SAN MATEO 7:3 - Chatino Tataltepec

³ ¿Ni cha' yala tsa nchcui' ma̱ ji'i̱ sca cha' cuxi nu ntsu'u ji'i̱ xa' la tya'a ñati̱ ma̱, masi ñi'ya̱ nti' si laca bi' sca satya yuu ti nu ndyatí̱ cloo ngu'? Pana ná ndube ti' ma̱ cha' tlyu tsa cha' cuxi nu ntsu'u ji'i̱ ycui' ma̱, ñi'ya̱ nti' si laca bi' sca nguti tlyu nu ntsu'u cloo ycui' ca ma̱.

SAN MATEO 7:3 Iomraidhean Croise

SAN MATEO 7:4

¿Ni cha' laca tlyu tsa tyiquee ma̱ chcui' ma̱ lo'o tya'a ñati̱ ma̱ ndi'ya̱: “Ta nu'u̱ chacuayá' culo na' yuu nu ntsu'u cloo nu'u̱”? Jua'a̱ ñacui̱ ma̱, masi ná ña'a̱ ma̱ nguti nu ntsu'u cloo ycui' ca ma̱.

SAN MATEO 7:5

¡Na cuiñi ma̱! Clyo la tyu'u nguti tlyu nu ntsu'u cloo ycui' ca ma̱, lo'o li' taca ña'a̱ tso'o ma̱ cha' culo ma̱ satya yuu nu ntsu'u cloo tya'a ma̱.

SAN LUCAS 18:11

Nu yu fariseo bi' ni, na ndu̱ ti yu, ndi'ya̱ nchcui' yu lo'o ycui' Ndyosi li': “Ndyosi”, nacui̱, “tsa xlya'be jinu'u̱ cha' ná ndu'ni na' ñi'ya̱ nu ndu'ni xa' ñati̱; xña'a̱ tsa ndu'ni ngu', cuaana tsa ngu', suba' tsa ndu'ni ngu' lo'o clyo'o xa' ñati̱. Pana na' ni, ná ndu'ni na' jua'a̱, ni ná ndu'ni na' ñi'ya̱ ndu'ni yu cuxi cua nu cuiñi ti nxñi quiña'a̱ tsa cñi cña loo ngu'”, nacui̱ nu yu fariseo bi' ji'i̱ ycui' Ndyosi.

ROMANOS 2:1

Lo'o cu'ma̱ ni, nchcui' tsa ma̱ ji'i̱ sca cha' cuxi nu ndyu'ni ñati̱; pana ná caja ñi'ya̱ nu cua'ni clyu ti' Ni ji'i̱ ycui' ma̱, nu lo'o nclyotu̱ ma̱ qui'ya nu ntsu'u ji'i̱ xa' ñati̱, lo'o jua'a̱ ycui' ca ma̱ ntsu'u qui'ya bi' ji'i̱ ma̱. Ñi'ya̱ ndu'ni cuayá' bese ji'i̱ ñati̱ cuxi, jua'a̱ ndu'ni ma̱, nu lo'o nchcui' ma̱ jua'a̱ ji'i̱ ñati̱; pana stu'ba ntsu'u qui'ya ji'i̱ ma̱ lo'o nu ñati̱ cuxi bi'.

GÁLATAS 6:1

Cu'ma̱ ngu' tya'a na, ndi'ya̱ nga'a̱ cha' cua'ni ma̱ lo'o ña'a̱ ma̱ cha' ngua cuxi cresiya ji'i̱ sca ngu' tya'a ngusñi ma̱ cha' ji'i̱ ycui' Ndyosi, xqui'ya cha' ngua'ni yu sca cha' cuxi: nga'a̱ cha' xtyucua ma̱ xi ji'i̱ yu bi', cha' cati̱ qui'ya nu ntsu'u ji'i̱ yu, cha' tucuá yu cña ji'i̱ Cristo chaca quiya', cha' tya'a ntsu'u cha' ji'i̱ ma̱ lo'o Xtyi'i ycui' Ndyosi laca yu. Tsa tso'o ti chcui' ma̱ lo'o yu bi'. Lo'o jua'a̱ tii ti ti' ma̱ tyi'i̱ ycui' ca ma̱ cha' ná cua'ni ma̱ la cui' cha' cuxi ñi'ya̱ nu ngua'ni yu bi'.