SAN MATEO 4:3 - Chatino Tataltepec

³ Lo'o li' ndyu'u tucua nu xu'na cuiñaja bi', cha' chcui' cuayá' lo'o Jesús: ―Si chañi cha' nu'u̱ laca nu sca ti Sñi' ycui' Ndyosi ―nacui̱ nu xña'a̱ bi' ji'i̱ Jesús―, xñi nu'u̱ sca quee re lacua, cha' jua'a̱ cuiñá nu'u̱ xlyá lo'o quee re cha' cacu na.

SAN MATEO 4:3 Iomraidhean Croise

SAN MATEO 14:33

Ngua'ni tlyu ngu' nu ndi'i̱ ne' yaca ni'i̱ bi' ji'i̱ Jesús, lo'o ti ndatu̱ sti̱' ngu' slo yu. ―Chañi cha' nu'u̱ laca nu sca ti Sñi' ycui' Ndyosi ―nacui̱ ngu' ji'i̱.

SAN MATEO 16:16

Hora ti nguxacui̱ Simón Pedro cha' ji'i̱ Jesús li': ―Cristo laca nu'u̱ ―nacui̱―. Sñi' ycui' Ndyosi nu lu'ú ca laca nu'u̱.

SAN MATEO 26:63

Ni sca cha' nu nchcui' sti jo'ó, ná nguxacui̱ Jesús ji'i̱ tsiya' ti. Li' ngulo sti jo'ó bi' cña ji'i̱ yu: ―Chacuayá' ji'i̱ ycui' Ndyosi nu lu'ú ca nclyo na' cña re jinu'u̱ juani: Cacha' clya nu'u̱ ji'i̱ cua si chañi cha' laca nu'u̱ Cristo, nu sca ti Sñi' ycui' Ndyosi.

SAN MATEO 3:17

Li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu nde laca Sñi' na' ―nacui̱ Ni―. Tyaca'a tsa yu 'na, cha' tso'o tsa ntsu'u tyiquee na' ña'a̱ na' ji'i̱ yu.

SAN MARCOS 1:1

Nde nscua cha' nu ntsu'u su̱u̱ cha' tso'o ji'i̱ Jesucristo, nu sca ti Sñi' ycui' Ndyosi.

SAN MARCOS 3:11

Nu ngu' quicha nu ntsu'u cui'i̱ cuxi ji'i̱ ngu' ni, nu lo'o na'a̱ ngu' quicha bi' ji'i̱ Jesús, li' ndyatu̱ sti̱' ngu' nde loo su ndu̱ yu. Cui̱i̱ nxi'ya ngu' xqui'ya cui'i̱ cuxi, cha' nslo cui'i̱ bi' ji'i̱ Jesús: ―Nu'u̱ laca nu sca ti Sñi' ycui' Ndyosi ―ndu'ni ngu' quicha bi'.

SAN MARCOS 5:7

Cui̱i̱ ngusi'ya nu quicha bi' ji'i̱ Jesús li': ―¿Ñi'ya̱ cña nti' nu'u̱ jna'? ―nchcuane yu quicha ji'i̱ Jesús li'―. Nu'u̱ laca Jesús nu sca ti Sñi' ycui' Ndyosi, ycui' Ni nu laca loo la ―nacui̱―. Chacuayá' ji'i̱ ycui' Ndyosi, ná xcube' nu'u̱ jna'.

SAN LUCAS 1:35

Li' nda xca̱ sca cha' lo'o: ―Ta ycui' Ndyosi Xtyi'i Ni cha' tya̱a̱ su ndi'i̱ nu'u̱, cha' tyu'ú tyucui ña'a̱ nu'u̱; sca cha' tlyu nu cua'ni ycui' Ndyosi nu laca loo caca cha' bi'. Nu lo'o cala sñi' nu'u̱, sca ñati̱ nu lubii tsa cuentya ji'i̱ ycui' Ndyosi caca cubi' nu cala bi', la cui' bi' laca nu caca naa Sñi' ycui' Ndyosi.

SAN LUCAS 22:70

Lo'o ti nchcuane lcaa ngu' tonu ji'i̱ yu: ―¿Ha nu'u̱ laca Sñi' ycui' Ndyosi lacua? Li' xa' nguxacui̱ Jesús cha' ji'i̱ ngu' chaca quiya': ―Chañi cha' nu nchcui' cu'ma̱ lo'o nacui̱ ma̱ cha' bi' laca na' ―nacui̱ yu ji'i̱ ngu'.

