SAN MATEO 5:3 - Chatino Tataltepec

³ ―Tso'o ntsu'u tyiquee ñati̱ si jlo ti' cha' sca ti lo'o ycui' Ndyosi caca cua'ni ngu' cha' tso'o ―nacui̱ Jesús―. Caca ycui' Ndyosi loo ne' cresiya ji'i̱ ngu' bi', pana ná caca ji'i̱ ngu' si jua'a̱ ti ngu'.

SAN MATEO 5:3 Iomraidhean Croise

SAN MATEO 11:25

Lo'o li' nchcui' Jesús lo'o ycui' Ndyosi Sti yu: ―Cua'ni tlyu na' jinu'u̱, Sti na'; la cui' nu'u̱ laca Xu'na ya, masi nde cua̱, masi nde chalyuu ―nacui̱ Jesús ji'i̱ ycui' Ndyosi―. Tsa xlya'be hi̱ cha' cua ngua'ni nu'u̱ cha' ngua cuayá' ti' ñati̱ nu ná jlo tso'o ti' nquicha'; pana xa' ñati̱ ñi'ya̱ nti' ngu' tii, ná nchca cuayá' ti' ngu' bi' cha' jinu'u̱. Masi ngu' nu nchca tsa ji'i̱, masi ngu' nu jlo tsa ti' lcaa cha' jinu'u̱ nti' ngu', pana ná nchca cuayá' ti' ngu' bi'.

SAN MATEO 11:6

Tso'o tsa caca tyiquee ñati̱ nu ña'a̱ ti tya nxñi cha' 'na, masi ná nchca cuayá' tso'o ti' lcaa cha'.

SAN MATEO 13:16

’Pana tso'o ntsu'u tyiquee ma̱ cha' tya ntucua yaala cloo ma̱, tya ntucua yaala jyaca̱ ma̱, cha' ta tso'o ma̱ cuentya ji'i̱ sca cha' nu nchcui' ycui' Ni.

SAN MATEO 19:14

pana hora ti nchcui' Jesús lo'o ngu' nu ndyaca tsa'a̱ ji'i̱ li': ―Ta ma̱ chacuayá' ji'i̱ nu sube cha' ca̱a̱ ngu' slo na' ―nacui̱ Jesús ji'i̱ ngu' bi'―. Ná cua'a ma̱ ji'i̱ nu sube bi'. Ñi'ya̱ laca lo'o jlya ti' nu sube ji'i̱ sti ngu', la cui' jua'a̱ ntsu'u cha' jlya ti' ñati̱ ji'i̱ ycui' Ndyosi nu lo'o caca Ni loo ne' cresiya ji'i̱ ngu'.

SAN MATEO 24:46

Tso'o tsa ntsu'u tyiquee msu bi' lo'o ca̱a̱ xu'na yu chaca quiya', si chañi cha' ndyu'ni yu cña nu cua ngulo xu'na yu ji'i̱ yu.

SAN MATEO 25:34

Ca li' lo'o caca na' loo tsiya' ti, chcui' na' lo'o taju ñati̱ nu ndi'i̱ la'a tsu' cui̱ 'na: “Tya̱a̱ ma̱ ca su ntucua ycui' Ni nu laca loo, lcaa cu'ma̱ nu tso'o tsa nti' ycui' Ndyosi Sti na' ña'a̱ Ni ji'i̱ ma̱, cha' cua ngua'ni cho'o ycui' Ni su tyi'i̱ ma̱ slo Ni, tya lo'o ngüiñá Ni chalyuu.

SAN MATEO 3:2

―Ca tyuju'u ti' cu'ma̱ ―nacui̱ Juan ji'i̱ ngu'―, xtyanu ma̱ ji'i̱ cha' cuxi nu ndyu'ni ma̱ ―nacui̱―. Cua xana ti cha' caca ycui' Ndyosi loo ne' cresiya ji'i̱ ñati̱ chalyuu.

SAN MATEO 8:11

Chañi cha' tiya' la tyalaa quiña'a̱ tsa ñati̱ tyijyu', masi ngu' loyuu su ntyucua cuichaa, masi ngu' loyuu su ndyaa cuichaa, tsaa ngu' cha' tyucua ngu' to' mesa ca su laca ycui' Ndyosi loo nde cua̱; stu'ba ti tsaa tucua ngu' to' mesa bi' lo'o jyo'o Abraham lo'o jyo'o Isaac lo'o jyo'o Jacob.

