SAN MATEO 3:2 - Chatino Tataltepec

² ―Ca tyuju'u ti' cu'ma̱ ―nacui̱ Juan ji'i̱ ngu'―, xtyanu ma̱ ji'i̱ cha' cuxi nu ndyu'ni ma̱ ―nacui̱―. Cua xana ti cha' caca ycui' Ndyosi loo ne' cresiya ji'i̱ ñati̱ chalyuu.

SAN MATEO 3:2 Iomraidhean Croise

SAN MATEO 10:7

Ta ma̱ cha' lo'o ngu' lcaa quichi̱ cha' cua tyalaa ti hora cha' caca ycui' Ndyosi loo.

SAN MATEO 11:20

Lo'o li' lye xi nchcui' Jesús cha' ji'i̱ quichi̱ su lu'ba ti ndya'a̱ yu, cha' quiña'a̱ cha' tlyu cua ngua'ni yu slo ngu' ca tyi bi', pana ná ngua tyuju'u ti' ngu' ji'i̱ cha' cuxi nu ntsu'u ne' cresiya ji'i̱ ngu'; ná nguxtyanu ngu' ji'i̱ cha' cuxi bi'.

SAN MATEO 12:41

Lo'o tyalaa tsa̱ nu cua'ni cuayá' ycui' Ndyosi ji'i̱ lcaa ñati̱, li' sta jyo'o ngu' Nínive qui'ya ji'i̱ cu'ma̱ nu lu'ú chalyuu juani. Cacha' ngu' jyo'o bi' lcaa ña'a̱ cha' nu ndyuna ngu', cha' nu nda jyo'o Jonás lo'o ngu' tyempo bi', cha' li' ngua tyuju'u ti' ngu' ji'i̱ lcaa cha' cuxi nu ngua'ni ngu'; nguxtyanu ngu' ji'i̱ cha' cuxi bi' xqui'ya cha' cua ngusñi ngu' cha' ji'i̱ ycui' Ni. Pana ná stu'ba cha' nu ngulu'u jyo'o Jonás bi' ji'i̱ ngu' sa'ni lo'o cha' nu nclyu'u na' ji'i̱ ma̱ juani; tlyu la cha' ji'i̱ ycui' Ndyosi laca nu nclyu'u na' ji'i̱ ma̱ juani, pana ná nduna cu'ma̱ cha' bi' tsiya' ti.

SAN MATEO 13:11

Li' nguxacui̱ Jesús cha' ji'i̱ ngu' bi': ―Cua nda ycui' Ndyosi chacuayá' cha' ca cuayá' ti' ma̱ sca cha' nu ntsu'u cuaana ti ji'i̱ jyo'o cusu', ñi'ya̱ caca lo'o caca ycui' Ni loo ne' cresiya ji'i̱ ñati̱. Xa' ñati̱ nu ná ngusñi cha' ji'i̱ ycui' Ndyosi ni, ná ta ngu' cuentya lo'o cuna ngu' sca cui̱i̱ nu nchcui' na'; tucui tsa cha' bi' nti' ngu'.

SAN MATEO 13:24

Lo'o li' nda Jesús chaca cui̱i̱ lo'o ngu': ―Chcui' na' chaca cha' lo'o cu'ma̱, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús ji'i̱ ngu'―. Laca ycui' Ni ñi'ya̱ laca sca ñati̱ nu ndyataa xcui' si'yu tso'o lo xtya̱ trigo ji'i̱.

SAN MATEO 13:31

Lo'o jua'a̱ nda Jesús chaca cui̱i̱ lo'o ngu': ―Chaca cha' chcui' na' lo'o ma̱, ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús ji'i̱ ngu'―. Caca bi' ñi'ya̱ laca sca ti si'yu cuxee nu ndyataa sca ñati̱ ne' lo'o ji'i̱ yu.

SAN MATEO 13:33

Lo'o jua'a̱ nda Jesús chaca cui̱i̱ lo'o ngu': ―Chaca cha' chcui' na' lo'o ma̱, ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús ji'i̱ ngu'―. Caca bi' ñi'ya̱ laca sa ycu' scua̱ tiye', nu xñi sca nu cuna'a̱ cha' su'ba ji'i̱ lo sna sca' catyá xlyá; quixa' li', cha' tsa tlyu ti tyacuí̱ lcaa scua̱ bi'.

