Амос 1:1 - Мукъаддес Китап

¹ Амоснынъ пейгъамберлик сёзлери. О, Текъоя шеэринде бир айванасравджы эди. Амос Ехуда падишасы Уззиянынъ куньлеринде ве Исраиль падишасы Ёашнынъ огълу Еровоам куньлеринде, зельзеледен эки йыл эвельси, Исраиль акъкъында руялар корьди.

Амос 1:1 Iomraidhean Croise

2 Падишалар 14:2

Текъоагъа бир адам ёллап, андан бир акъыллы къадынны кетиртти ве онъа: – Агълагъан киби ол, матем урбаларны кий ве олюге куньлер девамында агълап юрген киби ол.

3 Падишалар 19:19

Ильяс андан кетип, Шафат огълу Эль-Ясаны тапты. Эль-Яса о вакъыт он эки чифт бугъасынен топракъ сюре эди. О, он экинджи чифтининъ янында эди. Ильяс Эль-Ясанынъ янындан кечеяткъанда, онынъ устюне озь урбасыны атты.

4 Падишалар 14:21

Ехудалыларнынъ эписи он алты яшында олгъан Азарьяны алып, оны бабасы Амацья ерине падиша япты.

4 Падишалар 14:23

Ёаш огълу Амацья Ехудада 15-инджи йыл падишалыкъ эткенде, Ёаш огълу Еровоам Исраильнинъ падишасы олды. О, 41 йыл девамында Самарие шеэринде падишалыкъ этти.

2 Тарих вакъиалары 11:6

О, Вифлеем, Этам, Текъоа,

2 Тарих вакъиалары 20:20

Эртеси куню сабадан турып, олар Текъоа сахрасына кеттилер. Олар кетеяткъанда, Ехошафат токътап, шойле деди: – Эй, Ехуда ве Ерусалим халкъы, мени динъленъиз! Алланъыз РАББИге ишанынъыз ве шубеленменъиз. Онынъ пейгъамберлерине ишанынъыз, сонъ енъиш кореджексинъиз.

Чыкъыш 3:1

Муса мидьянлы руханий олгъан къайнатасы Йитронынъ къой-эчкилерини бакъа эди. Куньлерден бири о, сюрюни сахранынъ узакъ ерине айдады ве Хорев деген Алланынъ дагъына кельди.

Ешая 1:1

Уззия, Ётам, Ахаз ве Хизкия Ехудада падишалыкъ эткенде, Амоцнынъ огълу Ешая Ехуда ве Ерусалим акъкъында бойле руяларны корьди.

Йирмея 1:1

Йирмеянынъ сёзлери. Хилкия руханийнинъ огълу олып, о, Биньяминнинъ топрагъындан, Анатот шеэринден эди.

Йирмея 28:8

Эвель-эзельден, менден ве сенден эвель олгъан пейгъамберлер чокъ топракъларгъа ве буюк падишалыкъларгъа дженк, беля ве ольдюриджи хасталыкъ акъкъында хабер эте эдилер.

Йирмея 6:1

Эй, Биньяминнинъ балалары, Ерусалимден къачынъыз! Текъоада боразан чалынъыз! Бет-Хаккеремде атешнен бир сигнал беринъиз, шимальден яманлыкъ, буюк бир къырылув якъынлаша.

Йирмея 7:27

Оларгъа бутюн бу сёзлерни айтаджакъсынъ, амма сени динълемейджеклер; оларны чагъыраджакъсынъ, амма джевап бермейджеклер.

Хошеа 1:1

Уззия, Ётам, Ахаз ве Хизкия Ехудада падишалыкъ япкъанда, Ёашнынъ огълу Еровоам Исраильде падиша олгъанда, Беэрийнинъ огълу Хошеагъа РАББИнинъ бойле хабери кельди.

Амос 7:14

Амос Амацьягъа бойле джевап берди: – Мен пейгъамбер дегилим, пейгъамберлик япмагъа да – меним зенаатым дегиль. Мен айванасравджым ве хурма тереклерини осьтюрем.

Микъа 1:1

Ехуда падишалары Ётамнынъ, Ахазнынъ ве Хизкиянынъ заманларында РАББИ морешетли Микъагъа Самарие ве Ерусалим акъкъында берген хабер ве руя.

Зекерья 14:5

Дагълардаки вадий Ацел ерине къадар узанаджакъ, ве сиз Меним дагъларымнынъ вадийинден къачаджакъсынъыз. Ехуда падишасы Уззиянынъ куньлеринде олгъан зельзеледен насыл къачкъан олсанъыз, ойле къачаджакъсынъыз. О заман Аллам РАББИ ве Онен берабер эписи азизлер келеджек!

Матта 4:18

‌Галилея голю боюндан кечеяткъанда, Иса эки агъа-къардашны: Пётр деп адлангъан Симонны ве онынъ къардашы Андрейни корьди. Олар балыкъчы эди ве сувгъа сачмаларыны атып турмакъта эдилер.

1 Коринтлилерге 1:27

Лякин Алла дюньянынъ акъылсызларыны сайлап, акъыллыларны масхара этти, дюньянынъ къуветсизлерини сайлап, къуветлилерни масхара этти.