SAN MATEO 26:3 - Chatino Tataltepec

³ La cui' tyempo nu nchcui' Jesús, li' ndyu'u ti'i̱ tyu̱u̱ tya'a sti jo'ó nu laca loo lo'o mstru cha' jo'ó lo'o ngu' cusu' ji'i̱ ngu' judío; ndyu'u ti'i̱ ngu' slo Caifás nu laca xu'na lcaa sti jo'ó jua.

SAN MATEO 26:3 Iomraidhean Croise

SAN MATEO 26:69

Lo'o nu Pedro bi' ni, nde liya' ti nga'a̱ yu bi'. Li' ñaa sca nu cuna'a̱ cua' slo yu. ―Lo'o nu'u̱ ndya'a̱ stu'ba ti lo'o Jesús nu ngu' Galilea jua ―nacui̱ nu cuna'a̱ bi' ji'i̱ Pedro.

SAN MATEO 27:27

Lo'o li' ntejeya' ngu' sendaru nu ndu̱ cua̱ slo gobernador bi' ji'i̱ Jesús, ndyaa lo'o ngu' ji'i̱ nde ne' ni'i̱ ji'i̱ gobierno; ndacha' ngu' ji'i̱ lcaa tya'a sendaru nu ndi'i̱ ni'i̱ bi', cha' tyu'u ti'i̱ ngu' su ndu̱ Jesús.

SAN MARCOS 14:54

Tyijyu' ti ndyu'u lca'a̱ Pedro chu̱' ngu' tyaala ña'a̱ cuayá' nu ndyalaa ngu' ne' lo'o ji'i̱ xu'na sti jo'ó. Li' ngua'a̱ Pedro slo ngu' nu nga'a̱ cua̱ ca ni'i̱ bi' su nga'a̱ ngu' to' lquii' cha' caca chcatsu̱ ngu'.

SAN MARCOS 14:66

Tya nga'a̱ Pedro to' ni'i̱ ji'i̱ xu'na sti jo'ó, lo'o li' ndyu'u tucua sca nu cuna'a̱ cua' nu ndu'ni cña ji'i̱ sti jo'ó bi'.

SAN MARCOS 15:16

Ndyaa lo'o sendaru ji'i̱ Jesús nde ne' ni'i̱ su ntucua ngu' nu laca loo bi', lo'o jua'a̱ ndyu'u ti'i̱ ña'a̱ lcaa sendaru nu ntsu'u cajua.

SAN LUCAS 22:55

Ca bi' nguxtyu'u ngu' xi quii' cla'be la su laja to' ni'i̱, lo'o li' ndyu'u ti'i̱ ngu' to' lquii' bi'; lo'o Pedro ndyaca'a̱ laja ngu'.

SAN LUCAS 3:2

La cui' tyempo bi' laca Anás lo'o Caifás xu'na sti jo'ó. Li' nda ycui' Ndyosi cha' lo'o Juan sñi' Zacarías ca su ndya'a̱ yu ne' quixi̱',

SAN JUAN 11:57

Ndube tsa ti' ngu' cha' lo'o nu ngu' sti jo'ó nu laca loo bi', lo'o ngu' fariseo, cua ngulo ngu' cña ji'i̱ lcaa ngu' quichi̱; nacui̱ sti jo'ó cha' lo'o caja cha' ji'i̱ ngu' macala ntsu'u Jesús, hora ti ntsu'u cha' cacha' ngu' ji'i̱ ngu' nu laca loo. Li' tsaa ngu' policía xñi ngu' ji'i̱ Jesús, nti' ngu' nu laca loo bi'.

SAN JUAN 18:24

Li' ngulo nu cusu' Anás cña ji'i̱ ngu' cha' tyaa lo'o ngu' ji'i̱ Jesús, ña'a̱ ndyaaca̱' ti, slo Caifás, nu laca xu'na sti jo'ó bi'.

SAN JUAN 18:28

Li' ngutu'u ngu' slo Caifás, ndyaa lo'o ngu' ji'i̱ Jesús ca su ndi'i̱ nu gobernador romano nu naa Pilato. Cua cuxee ti ndyaca li', bi' cha' ná ntaja'a̱ nu ngu' judío bi' tyatí̱ ngu' ne' ni'i̱ ji'i̱ gobernador; tacati tsa ndu'ni ngu' bi' xqui'ya ta'a. Ngua ti' ngu' cha' quiñu'u̱ cha' ji'i̱ ngu' si tyatí̱ ngu' ne' ni'i̱ ji'i̱ ngu' xa' tsu', cha' ná ntsu'u chacuayá' cacu ngu' si̱i̱ ta'a bi' li';