SAN MATEO 13:47

―Lo'o chaca cha' chcui' na' lo'o ma̱, ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús―. Laca ñi'ya̱ laca sca taraya tlyu nu ntucu̱ ngu' ji'i̱ lo hitya tyujo'o cha' xñi cualya, lo'o li' lcaa lo cualya ndyatí̱ ne' taraya bi'.

SAN MATEO 13:52

Li' xa' nguxacui̱ Jesús cha' ji'i̱ ngu' nu ndyaca tsa'a̱ ji'i̱: ―Sca mstru cha' jo'ó ni, si ngusñi yu cha' jna', si ngua tsa'a̱ yu ñi'ya̱ caca lo'o laca ycui' Ndyosi loo ne' cresiya ji'i̱ ñati̱ ―nacui̱ Jesús―, li' laca yu bi' ñi'ya̱ laca sca nu culiya' nu ntsu'u tsa cha' tso'o nu ndyu'u co'o toni'i̱ ji'i̱; tso'o tsa ntsu'u tyiquee yu, bi' cha' ntsu'u tsa cha' tso'o nu caca culu'u yu ji'i̱ xa' ñati̱, masi cha' cusu', masi cha' cucui.

SAN MATEO 18:23

’Chcui' na' chaca cha' lo'o ma̱, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Chcui' na' cha' ji'i̱ sca rey nu ngua ti' cua'ni tye tane', cha' ndacui tsa msu ji'i̱.

SAN MATEO 20:1

’Chaca cha' nti' na' chcui̱' lo'o ma̱ juani, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱. Chcui' na' sca cui̱i̱ cuentya ji'i̱ sca nu laca xu'na msu. Ngua sca tsa̱ nde tlya ndu'u yu ndyaa yu lcaya' cha' chcui' yu lo'o ngu' nu caca msu ji'i̱, si cua'ni ngu' cña ne' lo'o ji'i̱ yu ca su ndyataa yaca si'yu losu' tyixi.

SAN MATEO 22:2

―Chcui' na' chaca cha' lo'o ma̱ cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús li'―. Caca bi' ñi'ya̱ ngua sca tsa̱ lo'o ngua ta'a ngujui clyo'o sñi' rey. Ngua'ni rey ta'a li'.

SAN MATEO 23:13

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Na ndacu̱' ma̱ tyucui̱i̱ ji'i̱ ngu', cha' ná caca tyatí̱ ngu' cha' ji'i̱ ycui' Ndyosi, cha' ná caca ycui' Ni loo ne' cresiya ji'i̱ ngu'. Ni ycui' ma̱, ná caca tyatí̱ ma̱ cha' bi', lo'o jua'a̱ ná nda ma̱ chacuayá' cha' tyatí̱ xa' la ñati̱ cha' bi'.

SAN MATEO 25:1

’Ta na' chaca cha' lo'o ma̱ cha' ca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Ndyaa tii tya'a nu cuna'a̱ cuañi' ca to' tyi sca nu cuna'a̱ nu laca cuxi̱i̱ ji'i̱ ngu'; ntsu'u candil ji'i̱ ca ta'a tii tya'a ngu', cha' jatya ngu' ji'i̱ cutsii.

SAN MATEO 25:14

’Lo'o jua'a̱, ta na' chaca cha' lo'o ma̱, cha' ca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Cua tsaa ti sca nu culiya' tyijyu', bi' cha' ngusi'ya yu ji'i̱ ca ta'a msu ji'i̱, cha' ca̱a̱ ngu' slo. Li' nguxtyanu xu'na ngu' xi cñi ji'i̱ scaa msu bi', cha' cua'ni ngu' cña lo'o cñi bi' cuentya ji'i̱ ycui' nu culiya' bi'.

SAN MATEO 4:17

Lo'o li' nguxana nchcui' Jesús lo'o ngu' nu ndya'a̱ slo: ―Ca tyuju'u ti' ma̱ ―nacui̱ Jesús ji'i̱ ngu'―, xtyanu ma̱ ji'i̱ lcaa cha' cuxi nu ndyu'ni ma̱, cha' cua tyalaa ti hora cha' caca ycui' Ndyosi loo ne' cresiya ji'i̱ ma̱.