SAN LUCAS 4:3

Lo'o li' nchcui' nu xña'a̱ bi' lo'o yu: ―Si chañi cha' nu sca ti Sñi' ycui' Ndyosi laca nu'u̱ ―nacui̱ nu xña'a̱ bi' ji'i̱―, cua'ni nu'u̱ cha' caca nu quee re sca xlyá cacu na lacua.

SAN LUCAS 4:41

Lo'o jua'a̱ ngutu'u cui'i̱ cuxi ji'i̱ tyu̱u̱ tya'a ngu' quicha bi' li'. Ndu'u si'ya cui'i̱ bi' lo'o ndu'u ji'i̱ ngu': ―Sca ti nu'u̱ laca Sñi' ycui' Ndyosi ―nacui̱ cui'i̱ bi' ji'i̱ Jesús. Li' ngua'a Jesús chacuayá' ji'i̱ cui'i̱ cuxi cha' nga'aa chcui' bi' tsiya' ti. Cua ndyuloo cui'i̱ bi' ji'i̱ Jesús, cha' la cui' Cristo nu cua nda ycui' Ndyosi ji'i̱ lijya̱ chalyuu laca yu bi'.

SAN LUCAS 4:9

Li' ndyaa lo'o nu xña'a̱ bi' ji'i̱ Jesús nde quichi̱ Jerusalén, ngusacui̱ ji'i̱ Jesús ndyaa ca que laa tonu bi'. Lo'o li' xa' nchcui' nu xña'a̱ bi' lo'o yu: ―Si chañi cha' nu sca ti Sñi' ycui' Ndyosi laca nu'u̱ ―nacui̱―, xtyú lo'o nu'u̱ ji'i̱ ycui' ca nu'u̱ ca chcua'a̱ re.

SAN JUAN 1:34

Ycui' ti na' cua na'a̱ na' ji'i̱ cha' bi'. Chañi cha' nu nchcui' na' lo'o cu'ma̱, cha' yu bi' laca nu sca ti Sñi' ycui' Ndyosi; na cua ngusubi Ni ji'i̱ yu bi'.

SAN JUAN 1:49

―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.

SAN JUAN 20:31

Cha' nu nscua lo quityi re ni, nscua bi' cha' taca jlya ti' ma̱ cha' Jesús laca Cristo nu cua nda ycui' Ndyosi ji'i̱ lijya̱ chalyuu, cha' taca xñi ma̱ cha' ji'i̱ Jesús, cha' laca yu nu sca ti Sñi' ycui' Ndyosi. Li' caja chalyuu tso'o nu ná nga'a̱ cha' tye ji'i̱ ma̱ chacuayá' ji'i̱ ycui' Jesús.

SAN JUAN 9:35

Li' ngujui cha' ji'i̱ Jesús, ndyuna yu cha' ngulo'o ngu' ji'i̱ nu qui'yu bi' ne' laa. Lo'o ngujyacua Jesús ji'i̱, nchcuane yu ji'i̱ li': ―¿Ha jlya ca ti' nu'u̱ ji'i̱ ycui' nu cua lijya̱ chalyuu cha' caca ñati̱? ―nacui̱ Jesús ji'i̱.

LOS HECHOS 9:20

Hora ti nguxana Saulo ndya'a̱ yu lcaa ne' laa ji'i̱ ngu' judío quichi̱ bi', ngulu'u yu ji'i̱ ngu' cha' chañi cha' laca Jesús nu sca ti Sñi' ycui' Ndyosi.

2 CORINTIOS 1:19

cha' nu Jesucristo bi', nu sca ti Sñi' ycui' Ndyosi ni, si'i tucua cha' ntsu'u tyiquee Ni. Cua nchcui' ya cha' ji'i̱ Ni su ndi'i̱ cu'ma̱, lo'o na', lo'o Silvano, lo'o Timoteo, nchcui' cua cha' ji'i̱ Ni. Ná chcui' Ni cha' si'i jua'a̱ laca sca cha' si cua nchcui' Ni tsaca quiya' cha' jua'a̱ laca cha' bi'. Sca ti Cristo laca nu chañi cha' nchcui' Ni cha' liñi,

GÁLATAS 2:20

Cuentya ji'i̱ cha' cusu' bi' laca na' ñi'ya̱ laca si cua ngujuii na', ñi'ya̱ laca si stu'ba ti nga'a̱ na' lo crusi lo'o Jesús; juani nga'aa si'i ycui' ca ti na' laca na' loo ne' cresiya 'na, cha' Cristo laca nu laca loo ne' cresiya 'na juani. Ndi'i̱ tso'o ti na' chalyuu juani sca ti xqui'ya cha' jlya ti' na' ji'i̱ cña nu cua ngua'ni ycui' Jesús, nu sca ti Sñi' ycui' Ndyosi; bi' laca nu ntsu'u tsa tyiquee ña'a̱ jna', bi' laca nu cua nda chacuayá' ji'i̱ ngu' cha' cujuii ngu' ji'i̱ ycui' yu cuentya jna'.