SAN MARCOS 10:14

Lo'o na'a̱ Jesús ñi'ya̱ nu ndyu'ni ngu' nu ndyaca tsa'a̱ ji'i̱, ná ndiya ti' yu cha' ndyu'ni ngu' jua'a̱: ―Ta ma̱ chacuayá' ji'i̱ nu sube cha' ca̱a̱ ngu' ca slo na' ―nacui̱ Jesús ji'i̱ ngu' bi'―. Ná cua'a ma̱ chacuayá' ji'i̱ nu sube bi', cha' ca̱a̱ ngu' slo na'. Ñi'ya̱ laca lo'o jlya ti' nu sube ji'i̱ sti ngu', la cui' jua'a̱ ntsu'u cha' jlya ti' ñati̱ ji'i̱ ycui' Ndyosi, nu lo'o laca Ni loo ne' cresiya ji'i̱ ngu'.

SAN LUCAS 11:28

Li' nguxacui̱ Jesús cha' ji'i̱: ―Si'i cha' bi' ―nacui̱―. Tso'o la ntsu'u tyiquee ñati̱ nu cua'a̱ jyaca̱ ji'i̱ lcaa cha' nu nda ycui' Ndyosi lo'o ngu', nu taquiya' ji'i̱ lcaa cha' bi'.

SAN LUCAS 18:14

’Ndi'ya̱ laca cha' nu nti' na' chcui' na' lo'o ma̱, cha' nu qui'yu nu nclyo cñi cña loo ngu' bi' ni, cua ngüityi̱ ycui' Ndyosi qui'ya nu ntsu'u ji'i̱ yu bi'; tso'o ti tyiquee yu lo'o nguxtyu̱u̱ yu ndyaa yu to' tyi yu. Pana ná ngua ji'i̱ yu fariseo bi' jua'a̱, cha' nu ñati̱ nu tlyu tsa ndu'ni ji'i̱ ycui' ca ti, ntsu'u cha' caca tyuju'u ti' ñati̱ bi' ca tiya' la; pana ñati̱ nu tyuju'u tsa ti' ji'i̱ cha' cuxi nu ntsu'u ji'i̱ juani, ca tiya' la caca tso'o la cresiya ji'i̱ cuentya ji'i̱ ycui' Ndyosi.

SAN LUCAS 22:29

bi' cha' ta na' sca cña tso'o nu cua'ni ma̱ cha' caca ma̱ cña lo'o na'; cña bi' caca ñi'ya̱ laca cña nu nda Sti na' 'na, cha' caca na' loo.

SAN LUCAS 22:30

Nga'a̱ cha' stu'ba ti cacu ma̱ co'o ma̱ lo'o na' ca su tlyu bi' su tyucua na'; nga'a̱ cha' stu'ba ti tyi'i̱ ma̱ lo'o na' nu lo'o cua'ni cuayá' na' ji'i̱ lcaa ñati̱; lo'o jua'a̱ cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel tya'a na.

SAN LUCAS 4:18

Cua ngulacua̱ ycui' Ndyosi nu Xu'na na jna', nacui̱ lo quityi bi'. Cua ngua'a̱ loo Ni jna', bi' cha' cua ndi'i̱ Xtyi'i ycui' Ndyosi lo na', cha' chcui' na' cha' tso'o lo'o ngu' ti'i. Cua nda Ni jna' lijya̱a̱ cha' cua'ni cho'o na' tyiquee ñati̱ nu xñi'i̱ tsa ti', nacui̱ lo quityi bi'. Ntsu'u cha' chcui' na' lo'o ngu' nu laca preso ji'i̱ nu xña'a̱, cha' cua tyu'u ti ngu' ya' nu xña'a̱ bi'. Ta na' xee nu tyu'u ne' cresiya ji'i̱ ñati̱ nu ndyacu̱' hique ngu'. Lo'o lya' tsa ti' ngu' ji'i̱ tya'a ngu' ni, li' ta na' chacuayá' ji'i̱ ngu' cha' tyu'u ngu' laja ti.