SAN MATEO 4:23

Lo'o li' ndyaa ngu' lcaa quichi̱ su cuentya Galilea lo'o Jesús. Lcaa quichi̱ ndya'a̱ nclyu'u yu ji'i̱ ngu' ne' laa ji'i̱ ngu' judío; nchcui' yu lo'o ngu' ñi'ya̱ laca cha' tso'o ji'i̱ ycui' Ndyosi, cha' cua ngulala ti caca Ni loo ne' cresiya ji'i̱ ngu'. Lo'o jua'a̱ ngua'ni yu jo'o ji'i̱ lcaa nu quicha, masi quicha ti ti' ngu' ngua'ni Jesús cha' ndyaca tso'o ngu'.

SAN MATEO 5:10

’Lo'o jua'a̱ tso'o ntsu'u tyiquee ñati̱ si talo tyiquee ji'i̱ xa' ñati̱, masi lya' ti' ngu' ji'i̱, masi ti'í ti' ngu' ji'i̱, xqui'ya cha' tso'o nu ndu'ni cuentya ji'i̱ ycui' Ni. Tso'o ntsu'u tyiquee ñati̱ bi' si talo tyiquee ji'i̱ ngu', cha' jua'a̱ laca ycui' Ndyosi loo ne' cresiya ji'i̱ ñati̱ bi'.

SAN MATEO 5:3

―Tso'o ntsu'u tyiquee ñati̱ si jlo ti' cha' sca ti lo'o ycui' Ndyosi caca cua'ni ngu' cha' tso'o ―nacui̱ Jesús―. Caca ycui' Ndyosi loo ne' cresiya ji'i̱ ngu' bi', pana ná caca ji'i̱ ngu' si jua'a̱ ti ngu'.

SAN MATEO 6:10

Ca̱a̱ nu'u̱ nde chalyuu cha' caca nu'u̱ loo ji'i̱ ya. Cua'ni nu'u̱ cha' caca lcaa cha' nu nti' nu'u̱ cha' caca nde chalyuu; ñi'ya̱ nu ndu'ni nu'u̱ ca su ntucua nu'u̱, jua'a̱ caca nde lo yuu re li'.

SAN MATEO 6:33

bi' cha' si'i ji'i̱ cha' bi' clyana ma̱. Tso'o la si ta ma̱ tyempo ji'i̱ ycui' Ni cha' caca Ni loo ne' cresiya ji'i̱ ma̱, jua'a̱ tso'o la si cua'ni ma̱ lcaa cha' nu nti' ycui' Ni cha' cua'ni ma̱ nde chalyuu; li' ta Ni lcaa na nu lyiji xi ji'i̱ ma̱.

SAN MARCOS 1:15

―Cua ndyalaa hora cha' caca ycui' Ndyosi loo ne' cresiya ji'i̱ ñati̱ ―nacui̱ Jesús―. Ca tyuju'u ti' ma̱ ji'i̱ lcaa cha' cuxi nu ntsu'u ji'i̱ ma̱; culochu̱' ma̱ ji'i̱ cha' cuxi bi', cha' li' taca xñi ma̱ cha' tso'o nu ji'i̱ ycui' Ndyosi nu cua'ni lyaá ji'i̱ ma̱.

SAN MARCOS 1:4

Ñi'ya̱ nu nguscua Isaías cha' bi', jua'a̱ ndyu'u tucua Juan ne' quixi̱' su ná ndi'i̱ ñati̱. Lo'o li' nchcui' yu lo'o ngu' cha' caca tyuju'u ti' ngu' ji'i̱ lcaa cha' cuxi nu ntsu'u ji'i̱ ngu', cha' culochu̱' ngu' ji'i̱ cha' cuxi bi', cha' jua'a̱ cua'ni clyu ti' ycui' Ndyosi ji'i̱ ngu' bi'. Li' tyucuatya Juan ji'i̱ ngu' bi'.

SAN MARCOS 6:12

Lo'o li' ndu'u ngu' ndyaa ngu' nde tyu̱u̱ tya'a quichi̱. Nda ngu' cui̱i̱ lo'o ngu' quichi̱ bi', cha' ca tyuju'u ti' ngu' quichi̱ ji'i̱ lcaa cha' cuxi nu ndyu'ni ngu', cha' culochu̱' ngu' quichi̱ ji'i̱ cha' cuxi bi' li'.

SAN LUCAS 1:16

Cua'ni yu cha' xa' caca tso'o cresiya ji'i̱ quiña'a̱ tya'a ngu' Israel, cha' taquiya' ngu' ji'i̱ ycui' Ndyosi nu Xu'na ngu'.