1 TESALONICENSES 3:5

Lo'o ngua cuayá' ti' na' cha' bi', nga'aa ndalo na' li'; xñi'i̱ tsa ti' na' cha' ná jlo ta̱' ñi'ya̱ ndyaca cha' ji'i̱ ma̱. Bi' cha' nda na' ji'i̱ yu tya'a na ñaa yu slo ma̱, cha' ca cuayá' ta̱' si ña'a̱ ti nxñi tso'o ma̱ cha' tso'o ji'i̱ ycui' Ndyosi, si tyiji̱loo ma̱ ji'i̱ nu xña'a̱ nu nti' cha' cua'ni ma̱ cha' cuxi. Cua nguna' cña ji'i̱ ya lo'o ma̱ si ná caca tyiji̱loo ma̱ ji'i̱ nu xña'a̱ bi'.

HEBREOS 12:16

Cui'ya ma̱ cuentya cha' ni tsaca ma̱ ná caca ma̱ ñi'ya̱ ngua jyo'o Esaú; ngua'ni lya' ti' yu bi' ji'i̱ ñati̱ ji'i̱ yu, lo'o jua'a̱ ná ndube ti' yu ji'i̱ ycui' Ndyosi. Sñi' clyo ngua yu, pana ndye ndyujui' yu lcaa chacuayá' nu caja ji'i̱ yu nquicha', xqui'ya cha' ngua ti' yu cacu yu masi sca ti ca'ña scuaa; nguñilo'o tya'a ngula yu ji'i̱ yu li'.

HEBREOS 4:14

Lo'o cua ngusñi na cha' ji'i̱ Jesús, li' nga'a̱ cha' cua'ni na cha' tso'o ti tyanu cha' bi' ne' cresiya ji'na. Cua laca ntsu'u sca sti jo'ó nu laca loo la nu ndu̱ cuentya ji'na; Jesús laca bi', nu sca ti Sñi' ycui' Ndyosi laca yu. Cua ndyaa Jesús ca su ndi'i̱ ycui' Ndyosi Sti yu; juani ndu̱ Jesús slo Ni, nchcui' cha' ji'na lo'o Ni.

HEBREOS 7:3

Ná nchcui' quityi ñi'ya̱ naa sti xtya'a̱ nu Melquisedec bi', jua'a̱ ni sca cha' ná nscua lo quityi cuentya ji'i̱ jyo'o cusu' ji'i̱ nu cusu' bi'; ná nchcui' ni jacua' ngula, ni jacua' ngujuii. Ñi'ya̱ ngua Melquisedec, jua'a̱ laca Jesús, cha' lcaa tyempo laca yu sti jo'ó cuentya ji'na; pana Jesús ni, laca yu nu sca ti Sñi' ycui' Ndyosi.

1 JUAN 3:8

Lcaa ñati̱ nu ndu'ni xcui' cha' cuxi, cua laca ngu' bi' sñi' ycui' nu xña'a̱ nu laca xu'na cuiñaja; tya lyiji tye cha' cua'ni nu xña'a̱ bi' cha' cuxi. Sca ti Jesús nu Sñi' ycui' Ndyosi, cua ya̱a̱ Ni chalyuu cha' cua'ni tye Ni ji'i̱ lcaa cña nu ndyu'ni nu xña'a̱ bi'.

APOCALIPSIS 2:10

Ná cutsi̱i̱ ma̱ ji'i̱ cha' ti'í nu caca ji'i̱ ma̱ nde loo la, masi cua'ni nu xña'a̱ cha' tyu̱u̱ tya'a ma̱ tsaa ma̱ xi ne' chcua̱. Cua nti' yu cua'ni cuayá' yu ji'i̱ ma̱ si ña'a̱ ti tya nxñi ma̱ cha' jna'. Pana tii ti tsa̱ xcube' yu ji'i̱ ma̱, nacui̱ Ni. Ña'a̱ ti tyucui tyiquee ma̱ xñi ma̱ cha' ji'i̱ ycui' Ndyosi Sti na', masi cajaa ma̱, cha' ná nga'a̱ cha' tye chalyuu nu ta na' ji'i̱ ma̱ nde loo la li'.