SAN MATEO 26:11 - Chatino Tataltepec

¹¹ Lcaa tsa̱ ndi'i̱ ngu' ti'i lo'o ma̱ nde chalyuu cha' xtyucua ma̱ ji'i̱ ngu', pana cua tye ti tsa̱ nu tyi'i̱ na' lo'o ma̱.

SAN MATEO 26:11 Iomraidhean Croise

SAN MATEO 18:20

Lo'o na' nga'a̱ na' lo'o ma̱ macala su ndyu'u ti'i̱ tucua sna tya'a ti ma̱ chacuaya' 'na.

SAN MATEO 26:10

Lo'o ngua tii Jesús cha' nu ngua'ya hique ngu' bi', nchcui' lo'o ngu' li': ―¿Ni cha' ñasi̱' ma̱ ji'i̱ nu cuna'a̱ re? ―nacui̱ Jesús ji'i̱ ngu' bi' li'―. Sca cha' tso'o tsa ngua'ni nu cuna'a̱ re lo'o na'.

SAN MATEO 28:20

Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.

SAN MARCOS 14:7

Lcaa tsa̱ ndi'i̱ ngu' ti'i lo'o ma̱ nde chalyuu, bi' cha' taca cua'ni ma̱ cha' tso'o lo'o ngu' ti'i ni jacua' nu nti' ti ma̱; pana nu na' ni, cua tye ti tsa̱ nu tyi'i̱ na' lo'o ma̱.

SAN JUAN 12:8

Lcaa tyempo ndi'i̱ ngu' ti'i lo'o ma̱ nde chalyuu, lcaa tsa̱ taca xtyucua ma̱ ji'i̱ ngu' bi' nquicha'; pana nu na' ni, ná tyu̱u̱ tsa̱ tyi'i̱ na' slo cu'ma̱.

SAN JUAN 13:33

Sñi' na' ―nacui̱ Jesús ji'i̱ ngu' bi' li'―, tya xi ca tsa̱ tya tyi'i̱ na' nde chalyuu lo'o ma̱. Ñi'ya̱ nu ni na' ji'i̱ ngu' judío tya tsubi', la cui' ti cha' ta na' lo'o ma̱ juani: Tsaana ma̱ jna', pana ná caja chacuayá' tsaa ma̱ ca su tsa'a̱ ―nacui̱ yu―.

SAN JUAN 14:19

Ca tiya' la xi, li' nga'aa ña'a̱ ñati̱ chalyuu jna'; pana cu'ma̱, tya ña'a̱ ma̱ jna'. Li' caca tso'o tyiquee ma̱, xqui'ya cha' lu'ú na'.

SAN JUAN 16:28

Nde su ndi'i̱ Sti na' ngutu'u na' lijya̱ na' nde chalyuu; lo'o juani cua tyu'u ti na' chalyuu, tsa'a na' ca slo Sti na' chaca quiya'.

SAN JUAN 16:5

Pana juani cua tsa'a ti na' ca su ndi'i̱ ycui' Ndyosi Sti na' nu nda 'na lijya̱a̱, masi bilya xcuane ma̱ jna' ma nde tsa'a̱.

SAN JUAN 17:11

’Nga'aa tyi'i̱ na' lo yuu chalyuu ―nacui̱ Jesús―, cha' cua tya̱a̱ ti na' nde su ntucua nu'u̱; pana ngu' bi', tya tyi'i̱ la ngu' nde chalyuu. Lubii tsa laca nu'u̱, Sti na', bi' cha' ndijña na' cha' clyu ti' jinu'u̱ cuentya ji'i̱ ngu' nu cua nda nu'u̱ 'na. Cua nti' na' cha' cua'a nu'u̱ ji'i̱ ngu' bi' lo'o juersa ji'i̱ ycui' nu'u̱, cha' ná quiñu'u̱ tyiquee ngu'. Ñi'ya̱ nu stu'ba cha' jinu'u̱ lo'o na' ―nacui̱―, jua'a̱ cua'ni nu'u̱ lo'o ngu' bi', cha' caca stu'ba cresiya ji'i̱ ngu' bi' lo'o tya'a ngu' nu ngusñi cha' jinu'u̱.

LOS HECHOS 3:21

Ntsu'u cha' tyanu Jesús ca slo Ni nu juani ti; pana tiya' la, li' tyalaa sca tsa̱ lo'o chaca quiya' cua'ni cucui ycui' Ndyosi ji'i̱ lcaa na nu ntsu'u chalyuu, cha' li' tya̱a̱ Jesús. Jua'a̱ laca cha' nu nda ycui' Ndyosi lo'o jyo'o cusu' ji'na, cha' nu nguscua ngu' lo quityi cua sa'ni la.

GÁLATAS 2:10

Tsa bi' ti cha' nchcui' ngu' lo'o ya, nu ngüijña ngu' ji'i̱ ya cha' lcaa tyempo tyi'u ti' na na laca nu lyiji ji'i̱ nu ngu' ti'i tya'a na nu ndyanu nde Judea. Bi' laca nu ndyu'ni cña ti' na' cha' cua'ni na'.

1 JUAN 3:17

Ntsu'u ngu' tya'a na nu nga'aa ntsu'u na nu lyiji ji'i̱ ngu' tsiya' ti cha' tyiji̱ yu'u ji'i̱ ngu' chalyuu. Si jua'a̱ tso'o ti ndi'i̱ na, lo'o li' ña'a̱ na ji'i̱ tya'a na nu ntsu'u na nu lyiji ji'i̱ ngu', pana ná ntaja'a̱ na cua'ni tya'na ti' na ji'i̱ tya'a na, li' ná taca ji'na ñacui̱ na cha' ntsu'u tyiquee na ña'a̱ na ji'i̱ ycui' Ndyosi, cha' nu ycui' Ndyosi ni, ntsu'u tsa tyiquee Ni ña'a̱ Ni ji'na.