SAN LUCAS 11:20

Chacuayá' ji'i̱ ycui' Ndyosi nclyo na' ji'i̱ cui'i̱ cuxi nu ntsu'u ji'i̱ ñati̱, bi' cha' taca ca cuayá' ti' ma̱ cha' cua ndyalaa tsa̱ cha' caca ycui' Ndyosi loo ne' cresiya ji'i̱ ma̱.

SAN LUCAS 13:3

si'i na cuxi la ngua'ni ngu' bi'. Lo'o jua'a̱ cu'ma̱ ni, si ná ca tyuju'u ti' ma̱ ji'i̱ lcaa cha' cuxi nu ndyu'ni ma̱, cha' culochu̱' ma̱ cha' bi', la cui' ti cha' nscua cha' cajaa ma̱ li' ―nacui̱ Jesús ji'i̱ ngu'―.

SAN LUCAS 13:5

si'i na cuxi la ngua'ni ngu' bi'. Lo'o jua'a̱ cu'ma̱ ni, si ná ca tyuju'u ti' ma̱ ji'i̱ lcaa cha' cuxi nu ndyu'ni ma̱, cha' culochu̱' ma̱ cha' bi', la cui' ti cha' nscua cha' cajaa cu'ma̱.

SAN LUCAS 15:10

Chaa ti' nu cuna'a̱ bi', cha' cua nquije cñi ji'i̱; la cui' jua'a̱ ca slo ycui' Ndyosi, chaa tsa ti' ycui' Ni lo'o ñati̱ ji'i̱ Ni nde cua̱, masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'.

SAN LUCAS 15:7

Ndi'ya̱ ñacui̱ na' ji'i̱ ma̱: ca chaa tsa ti' ycui' Ndyosi lo'o ñati̱ ji'i̱ Ni ca su ntucua ycui' Ni ―nacui̱ Jesús ji'i̱ ngu' fariseo li'―, ca chaa ti' ngu' bi' masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'. Ná ntsu'u cha' culacua ti' Ni cuentya ji'i̱ nu jacuayala tyii ntucua caa tya'a ñati̱ tso'o nu ná ntsu'u cha' cuxi ji'i̱ ngu', nti' ngu'.

SAN LUCAS 16:30

Li' nguxacui̱ nu culiya' bi' cha' ji'i̱: “Tso'o lacua, sti na' Abraham. Pana si tsaa sca ngu' jyo'o re ca su ndi'i̱ ngu', li' culochu̱' ngu' cha' cuxi nu ndyu'ni ngu'.”

SAN LUCAS 21:31

La cui' jua'a̱ caca lo'o caca lcaa cha' nu cua nchcui' na', li' ca cuayá' ti' ma̱ cha' cua ca̱a̱ ti ycui' Ndyosi cha' caca Ni loo.

SAN LUCAS 24:47

Li' ntsu'u cha' ta ngu' cha' ji'i̱ ycui' na' lo'o ñati̱ tyucui ña'a̱ chalyuu. Nde Jerusalén xana ma̱ cacha' ma̱ cha' bi' ji'i̱ ngu' clyo. Nga'a̱ cha' chcui' ma̱ lo'o ñati̱ cha' ca tyuju'u ti' ngu' ji'i̱ cha' cuxi nu ntsu'u tyiquee ngu', cha' xtyanu ngu' ji'i̱ cha' cuxi nu ndu'ni ngu'; li' cua'ni clyu ti' ycui' Ndyosi ji'i̱ lcaa qui'ya nu ntsu'u ji'i̱ ngu'.

SAN LUCAS 6:20

Nguxña'a̱ Jesús ji'i̱ nu ngu' nu ndyaca tsa'a̱ ji'i̱, li' nguxana nchcui' yu lo'o ngu' ndi'ya̱: ―Tso'o ntsu'u tyiquee cu'ma̱ masi ti'i ti ndi'i̱ ma̱ nde chalyuu ―nacui̱―. Ycui' Ndyosi laca nu ña'a̱sii̱ ji'i̱ ma̱, cha' bi' nu laca Xu'na ma̱.

SAN LUCAS 9:2

Ngulo yu cña ji'i̱ nu tii tyucuaa tya'a ngu' bi', cha' ta ngu' cha' tso'o ji'i̱ ycui' Ndyosi lo'o ngu' quichi̱ su tsaa ngu', lo'o li' cua'ni ngu' cha' tyaca tso'o ngu' quicha.

