Башланув 17:13 - Мукъаддес Китап

¹³ Экиси де: эм эвинъде догъгъан, эм кумюшинъе сатын алынгъан огълан мытлакъа сюннет этильсинлер. Бойле этип, беденинъизде олгъан васиетим эбедий васиет оладжакътыр.

Башланув 17:13 Iomraidhean Croise

Башланув 14:14

Ибрам, озюнинъ сою эсирге алынгъаныны эшитип, эвинде догъгъан 318 ишанчлы аскерини чагъырды ве душманларны Дангъадже къувалады.

Башланув 15:3

– Бакъ, Сен манъа бала бермегенинъ ичюн, мирасчым эвимде яшап тургъан огълан оладжакътыр! – деп девам этти о.

Башланув 17:7

Санъа ве эвлятларынъа берген васиетимни эбедиен сакълайджагъым. Эбедий васиетим будыр: «Мен сенинъ Алланъ ве эвлятларынънынъ Алласы оладжагъым.

Башланув 37:27

Келинъ, оны исмаиллилерге сатайыкъ, бизим къолумыздан ольмесин. Насыл да олса, о, бизим къардашымыз, джан-джигеримиздир, – деди. Агъа-къардашлары онынъ сёзюне къол туттылар.

Башланув 37:36

Мидьянлылар исе Юсуфны Мысырда фыравуннынъ везири ве сакъчыларнынъ башлыгъы олгъан Потифаргъа саттылар.

Башланув 39:1

Юсуфны Мысыргъа кетирдилер. Оны мында кетирген исмаиллилернинъ къолундан Потифар адлы мысырлы сатын алды. Потифар – фыравуннынъ везири ве сакъчыларнынъ башлыгъы эди.

Башланув 9:16

Булутларда кок къушагъы пейда олур, ве Мен оны корип, ер сакинлерине эбедий берген васиетимни хатырларым, – деди Алла.

Нехемья 5:5

Биз де ехудалы къардашларымыз кибимиз! Огъулларымызнынъ оларнынъ огъулларындан фаркъы ёкъ! Бизлер исе огъул-къызларымызны къул оларакъ бермек керекмиз. Къызларымызнынъ базылары энди къуллукъкъа берильди. Лякин биз бир шей япып оламаймыз, чюнки бизим тарла ве юзюмликлеримиз энди башкъаларнынъ къолундадыр! – дедилер.

Нехемья 5:8

ве бойле дедим: – Биз къолумыздан кельгени къадар ябанджы халкъларгъа сатылгъан озь къардашларымыз ехудалыларны кери сатын алмагъа тырышамыз. Сизлер исе озь къардашларынъызны сатасынъыз. Кене бизге сатылсынлар депми? Олар исе индемей, бир шей айтып оламай эдилер.

Чыкъыш 12:44

Кумюшке сатын алынгъан эр бир къул сюннет этильген сонъ, Песахны ашамакъ мумкюн.

Чыкъыш 21:16

Ким башкъа адамны хырсызласа, хырсызлангъанны къуллукъкъа сатса я да сатып етиштирмесе де, эписи бир ольдюрильсин.

Чыкъыш 21:2

Еудий къулны сатын алсанъыз, о, сизде алты йыл чалышсын, единджи йылы исе бедава азатлыкъкъа чыкъсын.

Чыкъыш 21:4

Эгер апайыны онъа эфендиси берген олса, апайы огъланлар я да къызларны догъгъан олса, о заман апайынен балалары эфендисине къалып, о, янъгъыз чыкъсын.

Левийлилер 22:11

Эгер руханий адамны кумюшке сатын алгъан олса, о адамгъа шуны ашамагъа мумкюн. Руханийнинъ эвинде догъулгъанларгъа да бу ашны ашамагъа мумкюн.

Матта 18:25

Борджуны одемеге бир шейи олмагъаны ичюн, падиша онъа озюни, апайыны, балаларыны ве бутюн мал-мулькюни сатып, борджуны бермесини буюрды.