SAN JUAN 20:29

―Jlya ti' nu'u̱ juani cha' cua na'a̱ nu'u̱ jna' ―nacui̱ Jesús ji'i̱ Tomás―, pana tso'o la caca tyiquee ñati̱ nu jlya ti' 'na lo'o bilya ña'a̱ ngu' 'na.

SANTIAGO 1:10

Lo'o jua'a̱ ndu'ni cha' tso'o ti caca tyiquee ngu' culiya' tya'a ngusñi na cha' ji'i̱ Ni, masi tye cha' culiya' ngu'; culiji yu'u lcaa cha' tso'o nu ntsu'u ji'i̱ cua ña'a̱ ca ngu' culiya', ñi'ya̱ ndye cha' ji'i̱ sca queé nu tso'o ña'a̱ nu ntsu'u ca ne' quixi̱'.

SANTIAGO 1:12

Tso'o caca tyiquee ñati̱ nu ña'a̱ ti nxñi cha' ji'i̱ Jesús, masi tyacua cua ña'a̱ ca cha' ti'í ji'i̱ ngu'. Tso'o si talo ngu' tyiquee', ña'a̱ cuayá' tye cha' ti'í bi' ji'i̱ ngu', cha' caja chalyuu nu ná nga'a̱ cha' tye ji'i̱ ngu' bi' li'; bi' laca cha' tso'o nu cua nacui̱ Ni cha' ta Ni ji'i̱ ñati̱ nu ntsu'u tsa tyiquee ña'a̱ ji'i̱ ycui' Ni.

SANTIAGO 2:5

Cu'ma̱ ngu' tya'a na nu tyaca'a tsa ma̱ 'na, cui'ya ma̱ cuentya ji'i̱ cha' re: Cua ngusubi ycui' Ndyosi ji'i̱ ñati̱ ti'i cha' taca xñi tso'o ngu' cha' ji'i̱ ycui' Ni; ta Ni chalyuu tso'o ji'i̱ ngu' bi' li', la cui' chalyuu nu nacui̱ Ni cha' caja ji'i̱ ñati̱ nu ntsu'u tsa tyiquee ña'a̱ ji'i̱ ycui' Ni. Masi ti'i tsa ñati̱ bi' nde chalyuu, pana culiya' ngu' cuentya ji'i̱ ycui' Ndyosi.

APOCALIPSIS 19:9

Nchcui' nu xca̱ ji'i̱ ycui' Ndyosi bi' lo'o na' li': ―Scua clya nu'u̱ cha' re lo quityi ―nacui̱―: “Tso'o ntsu'u tyiquee ñati̱ nu nguane na' ji'i̱ cha' tsaa su caja clyo'o lo'o yu nu ngujuii lo crusi cuentya ji'i̱ ngu'”, nacui̱ Ni. La cui' cha' liñi nu nda ycui' Ndyosi lo'o ñati̱ laca cha' bi' ―nacui̱ xca̱ bi' jna'.

APOCALIPSIS 22:14

Tso'o tsa caca tyiquee ñati̱ nu cua ngua lubii cresiya ji'i̱, cha' bi' ñati̱ laca nu ntsu'u chacuayá' cacu si'yu yaca nu caja ji'na nde chalyuu cucui. Jua'a̱ li' taca tyatí̱ ngu' tolo'o ji'i̱ quichi̱ tlyu bi'.

APOCALIPSIS 3:17

Quiña'a̱ tsa cha' ntsu'u ji'i̱ ya, nacui̱ ma̱. Cua ngujui sca chalyuu tso'o ji'i̱ ya, bi' cha' nga'aa ntsu'u cha' nu lyiji ji'i̱ ya, nacui̱ ma̱. Pana ná nda ma̱ cuentya cha' tya'na tsa ma̱ nti' na' ña'a̱ na' ji'i̱ ma̱. Tso'o la si ca tyuju'u ti' ma̱, nti' na', cha' nga'aa ntsu'u cha' ji'i̱ ma̱ tsiya' ti; ntsu'u tsa cha' nu lyiji ji'i̱ ma̱ nti' na' ña'a̱ na' ji'i̱ ma̱, bi' cha' ná nchca culacua tso'o ti' ma̱ tsiya' ti.