LOS HECHOS 11:18

Nu lo'o ndyuna ngu' cha' nu nchcui' Pedro lo'o ngu', nga'aa ngua chcui' tyaala ngu' bi' lo'o Pedro. Li' ngua'ni tlyu ngu' bi' ji'i̱ ycui' Ndyosi. Ndi'ya̱ nchcui' ngu' lo'o Ni li': ―Ndyosi Sti ya, tso'o tsa ndu'ni nu'u̱ lo'o ngu' xa' tsu', masi si'i ngu' judío laca ngu' bi' ―nacui̱ ngu' ji'i̱ ycui' Ndyosi―. Ndu'ni nu'u̱ cha' ca tyuju'u ti' ngu' ji'i̱ lcaa cha' cuxi nu ntsu'u ji'i̱ ngu', cha' caja chalyuu nu ná nga'a̱ cha' tye ji'i̱ ngu' bi'.

LOS HECHOS 17:30

Cua ndalo tsa tyiquee ycui' Ndyosi ji'i̱ ñati̱ chalyuu tyempo sa'ni lo'o bilya ca jlo ti' ngu' lcaa cha' bi', pana juani cua ngulo Ni cña ji'i̱ lcaa ñati̱ chalyuu cha' culochu̱' ngu' lcaa cha' cuxi nu ntsu'u ji'i̱ ngu'.

LOS HECHOS 2:38

―Tso'o si caca tyuju'u ti' ma̱ ji'i̱ cha' cuxi, lcaa cha' cuxi nu ntsu'u tyiquee ma̱ xtyanu ma̱ ji'i̱ li' ―nacui̱ Pedro ji'i̱ ngu'―. Lo'o jua'a̱ tyucuatya ngu' ji'i̱ ma̱ chacuayá' ji'i̱ Jesús li'. Cuityi̱ Ni lcaa qui'ya nu ntsu'u ji'i̱ ma̱ li', jua'a̱ ta Ni Xtyi'i ycui' Ni cha' tyanu Ni ne' cresiya ji'i̱ ma̱.

LOS HECHOS 20:21

Sca ti cuaya' nchcui' na' lo'o lcaa ngu', masi lo'o ngu' judío tya'a na', masi lo'o xa' la ñati̱; sca ti cha' ngulu'u na' ji'i̱ lcaa ma̱, cha' nga'a̱ cha' culochu̱' ma̱ ji'i̱ lcaa cha' cuxi nu ntsu'u ji'i̱ ma̱ lo'o xñi ma̱ cha' ji'i̱ Jesucristo nu Xu'na na.

LOS HECHOS 26:20

Clyo ngulu'u na' ji'i̱ ngu' judío tya'a na nu ndi'i̱ ca quichi̱ Damasco, cha' culochu̱' ngu' ji'i̱ lcaa cha' cuxi nu ntsu'u tsa tyiquee ngu' ji'i̱ tya sa'ni la, cha' xñi ngu' cha' ji'i̱ ycui' Ndyosi li'; lo'o jua'a̱ xcui' cha' tso'o ntsu'u cha' cua'ni ngu' li', cha' ca cuayá' ti' xa' ñati̱ cha' cua nguxcutsa'a̱ Ni cresiya ji'i̱ ngu' bi'. La cui' jua'a̱ ngulu'u na' ji'i̱ ngu' Jerusalén, lo'o ji'i̱ ngu' lcaa quichi̱ nu ndi'i̱ loyuu su cuentya Judea re. Lo'o li' ngulu'u na' cha' bi' ji'i̱ ngu' xa' tsu'.

LOS HECHOS 3:19

Bi' cha' ntsu'u cha' ca tyuju'u ti' ma̱ ji'i̱ lcaa cha' cuxi nu ntsu'u tyiquee ma̱ ji'i̱, cuati jña ma̱ cha' clyu ti' ji'i̱ ycui' Ndyosi cha' cuityi̱ Ni lcaa cha' cuxi nu ngua'ni ma̱. Cua'ni nu Xu'na na cha' taca ca tso'o cresiya ji'i̱ ma̱ chaca quiya' li'.

