SAN MATEO 3:5 - Chatino Tataltepec

⁵ Lo'o li' ndyu'u ti'i̱ quiña'a̱ ñati̱ slo yu; ñaa ngu' quichi̱ Jerusalén slo yu, lo'o jua'a̱ ñaa ngu' lcaa quichi̱ sube ti nu ndi'i̱ loyuu su cuentya Judea bi' slo yu, lo'o ngu' nu ntsu'u cacua ti to' sta'a̱ Jordán, ñaa ngu' slo yu.

SAN MATEO 3:5 Iomraidhean Croise

SAN MATEO 2:1

La cui' tyempo lo'o ngula Jesús nde quichi̱ Belén, sca nu cusu' nu naa Herodes ngua loo ji'i̱ nasiyu̱ bi'. Ca loyuu su cuentya Judea, ca bi' ndi'i̱ quichi̱ Belén bi'. Lo'o li' ndyalaa xi ngu' tii nde Judea bi'; ngutu'u ngu' tii bi' xa' quichi̱ nde su ntyucua cuichaa, lo'o li' ndyalaa ngu' quichi̱ Jerusalén. Nchcui' ngu' tii bi' lo'o ngu' nu ndyacua tya'a lo'o ngu' tyucui̱i̱:

SAN MATEO 4:25

Bi' cha' ndu'u lca'a̱ quiña'a̱ tsa ñati̱ ji'i̱, masi ngu' Galilea, masi ngu' lcaa quichi̱ nde Decápolis, masi ngu' quichi̱ Jerusalén, masi ngu' xa' quichi̱ nde loyuu su cuentya Judea, masi ngu' quichi̱ chaca tsu' sta'a̱ Jordán. Quiña'a̱ tsa quichi̱ ngutu'u ngu' ndyaa lca'a̱ ngu' ji'i̱ Jesús li'.

SAN MARCOS 1:5

Ndyu'u ti'i̱ quiña'a̱ tsa ñati̱ slo Juan; ñaa ngu' quichi̱ sube ti nu ndi'i̱ loyuu su cuentya Judea slo yu, lo'o jua'a̱ ñaa ngu' Jerusalén nu quichi̱ tonu bi' slo yu. Nu ñati̱ nu ngua tyuju'u tsa ti' ji'i̱ cha' cuxi nu ntsu'u ji'i̱ ngu' ni, ngüijña ngu' ji'i̱ ycui' Ndyosi cha' cuityi̱ Ni cha' cuxi bi', lo'o li' ntyucuatya Juan ji'i̱ ngu' bi' lo hitya sta'a̱ Jordán.

SAN LUCAS 16:16

’Nu tyempo cua sa'ni la ni, ntsu'u cha' cusu' ji'i̱ ñati̱, la cui' cha' nu nda ycui' Ndyosi lo'o Moisés, jua'a̱ lo'o ngu' nu ngua tu'ba ji'i̱ Ni tya sa'ni la; pana nu lo'o ñaa Juan, tya li' nguxana ngañi cha' tso'o ji'i̱ ycui' Ndyosi, cha' caca Ni loo ne' tyiquee ñati̱. Quiña'a̱ tsa ñati̱, lye tsa nda ngu' juersa cha' xñi ngu' cha' ji'i̱ ycui' Ndyosi.

SAN LUCAS 3:3

bi' cha' ndu'u Juan ndya'a̱ yu nde nati̱' tyucui ña'a̱ to' sta'a̱ Jordán bi'; nchcui' tsa Juan lo'o lcaa ñati̱ nu ndyu'u ti'i̱ slo yu, cha' ca tyuju'u ti' ngu' ji'i̱ qui'ya nu ntsu'u ji'i̱ ngu', cha' xtyanu ngu' lcaa cha' cuxi bi'. Li' ntyucuatya Juan ji'i̱ ngu' bi'. Jua'a̱ cui'ya ycui' Ndyosi cha' clyu ti' ji'i̱ ngu' bi' li', nacui̱ Juan.

SAN LUCAS 3:7

Quiña'a̱ ñati̱ ndyalaa su ndu̱ Juan cha' tyucuatya ngu'. Li' nchcui' Juan lo'o ngu' quiña'a̱ bi': ―Ñi'ya̱ nti' cuaña tyaala, jua'a̱ nti' cu'ma̱ ―nacui̱ Juan―. ¿Ha cua nchcutsi̱i̱ ngu' ji'i̱ ma̱ lacua? ¿Ha juani ndube ti' ma̱ cha' xcube' ycui' Ndyosi ji'i̱ ma̱ lo'o tye chalyuu? ―nacui̱―.

SAN JUAN 3:23

Lo'o jua'a̱ nga'a̱ Juan cacua ti, cha' lo'o tya ntyucuatya Juan ji'i̱ ngu'. Sca se'i̱ su naa Enón, ca bi' ngutu̱ Juan, cacua ti ji'i̱ sca se'i̱ su naa Salim. Ca bi' ntyucuatya ji'i̱ ngu' cha' ca bi' ntsu'u tsa hitya. Ndya'a̱ tsa ngu' cha' tyucuatya ji'i̱ ngu'.

SAN JUAN 5:35

Nu Juan ni ―nacui̱ Jesús li'―, nda yu cha' jna' lo'o ngu' ñi'ya̱ si laca yu sca xee nu ndubi tsa, nu nda xee tyi'i̱ ca chu̱' su ndi'i̱ yu bi'. Lo'o jua'a̱ tso'o xi ngua ti' ma̱ lo'o nchcui' Juan lo'o ma̱ li' ―nacui̱―.