этмей эди.

Башланув 26:11

Сонъ Авимелек бутюн халкъкъа эмир берди: – Бу адамгъа я да онынъ апайына токъунгъан эр ким ольдюриледжектир.

Башланув 3:3

– Амма Алла бизге: «Ольмемек ичюн, ялынъыз багъчанынъ ортасында тургъан теректеки махсулларны ашаманъыз, оларгъа токъунманъыз», – деди.

Башланув 31:24

Лякин о геджеси Алла арамлы Лавангъа тюшюнде келип, онъа: – Бакъ, мукъайт ол, Якъупкъа къаршы бир къыйыш лаф айтма! – деди.

Башланув 31:7

О, исе мени алдатып, он кере къадар мукяфатымны денъиштирди. Амма Алла онъа манъа яманлыкъ япмагъа ёл бермеди.

Башланув 35:5

Сонъ олар ёлгъа чыкътылар. Этрафтаки шеэрлернинъ сакинлери Алладан къоркъкъанлары ичюн, Якъупнынъ огъулларыны къуваламадылар.

Башланув 39:9

Бу эвде менден буюк кимсе ёкъ. О, манъа, сенден гъайры, эписи шейлерни берди. Сен онынъ апайысынъ да! Насыл олып да, мен бу буюк хиянетликни япып, Алланынъ огюнде гуна къазанайым? – деди.

Зебур 51:4

Сенинъ тилинъ олюм кетирмеге ниетлене, о, – кескин устра киби, сенинъ ичинъ къара.

Зебур 84:11

Севгинен акъикъат корюшелер, догърулыкъ ве аманлыкъ опюшелер!

Чыкъыш 34:24

Башкъа халкъларны сенден къувалап, ерлеринъни кенълештиририм. Сиз РАББИнинъ, Алланъызнынъ юзю огюне йылда учь кере кельгенде, сизинъ топрагъынъызгъа кимсе козь этмез.

Икметли сёзлер 21:1

Падишанынъ юреги РАББИнинъ элиндедир, акъымдаки сув киби, оны истегени киби чевирир.

Икметли сёзлер 6:29

Башкъасынынъ апайынен яткъан адамгъа тамам ойле олур – онъа токъунгъан бирев къабаатсыз къалмаз.

Левийлилер 6:2

– Бир адам РАББИге садыкълыгъыны бозгъанда ве гуна япкъанда: о, онъа сакъламагъа берильген шей акъкъында, я да онъа къалдырылгъан залог, я да о хырсызлагъан шей акъкъында башкъасыны алдаткъанда, башкъасынынъ шейини зорлап алгъанда,

Матта 27:19

Пилат къады курсюсине отургъанда, апайындан хабер кельди: «О инсафлы адамгъа ич бир шей япма. Бугунь мен тюшюмде О ичюн пек азап чектим».

1 Коринтлилерге 7:1

Энди сизлер манъа язгъан шейлерге кечейик: «Къадыннен ятмамакъ адам ичюн яхшыдыр».

2 Коринтлилерге 6:17

Шунынъ ичюн оларнынъ арасындан чыкъынъыз, олардан айрылып кетинъиз, – дей Рабби. – Арам шейлерге токъунманъыз. О вакъыт Мен сизлерни къабул этерим,

2 Тессалоникелилерге 2:11

Шу себептен Алла оларгъа къудретли бир ялан ёллайджакъ, ве олар ялангъа инанаджакълар.

2 Тессалоникелилерге 2:7

Къанунсызлыкънынъ сыры шимди артыкъ арекет эте, лякин оны тутып тургъан бар, ве ёлдан алынмагъандже, о, оны токътатаджакъ.

1 Падишалар 25:26

Эфендим, РАББИнинъ ве сенинъ огюнъде айтам, РАББИ санъа къан тёкмеге ёл бермеди ве къолунъны акътыман алмакътан тутты. Энди душманларынъа, эфендиме зулум кетирмек истегенлерге Навалгъа олгъаны киби олсун.

1 Падишалар 25:34

Лякин, мени санъа ярамайлыкъ этмектен туткъан РАББИнинъ, Исраиль Алласынынъ огюнде догърусыны айтам: эгер сен огюме ашыкъып чыкъмагъан олсанъ, танъ аткъандже Навалнынъ союндан бир эркек адамыны сагъ къалдырмаз эдим, – деди.