2 CORINTIOS 7:10

Nu lo'o ndube ti' na ji'i̱ ycui' Ndyosi laja lo'o nga'a̱ na xñi'i̱ ti' na, li' caja ñi'ya̱ xtyanu na ji'i̱ cha' cuxi nu ndyu'ni na; clyaá na ji'i̱ nu cuxi li', nga'aa ntsu'u cha' culacua tsa ti' na li'. Pana ñati̱ nu xñi'i̱ xi ti', nu ná ndube ti' ji'i̱ ycui' Ndyosi ni, ná ntaja'a̱ ñati̱ bi' ca tyuju'u ti' ji'i̱ qui'ya nu ntsu'u ji'i̱; chcuna' chalyuu ji'i̱ ngu' bi' jua'a̱ ti li'.

COLOSENSES 1:13

Na cua ngua'ni lyaá Ni ji'na, cua ngua'ni tye Ni ji'i̱ chalyuu talya su nguta'a̱ na, lo'o jua'a̱ cua ngulu'u Ni chaca tyucui̱i̱ ji'na nu tsaa ca chalyuu tso'o su laca Cristo loo ji'na. Sñi' ycui' Ndyosi laca Cristo, lo'o jua'a̱ tyaca'a tsa yu ji'i̱ ycui' Ni;

2 TIMOTEO 2:25

jua'a̱ ji'i̱ ñati̱ nu ñasi̱' ji'i̱ ngu'. Tso'o ti chcui' ngu' bi' lo'o ñati̱ nu ñasi̱', cha' jua'a̱ taca cua'ni ycui' nu Xu'na na cña ne' cresiya ji'i̱ ñati̱ nu ñasi̱' bi', cha' taca culu'u Ni ji'i̱ ngu' ñi'ya̱ laca lo'o cha' liñi bi'. Tso'o tsa si culochu̱' ñati̱ nu ñasi̱' bi' lcaa cha' cuxi nu ndyu'ni ngu',

HEBREOS 6:1

Cua'ni yala na lacua, cha' cuna tso'o na lcaa cha' nu ntsu'u ji'i̱ Cristo; cua'ni na cha' caca na ñati̱ nu nclyacua tso'o ti ti', cha' ná tso'o si xcui' na nchcui' na ji'i̱ cha' nu ngua tsa'a̱ na tya clyo ti. Juani cua jlo tso'o ti' na macala ntucua quiya' cha' ji'i̱ Cristo: cua nchcui' na ñi'ya̱ caca tyu'utsu' na ji'i̱ cha' cuxi nu ngua'ni na tya sa'ni la, ñi'ya̱ caca xñi na cha' ji'i̱ Cristo;

2 PEDRO 3:9

Si'i na tiya' tsa ti' ycui' Ndyosi cha' cua'ni Ni cña nu nacui̱ Ni cha' cua'ni ycui' Ni nde loo la; pana na ntajatya tsa Ni ji'na ñati̱ chalyuu na, cha' ná nti' Ni cha' chcuna' ni sca ñati̱ ji'i̱ ycui' Ni. Nti' tsa Ni cha' ca cuayá' ti' lcaa ñati̱ cha' ntsu'u cha' cuxi ji'i̱ ngu'; lo'o li' ca tyuju'u ti' ngu' ji'i̱ cha' cuxi bi', culochu̱' ngu' ji'i̱ cha' cuxi bi' li'. Jua'a̱ caca ji'i̱ ngu' nti' ycui' Ndyosi.

APOCALIPSIS 2:21

Cua ntajatya tsa na' ji'i̱ nu cuna'a̱ bi', ni jacua' culochu̱' ji'i̱ cha' cuxi nu ntsu'u ji'i̱; pana ná ntaja'a̱ ma' bi' xtyanu ma' cha' suba' nu ndu'ni ma'.

APOCALIPSIS 2:5

Bi' cha' juani cua'ni clya ma̱ cha' tyi'u ti' ma̱ ñi'ya̱ nu tso'o tsa ntsu'u tyiquee ma̱ ña'a̱ ma̱ jna', nu lo'o ngusñi ma̱ cha' 'na tya clyo; lo'o juani ña'a̱ ti nga'a̱ cha' cua'ni ma̱ la cui' cha' tso'o bi' chaca quiya'. Si ná tyaja'a̱ ma̱ cua'ni ma̱ jua'a̱, li' ca̱a̱ na' ca̱qui'ya̱ ji'i̱ candyeru ji'i̱ ma̱ ca su ntucua bi', tyalo'o na' ji'i̱, nacui̱ Ni.