SAN MATEO 21:5 - Chatino Tataltepec

⁵ Cacha' ma̱ ji'i̱ ngu' quichi̱ Sión: “Ña'a̱ ma̱ ña'a̱ cha' cua lijya̱ ti nu laca loo ji'i̱ ma̱. Ná tyaala nu cusu' bi', hichu̱' huru ti ntyucua yu. Sca huru cuañi' laca ni', sñi' na'ni nu ndyi'ya yu'ba laca huru cuañi' bi'.”

SAN MATEO 21:5 Iomraidhean Croise

SAN MATEO 11:29

Xñi ma̱ cña nu ta na' ji'i̱ ma̱, lo'o li' ca tsa'a̱ ma̱ lcaa cha' 'na. Tya'na tsa ti' na' ña'a̱ na' ji'i̱ ma̱, lo'o jua'a̱ talo tsa tyiquee na' ji'i̱ ma̱; ti̱ ti tyi'i̱ tyiquee ma̱ lo'o cua ngüityi̱ na' cha' cuxi nu ntsu'u ne' cresiya ji'i̱ ma̱.

SAN MATEO 2:2

―¿Macala ndi'i̱ cubi' nu ngula tsubi' ti bi'? ―nacui̱ ngu'―. Rey ji'i̱ cu'ma̱ ngu' judío laca cubi' bi' ―nacui̱ ngu'―. Cua na'a̱ ya cuii cucui nu ndacui cua̱ cuentya ji'i̱ cubi' bi', bi' cha' ndyalaa ya ca nde cha' cua'ni tlyu ya ji'i̱ cubi' bi' juani.

SAN MATEO 2:6

Quichi̱ sube ti laca Belén nu ntsu'u loyuu su cuentya Judea, nacui̱ ycui' Ni. Pana quichi̱ tyi sca ngu' tlyu tsa caca, masi quichi̱ sube laca juani, nacui̱ Ni. Caca nu qui'yu tlyu bi' loo, lo'o jua'a̱ ña'a̱si̱i̱ yu ji'i̱ ngu' Israel 'na. Jua'a̱ nscua lo quityi bi'.

SAN MATEO 21:6

Lo'o li' ndyaa nu tucua tya'a ngu' nu ndyaca tsa'a̱ ji'i̱ lquichi̱ bi', ñi'ya̱ nu ngulo Jesús cña ji'i̱ ngu'.

SAN LUCAS 24:27

Li' nguxana Jesús ngulu'u yu cha' ji'i̱ ngu', ña'a̱ cha' nu cua nscua lo quityi cusu' cha' ji'i̱ ycui' yu. Nguxana ngu' lo'o quityi nu nguscua jyo'o Moisés, lo'o li' nchcui' ngu' lo lcaa quityi nu nguscua ngu' nu ngua tu'ba ji'i̱ ycui' Ndyosi nu ngua sa'ni.

SAN JUAN 1:49

―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.

2 CORINTIOS 10:1

Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.